житарици – Kurir.mk

Киев: Вкупно 720.000 тони житарици на 33 бродови ги напуштија украинските пристаништа

Тале Кристо — Tue, 23 Aug 2022 10:19:05 +0000

Министерството за земјоделство на Украина соопшти дека вкупно 33 товарни бродови со повеќе од 720.000 тони прехранбени производи ја напуштиле земјата согласно договорот меѓу Киев и Москва, кој со посредство на ОН и Турција ги деблокира украинските поморски пристаништа. Според Заедничкиот координативен центар во Истанбул, кој го следи спроведувањето на договорот, од постигнувањето на договорот од три украински пристаништа на Црното Море се извезени вкупно 721.449 тони житарици и прехранбени производи.

Од Украина испловиле уште два брода со житарици

Тале Кристо — Sat, 20 Aug 2022 11:28:12 +0000

Уште два брода со житарици денеска тргнаа од Украина за Турција, јавува агенцијата Анадолија. Турското Министерство за одбрана соопшти дека два брода со житарици испловиле од украинското пристаниште Черноморск. Тие се упатија кон Истанбул каде ќе се изврши инспекција. На 22 јули, Обединетите нации, Украина, Турција и Русија потпишаа договор за обновување на снабдувањето со украински житарици од црноморските пристаништа Јужни, Черноморск и Одеса. Претходно, транспортот на житарици од Украина преку Црното Море беше невозможен, поради руската воена блокада. Испораките ги надгледува заедничкиот координативен центар во Истанбул, во кој учествуваат претставници од ОН и од трите земји.

Забраната за извоз на одделни житарици, брашно, сончоглед и сончогледови масла продолжена до 15 април

Катерина Бојаџиева — Fri, 18 Mar 2022 18:15:07 +0000

Владата на денешната 31 седница го продолжи рокот на одлуката за ограничување на извозот на одделни стоки донесена на 26-тата седница од 11 март, со што ограничувањето за извозот на пченица и наполица, јачмен, пченка, брашно од пченица и наполица, семе на сончоглед, како и масла од семе од сончоглед, е продолжено до 15 април 2022 година. Со продолжувањето на рокот, на предлог на Министерството за економија, во консултации со Министерството за земјоделство, шумарство и водостопанство, се наведува во соопштението од владиниот Сектор за односи со јавноста, ќе се оневозможи извоз на овие продукти за да се спречат штетите што од тоа можат да настанат на домашниот пазар.