зимски преоден рок – Kurir.mk

Трансфери кои го одбележаа зимскиот преоден рок

Ивона Петрова — Wed, 01 Feb 2023 08:37:46 +0000

Зад нас е уште еден преоден рок - овој пат зимскиот и веројатно највозбудлив досега. Во повеќето земји рокот завршуваше на полноќ, а ова трансферите кои го одбележаа преодниот рок. Енцо Фернандеш: Бенфика – Челзи (121 милиони евра) Енцо Фернандез го зазема незаменливото прво место. Најдобриот млад фудбалер на Мундијалот во Катар пристигна во Челзи во трансфер со кој урна неколку рекорди во Премиер лигата, со што и стави крај на најдолгата трансфер сага оваа зима. Фернандез во Лондон пристигнува за над 120 милиони, а потпиша договор на осум и пол години. Михаило Мудрик: Шахтјор – Челзи (90 милиони евра) Мудрик е познат како еден од најталентираните играчи во светот. Тој веќе во првите минути во дресот на Челзи го покажа својот потенцијал, а треба да се напомене дека сините го украдоа буквално токму пред градскиот ривал Арсенал. Жоао Кансело: Манчестер Сити – Баерн Минхен (позајмица со опција за откуп 70 милиони евра) Жоао Кансело беше еден од најважните играчи на Манчестер Сити, па многумина се изненадени тоа што неговото име се појави како најголемото засилување на Баерн Минхен. Португалецот претходно жестоко се судри со Пеп Гвардиола откако дозна дека нема да игра против Арсенал во ФА Купот, работата многу брзо ескалира. Коди Гакпо: ПСВ – Ливерпул (42 милиони евра) Ова е и единствениот договор за „црвените“ во овој преоден рок. Гакпо пристигна на „Енфилд“ по одличните игри на Светското првенство во Катар, но и со репутација на еден од најдобрите фудбалери во холандската Ередивизија. Жоржињо: Челзи - Арсенал (12 милиони евра) А се виде и едно „предавство“ - Жоржињо, според многумина, еден од најзаслужните играчи за титулата на ЕП на Челзи во 2021 година, изненадувачки го засили тимот на Арсенал за 12 милиони евра.

Барса доби забрана за трансфери во јануари

Ивона Петрова — Wed, 16 Nov 2022 11:21:33 +0000

Нов шок за шпанскиот гигант. Фудбалскиот клуб Барселонадоби забрана од шпанската Ла Лига. - Моравме да направиме некои тешки, непопуларни потези. Тоа беа економските операции кои го спасија клубот од пропаст. Сега сме во фаза на опоравување и наскоро ќе застанеме на нозе. Очекувам добивка од околу 270.000.000 евра, но и покрај тоа, според правилата за финансиски фер-плеј на шпанската лига, не можеме да донесеме нови играчи. Односно не можеме да ги регистрираме, изјави Лапорта. Вели дека се обидуваат да ги убедат дека правилникот треба да биде пофлексибилен. - Да се дозволи некои други видови на толкување, што не само што ќе ни овозможи ние да се засилиме, туку и другите клубови. Ваквиот правилник е прилично бесмислен! Не треба да има нееднаквости како што ги имаме денес. Во Премиер лигата, на пример, се е пофлексибилно отколку во Шпанија. Сите треба да имаме исти можности и обврски, додава претседателот на клубот. За потсетување, Барселона летово направи големи зделки. Купи играчи вредни повеќе од 150.000.000 евра, донесе неколку познати имиња без отштета, за сериозни плати, но истото нема да може да го сторат во зимскиот преоден рок.

Милан стана најскапиот европски клуб во зимскиот трансфер прозорец

Дарко Андоновски — Sat, 02 Feb 2019 16:41:37 +0000

Калчолигашот Милан во јануари купи засилувања во износ од 70 милиони евра, со што го зазема првото место по потрошени финансиски средства во Европа во зимскиот трансфер прозорец. И покрај фактот што „росонерите“ внимателно ги следат правилата на УЕФА во врска со финансискиот фер плеј, тие ги купија Лукас Пакет и Кшиштоф Пјонтек, секој од нив чинеше по 35 милиони евра. Во моментов тимот предводен од Џенаро Гатузсе на четвртото место на италијанскиот шампионат со 35 бода од 21 натпревар.