зинадин зидан – Kurir.mk

Зидан го пофали Куртоа по синоќешната победа над Алавес

Тале Кристо — Sat, 11 Jul 2020 08:50:16 +0000

Тренерот на Реал Мадрид, Зинедин Зидан ја пофали играта на голманот Тибо Куртоа по успехот на тимот над Алавес со 2:0 во натпревар од Ла Лига. Белгиецот по 18-ти пат оваа сезона ја задржа мрежата сува, а ова е 5-ти по ред што не дозволи гол. – Ние ја заслуживме победата. Овие беа важни 3 поени. Останаа уште 3 натпревари. Сега ќе се одмориме и ќе се подготвиме за следниот натпревар. Во овој момент не дозволуваме многу голови. Куртоа имаше значајно влијание, бидејќи игра голема улога во тоа да не примаме голови, прокоментира францускиот стручњак. Во пласманот Реал е лидер со 80 поени и 4 пред Барселона. Остануваат уште 3 кола до крајот на првенството. (МИА)

Зидан сака да го види Мбапе во Реал

Дарко Андоновски — Wed, 08 Apr 2020 12:33:13 +0000

Фудбалерот на Пари Сен-Жермен, Килјан Мбапе, може да заврши во Реал Мадрид. Него, во шпанскиот клуб лично сака да го види тренерот Зинедин Зидан, пренесува новинарот Никола Скира на Твитер. Сепак, ПСЖ не сака да се раздели со напаѓачот. Спортскиот директор во Париз, Леонардо, се обидува да го убеди фудбалерот да остане нудејќи му договор до 2025 година со двојно зголемување на платата. Во тековната сезона, 21-годишниот Французин има одиграно 33 натпревари на сите натпреварувања, во кои постигна 30 голови и направи четири асистенции.

„МИРОР“: Зидан во Дубаи го убедил Погба да дојде во Реал Мадрид (ФОТО)

Ристе Здравков — Fri, 18 Oct 2019 07:51:20 +0000

На состанок во Дубаи, Зинедин Зидан го убедил Пол Погба да дојде во Реал Мадрид и тоа во најкраток можен рок, ова го тврди „Мирор“ од Англија. Со ексклузивна фотографија, „Мирор“ пишува дека на овој состанок не е договорено ништо конкретно но се шпекулира дека Погба ќе потпише за Реал Мадрид. Французинот има договор со Јунајтед до јуни 2021 година и потоа е слободен играч, можно е шпекулираат медиумите од Англија и Шпанија трансферот да се случи во јануари. извор: dribling.mk