зимски јакни – Kurir.mk

Возачите во Шпанија не смеат да носат зимски јакни, казните се огромни

Ристе Здравков — Fri, 17 Dec 2021 19:11:02 +0000

Во Шпанија е забрането да се вози возило во зимска јакна. Можеби на почетокот звучи лудо, но оваа казна се заснова на вистински факти. Првата и најважна работа е што зимската јакна го ограничува возачот додека вози, попречувајќи му ги движењата и спречувајќи оптимална реакција во итни ситуации. Да не зборуваме дека истото важи и за ракавиците, а во Шпанија ќе бидете казнети дури и да возите со шал околу вратот. И казната не е мала. За овој прекршок возачот ќе плати казна од 200 евра. Минатата година германскиот ADAC објави дека зимската јакна за време на возењето резултира со уште еден проблем и тоа важи за возачот, но и за сите патници кои користат појас. Имено, дебелата јакна го спречува оптималното затегнување на ременот, кој при судир може да се лизне подолу преку стомакот и да предизвика повреди на меките ткива, како што се цревата, црниот дроб или слезината, па дури и да доведе до внатрешно крварење. Доколку не сакате таков ризик, ставете го појасот под палтото или јакната, советува ADAC. Се разбира, тоа не е правило ако патувате во Шпанија.

Зимски јакни за 300 ученици од социјални семејства во општина Бутел

Ивона Петрова — Mon, 24 Dec 2018 06:31:33 +0000

Градоначалникот на општина Бутел, Велимир Смилевски денеска ќе им подели нови зимски јакни на 300 ученици од социјално ранливите семејства од основните училишта во општината. Детските зимски јакни, како што информираат од општина Бутел, се донација од компанијата „Здравје Радово“. Општина Бутел доби уште една предновогодишна донација од невладината организација „Македонски центар за граѓанско образование“ во која има 100 јакни за возрасни, 100 дождовни мантили и 50 носачи за бебиња (кенгури). Но, нивната распределба, како што велат од општината, ќе биде направена по новогодишните празници.

Млекара Здравје со донација на зимски јакни за граѓаните на кои им е потребна помош

Ивона Петрова — Thu, 22 Nov 2018 14:21:37 +0000

Насмевки и задоволство за вниманието можеше да се забележи на лицата на граѓаните сместени во Дневниотцентар за деца на улица - Шуто Оризари и на бездомните лица сместени во времениот објект за лица со поддржано живеење - Визбегово. Млекара Здравје под мотото „Здравје во твои раце“, продолжува со хуманитарните активности и за оние групи на граѓани на кои им е потребна помош донираше зимски јакни. -Постојано ги следиме потребите на граѓаните на кои им е потребна поддршка. Со нашите активности сакаме да дадеме придонес во општеството на оние категории на граѓани на кои им е потребна помош. Ние во континуитет учествуваме и даваме безрезервна поддршка на иницијативи кои имаат хуманитарен карактер, овој пат, преку донација на зимски јакни, изјавуваат од Млекара Здравје. Од млекарницата информираат дека оваа активност има за цел да даде скромен придонесза најранливите категорииво општеството.