жители – Kurir.mk

Хагари го повтори повикот до жителите на Газа да заминат на југ

Тале Кристо — Tue, 31 Oct 2023 20:01:21 +0000

Портпаролот на израелските одбранбени сили Даниел Хагари на денешната прес-конференција истакна дека Хамас продолжува да го користи цивилното население како штит намерно „и на многу суров и брутален начин“. Тој рече дека актуелниот лидер на Хамас во Газа Синвар „не се грижи за луѓето во Газа“ и додаде дека „намерно ја изградил инфраструктурата на Хамас под домовите на луѓето“. Хагари потоа го повтори повикот на ИДФ за луѓето од северниот дел на Појасот Газа да се упатат кон југ. Израел го прогласи северниот дел на Газа за зона на евакуација. Тој претходно потврди дека израелски борбени авиони го извршиле нападот врз бегалскиот камп Џабалија во Газа во кој, како што рече, загинал висок командант на Хамас и предизвикал уривање на подземната инфраструктура на Хамас. Тој рече дека во нападот загинале и неколку други членови на Хамас кои биле со командантот и „во зградата и под земја“. Хагари информира дека таргетирањето на зградата довело до уривање на други згради, кои, според него, имале „многу обемна инфраструктура“. - Целта на таа инфраструктура беше да изврши терористички активности против нашите сили, наведе Хагари и додаде дека „целата инфраструктура е урната“.

ОН: Евентуална воена ескалација би била катастрофална за жителите на Газа

Тале Кристо — Fri, 20 Oct 2023 15:06:03 +0000

Каква било ескалација или продолжување на воените дејствија на Израел во Газа би биле „чисто катастрофални“ за локалното население, нагласи високиот комесар на ОН за бегалци Филипо Гранди. Таквото мислење Гранди го искажа на прес-конференција во Токио. Тој нагласи дека неговата агенција нема официјален мандат за палестинските територии или Израел, но рече дека „ја споделува загриженоста и екстремната загриженост изразена од многу (негови) колеги, вклучително и генералниот секретар на ОН“ во врска со конфликтот. „Засега не може да се проценат последиците од можното проширување на конфликтот во Либан и на други места“, додаде Гранди.

Израелската армија повторно ги повика жителите на Газа да се евакуираат

Тале Кристо — Sun, 15 Oct 2023 09:39:07 +0000

Портпаролот на израелската армија Јонатан Конрикус повторно ги повика жителите на северниот дел на Појасот Газа да го почитуваат предупредувањето да се евакуираат во јужниот дел на палестинската територија, во време кога, како што наведе, Израел е подготвен да започне „значајни воени операции“. „Важно е да се фокусираме на фактот дека ќе започнеме значајни воени операции кога ќе видиме дека цивилите ја напуштиле областа“, изјави за Си-Ен-Ен, потполковник Конрикус. „Навистина е важно луѓето од Газа да знаат дека овој пат бевме многу, многу, великодушни. Дадовме доволно предупредување, повеќе од 25 часа“, рече портпаролот, оценувајќи дека е повеќе од доволно жителите на Газа да си заминат, објавија израелските медиуми . Стотици илјади жители на Газа се евакуирани од околу половина од територијата на густо населениот Појас Газа, но многумина останаа, главно во болнички засолништа на северот. Во меѓувреме се соочуваат со недостиг од храна, вода и лекови.

Жителите на Москва положуваат цвеќе за жртвите од Харков

Тале Кристо — Sat, 07 Oct 2023 12:31:32 +0000

Жителите на Москва од вчера положуваат цвеќе за жртвите од руските ракетни напади врз североисточниот украински регион Харков, по дводневните жестоки напади во кои беа повредени и убиени десетици цивили. Речиси сите жолти и сини цветови се распродадени, објави вчера независниот интернет портал „Астра“. Цветни аранжмани се положуваат на статуата на украинската поетеса Лесија Украинка. Општинските власти наводно да ги отстрануваат цвеќињата од споменикот. Во четвртокот и петокот десетици цивили беа повредени и убиени во жестоки руски напади. Десетгодишно момче и неговата баба беа убиени вчера во Харков кога проектил погоди станбена зграда. Повредени се 30 лица, од кои 12 се хоспитализирани. Властите во Харков синоќа ги прекинаа операциите за пребарување и спасување. Еден ден претходно, според официјалните податоци, во руски ракетен напад врз кафуле во село во областа Харков, загинаа 52 лица. Русите повеќе пати изразуваа сочувство за жртвите од претходните руски напади врз цивилни цели во Украина. Руските власти редовно преземаат мерки против ваквите солидарни акции. Официјално, Москва негира дека гранатира цивилни цели во Украина.

Локалните власти во Херсонската област спроведуваат задолжителна евакуација на жителите на Купјанск и околината

Тале Кристо — Thu, 10 Aug 2023 14:13:09 +0000

Локалните власти од Херсонската област денеска издадоа наредба за задолжителна евакуација на жителите од градот Купјанск и неговата околина поради интензивното руско гранатирање на областа, јавува Си-Ен-Ен. Русија во последните неколку недели ги засили напорите да го поврати Купјанск, градот што украинските сили го презедоа во септември. Во наредбата се наведува дека е најавена задолжителна евакуација за жителите на градот, како и на Заоскил, што се наоѓа на источниот брег на реката Оскол. „Руските јуришни тимови ги подобрија позициите во Купјанск“, изјави портпаролот на руското Министерство за одбрана, генерал-полковник Игор Конашенков, пренесе Тасс. Во последните недели, руските сили ги интензивираа напорите да ги пробијат линиите на украинскиот фронт источно од реката Оскол и ја зголемија фреквенцијата на воздушни и артилериски напади врз населените места од двете страни на реката.

Жители на Градско и Велес поради реконструкција на регионалниот пат секојдневно мораат да плаќаат патарини

Тале Кристо — Wed, 12 Jul 2023 15:52:39 +0000

Жители на Градско и населените места од Општина Градско кои работат во Велес и обратно жители на Велес кои работат во Градско и околината поради асфалтирање на регионалниот пат Велес - Градско се револтирани бидејќи од денеска, па се до 22 јули во периодот од 8 до 18 часот, во време кога одат и се враќаат од работа повторно, како и во повеќе наврати досега повторно се принудени секојдневно да патуваат само преку автопат. Така тие не по свој избор, а без друго алтернативно решение од страна на инвеститорот се принудени секојдневно да плаќаат патарини на автопат од 60 денари во еден, односно 120 денари во двата правци. Од АМСМ на својата веб страна информираа дека поради асфалтирање на региналниот пат Р1102 Велес - Градско од денеска до 22 јули овој патен правец во периодот од 8 до 18 часот целосно ќе биде затворен за сообраќај. Жители на Општина Градско и Велес се револтирани дека тоа е периодот кога одат и се враќаат од работа па се принудени на дополнителни трошоци секој ден плус 120 денари. Тие од надлежните кои го реконструираат патот, односно од ЈПДП подолго време бараат да им бидат дадени налепници дека се од овие населени места и да бидат ослободени од секојдневно плаќање на патерините. Стојанче Перов од Градско, кој работи во Велес изјави за МИА дека е револтиран од тоа што за време на реконсрукцијата на регионалниот пат Градско - Велес во повеќе наврати бил принуден исклучиво да вози на автопат и да плаќа патарина. Тој додава дека реконструкцијата трае веќе подолго од девет месеци колку што првично беше најавено во медиумите. Реконструкцијата започна на 28 септември лани и беше најавено дека ќе трае девет месеци, а рокот истече на 28 јуни. Инаку денеска регионалниот пат Велес - Градско се асфалтираше кај патарината веднаш по археолошкиол локалитет „Стоби“. Работите, според најавите од АМСМ, треба да бидат завршени до 22 јули годинава.

Бројот на жители во Германија првпат надмина 84 милиони

Тале Кристо — Thu, 19 Jan 2023 12:41:07 +0000

Германија на крајот на 2022 година имала најмалку 84,3 милиони жители, според прелиминарните проценки направени денеска од Федералниот завод за статистика од Визбаден, што е повеќе отколку на крајот на некоја година откако се води статистика. Сепак, причината не е позитивен наталитет, туку рекордната имиграција. Споредено со крајот на 2021 година, бројот на жители се зголемил за 1,1 милион луѓе, а причината е далеку поголем број имигранти во Германија од тие што ја напуштиле. Една од главните причини е војната во Украина, бидејќи огромен број украински бегалци побарале засолниште во Германија. Според претходните податоци, само во првата половина на 2022 година во Германија дошле околу 750.000 Украинци, главно жени, деца и постари лица. Во соопштението на Заводот за статистика се наведува дека во Германија во 2022 година дошле меѓу 1,42 и 1,45 милиони луѓе повеќе отколку што емигрирале во странство. Тоа е над четири пати повеќе отколку во 2021 година, кога тоа позитивно салдо изнесуваше 329.163. Во исто време, тој е највисок од 1950 година. Заедно со бегалците од Украина, значително е зголемена и доселувањето на граѓани од други земји. Од 2014 до 2022 година, бројот на германски жители се зголемил за околу 2,9 милиони луѓе, но во исто време се намалил и бројот на жители со германско државјанство. Намален е и бројот на германски државјани на работоспособна возраст од 15 до 65 години. Според показателите од ноември минатата година, украинските бегалци биле далеку понапред, а во периодот од 2014 до 2022 година најмногу пристигнати се регистрирани од Романија, Полска, Бугарија, Авганистан и Сирија. Заводот за статистика денеска прецизираше дека од обединувањето на Германија пред три децении, населението речиси постојано се зголемува.

Кривични пријави за две лица од кичевско Србица за напад врз друго лице

Тале Кристо — Tue, 27 Sep 2022 15:40:56 +0000

ОВР Кичево поднесе кривична пријава против М.Б.(60) и М.Б.(38), двајцата од кичевското село Србица, поради постоење основи на сомнение за сторено кривично дело „насилство“. Тие, на 18.09.2022 година на улицата „Рудничка“ во Кичево физички го нападнале Х.С.(44) од селото Колари.

ЖИТЕЛИТЕ НА ВРАЊЕ ПРАВАТ ЗАЛИХИ ОД МАКЕДОНИЈА – овој производ е поевтин во нашата земја, „вријат“ маркетите после граница

Дарко Андоновски — Wed, 14 Sep 2022 10:25:00 +0000

Недостигот на млеко последниве денови во Србија ги натера жителите на Врање уште еднаш да ја искористат близината на граничниот премин со Северна Македонија, па некои, како што пред поскапувањето полнеа таму гориво, сега одат да купуваат млеко. Млекото е поскапо е за десет динари (пет денари), но, како што велат, го има доволно во маркетите. Како што пишува белградската „Нова.рс“, свежо млеко сè уште нема и во најснабдените маркети во Врање, нема ниту стерилизирани млеко, само повремено на некои маркети може да се најде пакување, кое, како што велат продавачите, „набрзина се разграбува“. -Луѓето прават залихи, зашто неколку пати наишле на празни рафтови поради оние кои панично купуваат, и сега дури и тие што купиле некои вообичаени, нормални количини, купуваат по неколку пакувања ако наидат на некоја количина, изјави за „Нова.рс“ вработена во познат ланец на маркети. Многу врањанци кои имаа можност викендов купуваа млеко во соседна Северна Македонија или роднини и познаници на минување им носеа залихи на млеко. -На мојата роднина и донесов неколку пакети затоа што пред да дојдеме на гости ми кажа дека овде нема млеко. Колку што знам во Скопје го има доволно и чудно ми е затоа што претежно тоа е млеко од Босна и Херцеговина или Србија, рече потрошувачка од Скопје за „Нова.рс“ и додаде дека нема забележано оти луѓето во паника прават залихи и оцени дека луѓето што тоа го прават во Србија создаваат дополнителни проблеми. Стерилизирано млеко во Северна Македонија чини околу 70 денари (околу 140 динари), а жителите од Србија кои го купуваат таму ризикуваат да имаат проблеми на границата поради транспорт на тој вид храна, пишува „Нова.рс“.

ВИДЕО: Жителите на Арачиново протестираат пред ЕВН

Магдалена Андонова — Wed, 24 Aug 2022 13:05:55 +0000

Денеска пред канцелариите на ЕВН во Скопје се собраа жителите на Арачиново, кои подолг период се без струја. На протестот се појави и градоначалникот на општина Арачиново, Ридван Ибрахими и заедно со граѓаните бараат средба со надлежните на компанијата. Околу 80 отсто од домаќинствата во селото од пред два дена немаат струја, а од ЕВН претходно информираа дека во понеделникот се случил голем дефект поради оптоварување на трафостаниците.