жител – Kurir.mk

ВИДЕО: Прва изјава на човекот кој беше нападнат од мечка – „Ме фати со заби, останав здрвен“

Ивона Петрова — Tue, 24 Oct 2023 13:33:04 +0000

Жител на село Пласница вчера утрината беше нападнат од мечка меѓу селата Пласница и Ораоец, општина Македонски Брод. Како што раскажува 76 годишниот жител на Пласница, мечката го нападнала кога утрината околу 8:30 часот заминал да бере дренки. -Седнав и одеднаш на мене дојде, ме турна. Ме легна на земја и јас се заштитив со раката. Со заби ме фати кај ребрата и јас викнав „помош, помош“. Ме пушти брзо и си отиде. Останав здрвен, исплашев многу, крв ми течеше. Има многу мечки оваа година. Имам 76 години, досега ова се нема случено, толку многу мечки како последниве години. Лошо ми е многу, не можев да спијам. Викам во сонот, раскажува Минче Рамчески. Ловец кој прв му помогнал на повредениот човек, вели дека мечки има многу оваа година и постојано ги сретнуваат. Ги среќаваат во близина на самите села. -Бевме на лов и слушнавме како некој бара помош и спомнува мечка. Испукавме неколку пати со пушките, се спуштивме надолу и го сретнавме човекот. Беше пребледен, не знаеше да ни објасни што се случило. Искрварен беше, не можеше ништо да ни каже, само повторуваше „мечката ме изеде“. Го однесовме во болница, раскажува Раим Рамчески, ловец кој му помогнал на нападнатиот човек.

Приведен жител на Блаце, пренесувал поголема количина производи без документација

Тале Кристо — Thu, 21 Sep 2023 14:36:07 +0000

Денеска (21.09.2023) во 00.20 часот кај место викано „Дупки“ во близина на државната граница со Косово, полициски службеници од Полициската станица за граничен премин Долно Блаце при Регионалниот центар за гранични работи Север го лишиле од слобода И.А.(42) од с.Блаце, општина Чучер Сандево. Тој бил забележан како од патничко возило „мерцедес“, со скопски регистарски ознаки, врши истовар на кутии. По извршена контрола во возилото било констатирано дека во возилото има поголема количина различни производи за кои не поседува документација. Возилото и производите биле одземени за понатамошна постапка, а со лицето бил извршен службен разговор во полициска станица. По целосно документирање на случајот, во координација со јавен обвинител, против него ќе биде поднесена пријава по член 278 од Кривичниот законик.

Уапсен жител на Македонски Брод, при претрес му било пронајдено оружје

Тале Кристо — Sun, 06 Aug 2023 15:03:57 +0000

На 06.08.2023 во 07.20 часот, полициски службеници од Полициската станица Македонски Брод го лишиле од слобода М.З.(61) од Македонски Брод. При претрес во неговиот дом, извршен со судска наредба, биле пронајдени и одземени малокалибарска пушка „Зброевка брно “ калибар 22 мм, рамка со 32 куршуми и еден пиштол со рамка со 51 куршуми калибар 7.65мм. Лицето било задржано во полициска станица и по целосно документирање на случајот против него ќе биде поднесена соодветна пријава.

Уапсен жител на Студеничани, украл поголема количина железо од железничките пруги во с.Трубарево

Тале Кристо — Fri, 03 Mar 2023 15:58:43 +0000

На 02.03.2023 на влезот во с.Студеничани, скопско, полициски службеници од СВР Скопје го лишиле од слобода А.Н. од с.Трубарево, скопско. Имено, А.Н. бил сопрен додека со трактор со приколка превезувал поголема количина железо, односно делови од возови и железничка инфраструктура. Во службен разговор во Полициската станица Драчево А.Н. го признал кривичното дело со појаснување дека предметите ги одземал од железничките пруги во с.Трубарево. По документирање на случајот ќе следува соодветен поднесок.

Приведен жител на Голема Речица

Тале Кристо — Mon, 06 Feb 2023 15:57:40 +0000

Денеска (06.02.2023) во 11.10 часот на улица „Маршал Тито“ во Тетово, полициски службеници на СВР Тетово, со судска наредба, го привеле 59-годишниот А.Р. од тетовска Голема Речица за издржување на затворска казна. Тој бил спроведен во Казнено-поправната установа Затвор Тетово за издржување на казната.

Жител на скопско Трубарево нападнат со тврд предмет

Тале Кристо — Fri, 03 Feb 2023 16:20:11 +0000

На 02.02.2023 во 20.30 часот во СВР Скопје, М.М.(23) од с.Трубарево, скопско, пријавил дека околу 19.50 часот на ул.„Благоја Стефковски“ бил физички нападнат со тврд предмет од И.Н., кој го оштетил и неговото возило. Се работи на расчистување на случајот.

Приведено лице во Скопје за издржување затворска казна

Тале Кристо — Thu, 28 Jul 2022 09:16:43 +0000

Денеска (28.07.2022) во 09.45 часот на улица „Ѓорѓи Капчев“ во Скопје, полициски службеници од Оперативен тим потраги при СВР Скопје го лишиле од слобода И.Т.(51) од Македонски Брод, со живеалиште во Скопје. Тој бил баран по централна потерница од Основен кривичен суд Скопје за издржување казна затвор од една година за сторено кривично дело по член 130 од Кривичниот законик. Лицето ќе биде спроведено во казнено-поправна установа за издржување на казната.

Жител од скопско Студеничани нападнат во Центар

Тале Кристо — Wed, 06 Jul 2022 15:07:02 +0000

На 05.07.2022 во 21.20 часот во Полициската станица Центар, У.Ш.(24) од с.Студеничани, скопско, пријавил дека околу 19.45 часот на паркинг пред спортски центар на подрачјето на Центар бил физички нападнат од едно лице. Се преземаат мерки за расчистување на случајот.

Вработен на бензиска пумпа нападнат од жител на Арачиново

Тале Кристо — Wed, 01 Jun 2022 15:42:00 +0000

На 01.06.2022 во 02.10 часот во СВР Скопје, М.М.(32) од с.Ајватовци, општина Илинден, пријавил дека на работното место на бензиска пумпа во с.Кадино, општина Илинден, по претходна расправија, бил физички нападнат од Ж.Ј.(41) од општина Арачиново. Се преземаат мерки за расчистување на случајот.

Уапсен жител на Република Албанија: Бил затекнат при извршување кражба во плац за авто делови

Тале Кристо — Mon, 25 Apr 2022 11:23:02 +0000

На 24.04.2022 во 14.40 часот на локалниот пат с.Велешта-с.Долна Белица, струшко, полициски службеници од Полициската станица Струга го лишиле од слобода Х.А.(56) од Република Албанија. Тој бил затекнат при извршување кражба во плац за авто делови. Одземениете предмети биле пронајдени и вратени на сопственикот, а лицето било приведено во полициска станица. По целосно документирање на случајот против него ќе биде поднесена соодветна пријава.