Португалецот нема да заигра за Вардар

Ристе Здравков — Fri, 24 Jun 2022 18:12:40 +0000

Португалскиот лев бек Жилберто Дуарте, кој треба(ше) да биде големо засилување за тимот на Вардар, најверојатно ќе ја продолжи кариерата во бундеслигашот Гепинген, дознава 24Ракомет. Дуарте требаше да биде одлична замена за Оливие Њокас на левата бековска позиција, но се чини дека нема да го облече „црвено-црниот“ дрес. Откако стана јасно дека македонскиот шампион Вардар нема да игра во Лигата на шампионите, дел од ракометарите што беа потврдени како нови засилувања за „црвено-црниот“ тим, сигурно ќе побараат нови средини. Скапите странци сигурно би биле голем товар за буџетот на Вардар во ваква ситуација, па клубот многу веројатно ќе им даде одврзани раце да заминат во други клубови. Дополнително треба да биде јасно што ќе се случува со Нејц Цехте, Божо Анѓелиќ и Павел Андреев, како и со играчите што ги бранеа боите минатата сезона. Вардар најави прес-конференција за в понеделник, кога ќе бидат појасни работите и ќе се знае на каков играчки кадар ќе се смета за наредната сезона. „Црвено-црниот“ тим на меѓународна сцена би можел да заигра само во регионалната СЕХА лига, но и таму има многу прашалници, па ќе видиме како ќе се одвиваат работите.

Жилберто Дуарте нов ракометар на Вардар 1961

Бошко Тасиќ — Fri, 20 May 2022 17:14:11 +0000

Македонскиот ракометен шампион Вардар 1961 ја засили бековската позиција со португалскиот интернационалец Жилберто Дуарте. 31-годишникот настапува на позицијата лев бек и во Скопје ќе пристигне од редовите на Монпеље од Франција Дуарте е играч со огромно искуство, настапуваше за екипите на Порто, Висла Плок и Барселона, а оваа сезона во Лигата на шампионите даде 24 погодоци. Тој има и 91 настап за репрезентацијата на Португалија , со 283 погодоци зад своето име.

жилберто дуарте – Kurir.mk

Португалецот нема да заигра за Вардар

Жилберто Дуарте нов ракометар на Вардар 1961