жири – Kurir.mk

ВИДЕО: Марија Шерифовиќ ги разоткри сите колеги од жирито, и признаа колку пари земале од кандидатите

Ивона Петрова — Fri, 03 Mar 2023 08:32:40 +0000

„Кој земал пари?“ е насловено најновото видео на јутјуб каналот на српската пејачка Марија Шерифовиќ. Познато е дека таа е дел од жирито на музичкото натпреварување „Ѕвездите на Гранд“. Марија ги открива своите колеги и дознава кој колку пари има земено од кандидатите. Ѓорѓе Давид и признава дека земал 12.000 евра. Сите изјави на членовите на жирито се иронични, со оглед на ситуацијата. Дури и Марија низ шега вели дека на Џејла Рамовиќ која победи во шоуто и земала 100.000. Дури и водителот призна дека за да зборува поубаво за кандидатите со нивната поддршка, примал чоколади од Швајцарија, маица, неколку литри ракија. Нивните изјави погледнете ги во видеото во продолжение. Марија се одлучила да го сними ова видео откако еден од кандидатите јавно ја обвини Снежана Ѓуришиќ дека преку својот агент му барала пари за да помине во следниот круг.

„Ми се закануваат дека ќе ме убијат и претепаат“: Член на жирито на „Ѕвездите на Гранд“ открива зошто му праќаат толку морбидни пораки!

Магдалена Андонова — Wed, 10 Mar 2021 12:43:58 +0000

Членот на жирито на музичкото натпреварување „Ѕвездите на Гранд“, Ѓорѓе Давид, откри дека му се заканувале со убиство на социјалните мрежи, сето тоа затоа што го „издал“ рокенрол. Неговите поранешни обожаватели веруваат дека тој го издал рокенролот кога се согласил да биде во жирито на „Звездите на Гранд“. Како што вели, тој не се плаши за својот живот, затоа што го води познатата изрека дека „оној што лае, не гризе“. - Многу се забавувам, но таму има сè. Има закани дека ќе ме убијат, ќе ме тепаат, дека сум го предал рокенролот, дека сум селанец, има сè, но мене тоа ми е доста симпатично. Некои те плукаат, некои те фалат, но тоа само значи дека ги интригираш луѓето, што е добро за бизнис. Глупаво е да очекувате сите да ве сакаат , рече Ѓорѓе Давид, истакнувајќи дека е најшокиран од реакција на еден професор по пијано. - Имав еден „пациент“ кој е професор по пијано на Факултетот за уметности во Белград. Тој е единствениот доктор по пијано во Србија, но оној што му го даде докторатот е очигледно глув. Страшно е некој што е во таква позиција , кој се занимава со педагогија и „Неограничен интернет и ограничена интелигенција е нешто што им даде зелено светло на многу будали, а овие„ градители на тастатура “можат да бидат само силни, тоа ги прави потентни, рече Давид, кој неодамна изјави за Гранд.

Член на жирито на „Ѕвездите на Гранд“ заразен со коронавирус (ФОТО)

Тале Кристо — Thu, 26 Mar 2020 15:04:30 +0000

Давид Ѓорѓе преку социјалните мрежи потврди дека е позитивен на коронавирус. Познатиот српски рокер и член на жирито на „Ѕвездите на Гранд“, Ѓорѓе Давид во болница заврши поради воспаление на белите дробови. Тој преку социјалната мрежа Инстаграм испрати порака до сите. -За жал... потврдено ми е дека позитивен сум на Ковид-19! Не разбирам... Очаен сум. Вирусот ќе помине, но... Болницата, пеколот, како да си во затвор или војска. Луѓе чувајте се. Ве молам!, напиша тој на Инстаграм.

ВИДЕО: Ги знаете како Барс и Мелоди, сега повторно се појавија на сцената на „Америка има талент“ и го разочараа жирито

Ивона Петрова — Wed, 29 Jan 2020 09:58:32 +0000

Младите момци Леонард и Чарли познати како Барс и Мелоди во 2014 година го освоија третото место на шоуто „Британија има талент“ откако го воодушевија жирито со својата оригинална песна, за што од Сајмон Кауел кој важи за најстрог меѓу жири членовите, добија златно копче. Тие го продолжија патот во музиката, а годинава се претставија во шоуто „Америка има талент“ кое оваа сезона на едно место ги собра сите изминати победници и натпреварувачи кои се издвоиле со текот на годините. Барс (19) и Мелоди (21) повторно пред публиката и жирито се претставија со својата песна, но овојпат разочараа. Еден член на жирито разочаран од нивниот настап им притисна црвен тастер. И останатите членови немаа пофални зборови за нив. Како изгледаше настапот погледнете во продолжение.

Членот на жирито на „Ѕвездите на гранд“ го напушти снимањето во солзи: Колегите ги послушаа молбите на Вики па го откажаа снимањето

Дарко Андоновски — Tue, 09 Apr 2019 09:55:39 +0000

Членот на жирито на „Ѕвездите на гранд“ Вики Миљковиќ често е на мета на напади од страна на останатите членови на жирито, а овој пат ситуацијата очигледно ескалирала. Имено како што пренесуваат српските медиуми остатокот од жирито толку многу ја изнервирале Вики што таа го напуштила снимањето во солзи. Се почнало така што додека пеел кандидатот на кого таа му е ментор се обидела да побара уште неколку гласа за него за да обезбеди влез во баражот, но молбите на пејачката останале неслушнати за сите. По расправата таа во солзи го напуштила студиото и емисијата беше прекината, сепак подоцна таа се вратила во студиото, а снимањето продолжило да се снима.

Објавени номинациите за овогодишните Оскари

Дарко Андоновски — Tue, 22 Jan 2019 15:48:46 +0000

Жирито на Американската филмска академија денеска ги објави номинациите за наградите Оскар за 2019 година. Номинациите беа презентирани во живо на Јутјуб каналот на наградите Оскар. За Оскар за најдобар филм ќе се натпреваруваат осум остварување: „Roma“, „A Star is Born“, „Green Book“, „BlacKkKlansman“, „Vice“, „The Favourite“, „Black Panther“ и „Bohemian Rhapsody“. Во конкуренција за најдобар режисер се Алфонсо Куарон („Roma“), Бредли Купер („A Star is Born“), Спајк Ли („BlacKkKlansman“), Јоргос Лантимос („The Favouritе“), Адам Мекеј („Vice“) и Павел Павликовски („Cold War“). Номинацијата за најдобра машка улога ја добија Кристијан Бејл („Vice“), Рами Малек („Bohemian Rhapsody“), Бредли Купер („A Star is Born“), Виго Мортенсен („Green Book“) и Вилијам Дефо („At Eternity’s Gate“). За Оскарот за најдобра женска улога ќе се натпреваруваат пет актерки: Глен Клоуз („The Wife“), Леjди Гага („A Star is Born“), Оливиja Колман („The Favourite“), Јалица Апарисио („Roma“) и Мелиса Макарти („Can You Ever Forgive Me?“). Номинацијата за најдобар филм од неанглиското говорно подрачје ја добија „Never Look Away“, „Cold War“, „Capernaum“, „Roma“ и „Shoplifters“. Овогoдишната 91-ва церемонија на врачување на нагрдаата Оскар ќе се одржи на 24 февруари во Лос Анџелес. Академијата одлучи да нема водител на гала вечерата, откако претодно избраниот водител, актерот Кевин Харт, се откажа од таа улога по обелоденувањето дека од 2009 до 2011 година тој постирал хомофобични твитови.

Жирито лееше солзи, публиката громогласно аплаудираше- тој е слеп, има аутизам и епилепсија, а неговиот глас е ангелски (ВИДЕО)

Дарко Андоновски — Mon, 08 Oct 2018 09:23:16 +0000

Настапот на 20 годишниот Денис Барта од Сараево речиси жирито на хрватскиот „Супер талент“ ќе го паметат вечно. Денис е роден во Италија каде неговите родители тогаш живееле, роден е три месеци порано со 535 грама, а осум дена по раѓањето му било оперирано срцето. Кога наполнил 40 дена бил потполно слеп. Од втората негова година се бори со епилепсија, а на четири години му е дијагностицирано аутизам. Иако не може да ги движи рацете за секојдневни активности, тој свири клавијатура.

ФОТО: Кој ќе седи на местото на Лукас – ова е новиот член на жирито на „Ѕвездите на Гранд“ за кого Карлеуша вели дека е добар фраер

Дарко Андоновски — Tue, 11 Sep 2018 08:43:11 +0000

Саша Поповиќ на овој потег се одлучи воден од еден мотив - на гледачите да им пружи нешто досега невидено во „Ѕвездите на Гранд“. На местото на фолк-пејачот Аца Лукас доаѓа рокенрол пејачот Ѓорѓе Николиќ, познат по уметничкото име Џорџе Давид. -Добар фраер, екстремни интелигентен, талентиран, остар на јазик. Всушност, ќе видите, многу брзо стартуваме - рекла Јелена Карлеуша.

ВИДЕО: Жирито одби да го коментира настапот на Ивона од Куманово во „Ѕвездите на гранд“, а реченицата на Ана Бекута е повеќе од јасна!

Дарко Андоновски — Tue, 09 Jan 2018 12:17:28 +0000

Жирито нејзиниот настап во вториот круг го опиша како „музичка бомба“ и решија да не коментираат понатаму. 21-годишната Ивона и пред неколку години учествуваше на истото натпреварување и стигна до финалниот круг. Целиот настап погледнете го од 1 часот 18 минути и 23 секунди.

Кејт Бланшет претседател на жирито на Канскиот фестивал

Ивона Петрова — Thu, 04 Jan 2018 10:38:17 +0000

Австралиската актерка Кејт Бланшет, добитничка на два Оскара, ќе претседава со жирито на 71. Меѓународен филмски фестивал во Кан, што се одржува од 8 до 19 мај, соопштија организаторите. Блашнет е една од предводничките на борбата против сексуалното вознемирување. Таа заедно со актерките Натали Портман и Мерил Стрип ја формираа Фондацијата „Готово е“ (Time'Up) за помош на жртвите од сексуално злоставување. Австралиската актерка е 12. жена која ќе претседава со жирито на Канскиот фестивал, четири години по новозеландската режисерка Џејм Кемпион.