Жил Кунде – Kurir.mk

Кунде е во комбинација за мечот со Реал Мадрид

Бошко Тасиќ — Sun, 16 Oct 2022 06:18:50 +0000

По осум меча во кои Барселона и Реал Мадрид освоија по 22 бодови, на „Сантијаго Бернабеу“ двата гиганти ќе играат меѓусебе во првото Ел Класико за оваа сезона. Реал ја има предноста на домашен терен, но тренерот на гостите, Чави Ернандес може да биде задоволен затоа што токму пред големиот меч во составот доби одлично засилување. Во екипата на Барселона се враќа Жил Кунде, кој пред почетокот на оваа сезона пристигна на „Камп Ноу“, но речиси еден месец беше повреден. Кунде сега е подготвен, вметнат е во составот на гостите и може дури да го очекуваме меѓу стартерите.

Барселона не успеа да го пријави Кунде за натпреварот со Сосиедад

Дарко Андоновски — Sun, 21 Aug 2022 13:42:36 +0000

Барселона не успеа да го пријави дефанзивецот Жил Кунде за второто коло од шампионатот на Шпанија, објави „ЕСПН“. Каталонците не можеа да го пријават новајлијата, купен за 55 милиони евра од Севилја, во составот за неделниот натпревар од второто коло на шампионатот на Шпанија со Реал Сосиедад. На 28 јули Барселона на својата веб-страница објави дека постигнала начелен договор со Севилја за трансферот на Кунде. Минатата сезона Кунде одигра 44 натпревари за Севилја, постигнувајќи три гола и една асистенција. Барселона вечер од 22 часот му гостува на Реал Сосиедад во 2.коло на Ла лига.

Жил Кунде во Барселона

Бошко Тасиќ — Fri, 29 Jul 2022 05:05:05 +0000

Фудбалскиот тим на Барселона официјално доведе фудбалер во одбраната, откако потпиша со францускиот репрезентативец Жил Кунде од Севилја. Барселона и Севилја се договорија за трансфер, а пресуди желбата на Кунде да дојде на „кам Ноу“, иако финансиски подобра беше понудата од лондонски Челси, па сега Французинот треба да ги мине лекарските прегледи пред официјално да го потпише договорот. Кунде со Барселона ќе потпише договот до 2027 година.

Тој беше најскапото засилување на Севилја пред три години кога за него Андалузијците платија 25 милиони евра, а сега ќе заработат од него скоро 60 милиони.

Барселона ја губи трката за Кунде

Бошко Тасиќ — Sat, 23 Jul 2022 05:13:05 +0000

Шпанска Барселона многу извесно е дека ќе ја загуби битката за дефанзивецот Жил Кунде, најави италијанскиот новинар Фабрицио Романо, зашто не може да ја израмни понудата на Челси за стоперот кој е огромна желба на двата тима. Кунде сака да игра во Барселона, според најавите од Каталонија им порачал дека ќе сочека уште малку за да се обидат да го договорат трансферот, но Каталонците според Романо „чувствуваат“ дека понудата од Лондон е пресилна за да ја достигнат.

Кунде ја прифатил понудата од Челси

Бошко Тасиќ — Mon, 21 Feb 2022 11:52:42 +0000

Францускиот фудбалски репрезентативец, Жил Кунде, одбил да се пресели во Барселона и планира како што објавија англиските медиуми е да го облече дресот на Челси. Англичаните тврдат дека директорката Марина Грановскаја, му ветила на Кунде, дека по завршувањето на сезоната ќе биде реализиран неговиот трансфер во Челси. Десната рака на Абрамович во клубот, реагирала веднаш откако на сите во клубот им станало јасно дека Челси, по завршувањето на сезоната ќе остане без Андреас Кристенсен и Антонио Ридигер. Овие двајца не успеаја да се договорат со клубот околу новите договори, тие како слободни играчи ќе го напуштат „Стенфорд Бриџ“.