жив – Kurir.mk

ЗВИЦЕР Е ЖИВ – ќерката и сопругата на криминалецот кој имаше лажен македонски пасош објавија видео во кое пеат песна од Јала Брат и Буба Корели

Дарко Андоновски — Sun, 02 Oct 2022 17:06:20 +0000

Српската полициска управа преку своите партнерски служби добила потврда дека убиеното лице во Панама не е Радоје Звицер, лидерот на озлогласениот „Кавачки клан“. -Полициските информации, според сознанијата на порталот Стандард, укажуваат дека убиениот во централноамериканската држава Панама физички не личи на шефот на кавачкиот клан, Радоје Звицер, пишува српски „Блиц“. Со идентификација и физичка проверка, Српската полициската управа добила дефинитивна потврда дека контроверзното лице не е убиено во Панама, туку дека се работи за друго лице чиј идентитет се уште не е соопштен. Потсетуваме, пред два дена медиумите објавија информација дека лидерот на „Кавачкиот клан“ Радоје Звицер е убиен во пукотница во вила во Панама. Звицер беше еден од највлијателните луѓе на балканското подземје. Беше поврзуван со бројни убиства, продажба на дрога и други кривични дела. Се верува и дека тој стои зад ликвидацијата на шефовите на „Шкаљарскиот клан“, Игор Дедовиќ и Стеван Стаматовиќ во Атина. Во меѓувреме на социјалните мрежи се појави видео од ќерката на Радоје Звицер, покрај која стои нејзината мајка Тамара Звицер како двете пеат песна од познатите босански рапери. Во позадина се слуша песна на познатите изведувачи Јала и Буба со карактеристичен текст. – И вечерва осаменоста дојде да ме посети, а твојот мирис се вовлече во мојот кревет, оваа ноќ се закануваат, сакаат да ме изгорат – ги пејат двете стиховите од песната која оди во позадина, во видеото кое објавија на ТикТок. Видеото се појави неполни 48 часа откако пристигна информацијата дека во Панама е убиен Радоје Звицер, водачот на кавачкиот клан. Се шпекулира дека Тамара и неговата ќерка сакале да кажат дека водачот на криминалниот клан е се уште жив. Инаку Звицер имаше лажен македонски пасош издаден од МВР под раководство на Оливер Спасовски.

Проверете на таа адреса – таткото на Матеј Периш добил анонимна порака дека син му е жив

Тале Кристо — Thu, 17 Feb 2022 17:09:00 +0000

Поминаа 50 дена откако во Белград исчезна младиот Матеј Периш (27) од Сплит, а неговиот татко Ненад не се откажува од потрагата по синот и тврди дека „ќе биде големо изненадување доколку го најде жив“. Матеј исчезна ноќта меѓу 30 и 31 декември минатата година во Белград и досега српската, но и хрватската полиција упорно трага по него и ги проверува сите наоди и објави кои може да доведат до било какво сознание каде е младото момче. – Во вторникот добив порака од непознат број. Таму пишуваше само адреса, а испраќачот ми пиша дека ако отидам таму ќе најдам жив синот бидејќи тој го гледал. Градот не го пишуваше во пораката, па морав да се јавам во хрватската полиција. На една адреса била белградската полиција и се работи за станбено деловен објект. Сепак, таму не беше Матеј. Сакам да ѝ се заблагодарам на српската полиција за професионалната работа која ми влева доверба дека ќе го најде мојот син – изјави за „Телеграф.рс“ Ненад Периш, таткото на исчезнатиот Матеј. Периш постариот се’ уште е во Белград. Сопругата и двете ќерки не ги видел речиси два месеци. Како што тврди, додека е во Србија се надева дека ќе го најде синот. – Во контакт сум со полицијата. Се’ што дознавам им пренесувам на инспекторите, од информации до снимки. Можам да ви кажам дека поминаа 50 дена и ќе биде големо изненадување ако го најдам жив. Само ќе го гушнам и ќе го однесам дома – вели Периш. Младиот Сплитќанец исчезна на последниот ден од минатата година, кога со маичка по кратки ракави излезе од белградскиот клуб „Готик“. Три пати се обидел да го запре такси возило. Последен пат е снимен во близина на Сава. Сигналот на неговиот мобилен телефон бил пресретнат два и пол часа подоцна во близина на Големиот воен остров. Нуркачи пребаруваа по коритото на реката како и околу островот но не најдоа никакви траги од момчето чие исчезнување во Белград го потресе целиот регион.

Пронајден е 71-годишниот кумановец кој претходно беше пријавен за исчезнат

Тале Кристо — Fri, 11 Feb 2022 15:44:54 +0000

Пронајден е седумдесет и едногодишниот кумановец кој претходно беше пријавен за исчезнат. Лицето било со нарушена здравствена состојба и бил пренесен во кумановската болница, соопшти денеска кумановската полиција. – Денеска во населба Средорек во Куманово, полициски службеници од СВР Куманово го пронашле Б.З.(71) за кого на 10.02.2022 беше пријавено дека се оддалечил од домот. Тој бил со нарушена здравствена состојба и бил пренесен во општа болница Куманово за понатамошно лекување, посочи полицијата.

Директорот на „Модерна“ со шокантна изјава: Ќе живееме со коронавирусот, мислам засекогаш

Тале Кристо — Thu, 14 Jan 2021 07:33:07 +0000

Стефан Бансел, извршниот директор на американската компанијата „Модерна“,која произведува вакцина против коронавирусот, вели дека САРС-КоВ-2 нема да оди никаде, дека ќе биде тука, меѓу нас. Многу водечки здравствени службеници веруваат дека постои голема веројатност Ковид-19 да стане ендемска болест, односно дека ќе биде трајно присутна меѓу нас, но веројатно со многу пониски нивоа на инфекција отколку денеска. -Ќе живееме со овој вирус, мислам, засекогаш, изјави Бансел на еден од панелите за време на конференцијата за здравствена заштита, организирана од банката „ЈПМорган“, пренесува Си-Ен-Би-Си, Според него, научниците постојано следат дали се појавуваат нови видови на вирусот, за да може да се произведуваат вакцини.

Поп се закопал жив, верувал дека ќе стави крај на коронавирусот во светот (ФОТО)

Тале Кристо — Wed, 27 May 2020 07:07:07 +0000

Додека многу земји во светот се обидуват да откријат вакцина, со цел да се стави крај на епидемијата Ковид-19, луѓе од другиот крај на светот, односно во Индија се обидуваат и преку други алтернативи да се спасат о коронавирусот. Како што е пиењето урина од крава (животно кое во Индија се смета за свето), Индијците веруваат дека помага во борбат против вирусот, а еден поп верувал дека доколку биде закопан до глава цели осум часа ќе му ставе крај на Ковид-19. Попот Сриниваса од Тамил Наду, беше закопан до вератот а наоколу местото го запалил, со надеж дека ќе го спречи колапсот на здраството во светот. Свештеникот Сринислава планирал овој обред да го направи во храмот Деви и тоа пред камери.

Ким Џонг-ун повторно испрати писмо со благодарност до градежните работници

Тале Кристо — Mon, 27 Apr 2020 06:45:25 +0000

Севернокорејскиот дневен весник „Рондонг шинмун“ денеска објави дека лидерот Ким Џонг-ун испратил писмо со благодарност до градежните работници кои се ангажирани на туристичката локација Вонсан-Калма. – Чесниот врховен лидер Ким Џонг-ун им се заблагодари на работниците, кои активно учествуваа во изградбата на туристичката локација Вонсан-Калма“, објави „Рондонг шинмун“ без да наведе кога е испратено писмото, исто така не објави нова фотографија од Ким. Тој вчера преку писмо им се заблагодари на градежните работници ангажирани на модернизацијата на градот Самјијон. Севернокорејските медиуми и владини претставници се уште не ги коментирале наводите за вложената здравствена состојба на Ким. Советникот на јужнокорејскиот претседател Мун Џае-ин за надворешна политика Чунг-ин Мун вчера изјави дека Ким е жив и здрав и оти од 13 април се наоѓа во областа Вонсан. Тој додаде дека за сега не се забележан и никакви сомнителни движења во Северна Кореја. Од минатата недела светските медиуми пишуваат дека здравствената состојба на Ким е нарушена, а многумина шпекулираа и дека починал. Тој не се појавил во јавност од 11 април, а според некои информации, му била извршена операција на срце и е во лоша здравствена состојба.

Екс-кошаркарот на Партизан и НБА играч е жив

Тале Кристо — Fri, 22 Nov 2019 18:45:33 +0000

Поранешниот кошаркар на Пртизан Милтон Паласио, е жив пренесуваат американските медиуми. Инаку, некои медиуми ја пренесоа веста дека поранешниот кошаркар загинал во сообраќајна несреќа. Веста дека загина утрово се прошири со брзина на светлината.