„Живи мртовци“ – Kurir.mk

ПО 12 ГОДИНИ: Заврши ТВ-серијата „Живи мртовци“

Ивона Петрова — Tue, 22 Nov 2022 08:12:07 +0000

По 12 години и 177 епизоди, „Живи мртовци“ (The Walking Dead) го доживеа својот крај. Последната епизода од светски познатата пост-апокалиптична хорор-драма во САД беше емитувана на 20 ноември. Финалето се сосредоточи на преостанатите преживеани – предводени од Дерил Диксон (Норман Ридус) и Керол Пелетие (Мелиса Мекбрајд), додека се борат да го надвладеат „Комонвелтот“. „Сè уште мојата омилена серија на сите времиња. Не ми е гајле што велите. Ноќта беше толку слатка“, „Финалето беше сè што сакав. Фала за сè, ‘Живи мртовци’!“ – гласат дел од коментарите на обожавателите. Оваа 11-та сезона од серијата, што беше и последна, беше поделена на три дела со по осум епизоди. Сепак, и покрај тоа што обожавателите се збогуваа со оригиналната приказна, сега има и неколку свои „спин-оф“ одграноци, како што се „Страв од живите мртовци“ (Fear of the Walking Dead) и „Приказни за живите мртовци“ (Tales of the Walking Dead), а беше најавен и филм.

Закажана премиерата на новата серија под наслов „Живи мртовци“

Ивана Ефремовски — Fri, 17 Jan 2020 08:00:15 +0000

Веднаш по завршувањето на 10. сезона од оригиналната ТВ-серија „Живи мртовци“, следува сосем нова насока под истиов наслов. Новата серија се надоврзува на крајот од последната епизода, ама станува збор за нова приказна со нови главни ликови. Се работи за „Живи мртовци: Светот одонде“ (The Walking Dead: World Beyond), чијашто пилот-епизода е закажана за 12 април годинава. Главните улоги ќе ги глумат Анет Махендру, Алија Ројал, Нико Торторела и други. Меѓу попознатите глумци, како епизоден лик се најавува и Џулија Ормонд. Претходно имаше неколку обиди за спин-оф продолженија под насловот „Живи мртовци“, но од новата серија, според познавачи, се очекува повеќе. (МИА)

Најавени неколку филма од хит серијата „Живи мртовци“

Ивона Петрова — Mon, 05 Nov 2018 08:21:26 +0000

Oткако во вчерашната епизода на ТВ серијата „Живи мртвци“, главниот лик Рик на беше смртоносно повреден, продукциската куќа Еј-ем-си денеска објави дека Ендрју Линколн ќе ја повтори својата улога во неколку долгометражни филмови, што ќе бидат дел од сагата. – Имаме сосем нови видици. Ќе почнеме со епска приказна, со еден од најдобрите водечки ТВ актери кога било, и еден од најдобрите луѓе кои ги знам, нагласи Скот Гимпл, еден од главните продуценти на серијата. Претходно и беше најавено дека на Линколн, кој веќе девет години го толкува главниот лик во серијата за одечките мртовци, ова ќе му биде последна сезона. МИА

Главниот лик ја напушта серијата „Живи мртовци“

Ивона Петрова — Wed, 30 May 2018 10:34:55 +0000

Водечкиот актер на „Живи мртовци“ Ендрју Линколн ја напушта ТВ серијата по деветтата сезона, јавува порталот ИМДБ. Засега не се знае како главниот лик ќе биде отстранет од приказната, но обожавателите може само да очекуваат дека популарниот Рик ќе се појави во само шест епизоди од претстојната сезона. Допрва ќе се дознае дали ова значи и навестување на крајот на серијата.