животни – Kurir.mk

Прв фестивал за миленици – Скопје Пет Фест

Ивана Ефремовски — Thu, 07 Sep 2023 09:51:59 +0000

На 17-ти септември во Градски Парк Скопје за првпат ќе се одржи „Скопје Пет Фест“- најголемиот регионален настан за сите љубители на животните. -Фестивалот е замислен како семеен настан за деца, возрасни и нашите крзнени пријатели, со богата едукативна и забавна содржина- едукативни работилници за деца, маскоти со омилените ликови од анимираните филмови, едукативни и интерактивни предавања за одговорно сопствеништво, сведоштва за вдомени миленици, документарен филм за дивиот животински свет, кино проекција, музика и многу забава за сите посетители. Целта на фестивалот е да се подигне јавната свест за чување на миленик, како и од најмали нозе децата да имаат повеќе љубов и емпатија кон животните, велат организаторите. Почетокот на Скопје Пет Фест е од 11:00, а ќе трае до вечерните часови. Локацијата е во стариот дел на Градски Парк на летната сцена „Лепеза“, а влезот е бесплатен за сите посетители. Повеќе инфо на petfest.mk

ФОТО: И нивните животи се важни, спасени над 300 животни под рушевините во Хатај

Ивона Петрова — Tue, 14 Feb 2023 20:23:57 +0000

Додека напорите за пребарување и спасување продолжуваат во јужна Турција по минатонеделните смртоносни земјотреси, спасувачките тимови извлекоа и голем број животни под урнатините. Во Хатај, една од 10-те провинции погодени од двојните земјотреси, волонтерите спасија повеќе од 300 животни заробени под урнати згради, покрај илјадниците преживеани луѓе во регионот на катастрофата. Ибрахим Гочер, постар член на Здружението за заштита на животните Paw Protectors во градот, изјави за Анадолија дека и покрај тоа што изгубил многу свои роднини во Хатај, тој ја оставил настрана својата лична болка и притрчал да им помогне на жртвите од земјотресот, вклучувајќи ги и животните заглавени во урнатините. -Тука сум со мојот тим. Правиме се од себе за да спасиме живот. Изгубив многу луѓе, од моите роднини до моите најблиски пријатели, но мораме да станеме. Животите на животните исто таа се важни“, рече Гочер. Спасувачите ги носат животните што ги спасуваат во прифатилиштето во регионот каде што се згрижени и им се третираат раните ако ги имаат.

Дедото кој претепа куче ќе одговара за кривично дело „мачење животни“

Ивана Ефремовски — Fri, 03 Feb 2023 14:04:00 +0000

Полицијата го расчисти случајот со тепање на куче во радовишко од објавено видео на социјалните мрежи. На 01.02.2023 околу 14:00 часот во Полициска станица Радовиш е пријавено дека на социјалната мрежа Фејсбук на страна на здружение за заштита на животни е објавена видео снимка на која се гледа тепање на животно – куче, со употреба на тврд предмет, од страна на С.Т. од с.Ораовица. Од страна на полициски службеници веднаш се преземени мерки, лицето е пронајдено, со него е извршен службен разговор и преземени се сите потребни активности, при што е утврдено дека наведените дејствија се извршени пред повеќе години и констатирано е кривично дело „мачење животни“ по член 233 од Кривичниот законик. Во координација со Јавен обвинител од ОЈО Радовиш, против лицето ќе биде поднесен соодветен поднесок.

Дарувањето животинска крв го спасува животот на други миленичиња, во Британија има банка за крв на кучиња

Магдалена Андонова — Tue, 22 Nov 2022 14:47:57 +0000

Сопствениците на кучиња обично не размислуваат за крводарителство сѐ додека не се појави ситуација кога им треба крв. Така, во Велика Британија веќе со години има банка за крв за кучиња. Мејбел е шестгодишно тркачко куче од Велика Британија, но важи и за „шампион-крводарител“ којшто помага преку „Пет блад банк УК“ (Pet Blood Bank UK). Нејзината сопственичка, Џулија Пертон вели дека одењето во банката за крв ѝ станало омилено „излегување надвор“ бидејќи е опкружена со луѓе кои ѝ оддаваат почести. – Таа го сака тоа. Целиот процес трае околу 10 минути… Видов со свои очи колку е тешко да се добие крв – само од некој што го познаваш, можеби член на семејството или пријател, и ако беше потребна трансфузија за викенд или преку ноќ, тоа беше речиси невозможно, изјави Пертон за „Гардијан“. Дарувањето животинска крв во Обединетото Кралство вклучува задолжителен ветеринарен преглед. Кучето дава приближно 450 мл. крв, па како награда, добива кучешки чај и бисквити по дарувањето, како и играчка како подарок. „Пет блад банк УК“ е засега единствената добротворна банка за крв за животни во земјата. (МИА)

Чува три мачки и две кучиња, но сега доаѓа уште поопасно животно – еве што сака Карлеуша да донесе во домот, следбениците во чудо

Дарко Андоновски — Tue, 15 Nov 2022 09:21:46 +0000

Пејачката Јелена Карлеуша обожува животни, а како што вели нејзините ќерки љубовта кон нив ја наследиле токму од неа. Таа низ годините наназад имала многу животни, а сега открила и што сака да има во својот дом во блиска иднина. -Ника и Атина ја наследија љубовта кон животните од мене, моите ќерки имаат две кучиња и три мачки. Поточно ние имаме, они ги сакаат, а јас ги чувам и водам сметка за нив, така да сите се тие и мои животни, вели Карлеуша.

View this post on Instagram

A post shared by Jelena Karleuša (@karleusastar)

Таа додава дека нивната љубов кон нив кратко трае и дека ќе ги погалат и помазат, па ќе си заминат и дека таа води грижа за сите миленици во домот. -Нема да верувате јас одамна имав игуана во домот, а овие денови сериозно размислувам да земам повторно една, изјавила пејачката.

Колку животни гледате на оваа илустрација: Само најупорните ќе ги забележат сите 6

Ристе Здравков — Mon, 07 Nov 2022 08:26:07 +0000

Бидете трпеливи и обидете се да ги најдете сите животни Освен што се забавни, оптичките илузии се многу добри за вашиот мозок. Имено, кога се трудите да најдете решение за илузијата, вашиот мозок работи побрзо, а на тој начин го вежбате. Ако сте љубител на оптички илузии, тогаш сте на вистинското место. Денеска ви подготвивме илузија која ќе ве збуни на прв поглед. Имено, на илустрацијата се нацртани дури шест животни, но не е лесно да се забележат. Првото животно што ќе го забележите е секако мечката, но вашата задача е да ги пронајдете и другите животни. Дали успеавте да ги најдете сите шест животни? Ако не, прочитајте го решението подолу. Како што објави „Indiatimes“, илустрацијата ги прикажува следниве животни: – Мечка – Куче – Мачка – Лилјак – Верверица – Мајмун

Ќе посакате веднаш да го посетите: ЗОО паркот во Штип доби нови животни (ФОТО)

Ивана Ефремовски — Sat, 29 Oct 2022 15:07:18 +0000

Нови животни доби ЗОО паркот „Бриони“ во Штип. Мајмуните Лука и Луна, гривести павијани, од вчера се дел од големото семејство на ЗОО паркот во Штип. Трајче Здравков директор на ЈП „Исар“-Штип истакна дека ова е чекор понапред во оставрување на своите зацртани цели, овој простор да биде катче за сите посетители од Штип, регионот, но и државата. -Најнови и најатрактивни се гривестите павијани кои од вчера се нови жители на ЗОО паркот, претходно имавме донесено коати и лемури кои се во долниот дел на ЗОО паркот, имаме нови пауни, парови на ноеви, нови птици и ред други животни кои денеска може да ги видиме во ЗОО паркот. Во наредниот ќе се обидеме да го збогатиме паркот со нови животни, а во наредниот период ќе се донесат и пар кенгурчиња, вели Здравков. Градоначалникот на Општина Штип, Иван Јорданов истакна дека во соработка со скопската и битолската зоолошка градина се врши размена на животни, а со тоа штипскиот ЗОО парк станува поатрактивна локација за посетителите. Со ова темпо е тенденција да се продолжи, за наредната година да има многу повеќе животни и содржини. -Пред една година заедно со директорот на ЈП „Исар“, кога го посетивме ЗОО паркот „Бриони“ забележавме едно запоставено, руинирано место со неодржувани живеалишта. Си поставивме цел пред нас за една година да го вратиме народот, граѓаните, да ова место биде посетено од нив, да го зголемиме бројот на животни и да создадеме соодветни услови. Во комуникација со скопската и битолската зоолошка градина направивме размена на животни, создаваме насмевки на лицата на граѓаните кои го посетуваат ЗОО паркот,вели Јорданов. За животните е обезбедена храна, а согласно нивните карактеристики за живот обезбедени се и со греење за претстојната сезона. Радува фактот што ЗОО паркот „Бриони“ станува се по посетено место, катче за сите категории граѓани, а поставените цели полека се исполнуваат. (МИА)

Животните умеат да си помогнат во својата околина (ВИДЕО)

Катерина Бојаџиева — Mon, 12 Sep 2022 11:22:03 +0000

Козите се познати во животинскиот свет како „качувачи на се и сешто“, па дури се товар и на други животни. На интернет неодамна се прошири снимка од коза како стои на пони-коњче и јаде лисја од едно дрво. Понито мирно и трпеливо стои додека неговата пријателка се храни. „Козите сакаат да се качуваат на што било, а коњите се високи…“, „Мислам дека козата само скокнала на понито. Се сомневам дека ѝ дозволило, но мислам дека и не ѝ се спротивставило“, „Понито нема ништо попаметно да прави, па може да ѝ помогне“ – гласат дел од коментарите на луѓето.

Само 7 проценти од луѓето во светот можат да забележат 9 животни и еден човек: Вооружете се со трпение

Ристе Здравков — Thu, 05 May 2022 07:15:37 +0000

Отворете ги широко очите Животните се мајстори за камуфлажа. Тоа го докажале безброј пати, а последен пример е оваа интересна криенка која, сигурни сме, ќе ве измачи. Имено, на илустрацијата има девет животни и еден човек, а ви треба целосно внимание, бидејќи само седум проценти од луѓето можат да го најдат човекот и сите животни. Сконцентрирајте се и добро погледнете ја илустрацијата, бидејќи можеби и вие сте еден од нив. На криенката се следните животни: бик, петел, лисица, папагал, елен, слон, крокодил, коњ и гуска. Тестирајте ја својата моќ на перцепција, вид, но и концентрација, бидејќи од тоа зависи и степенот до кој ќе ги забележите деталите. Добро погледнете ја илустрацијата и обидете се да ги најдете сите девет скриени животни и човекот. Доколку не успевате погледнете ја фотографијата подолу:

ВИДЕО: Несовесен посетител ги малтретира животните во скопската ЗОО

Ристе Здравков — Tue, 01 Feb 2022 08:47:39 +0000

Дали со вознемирување и малтретирање на животни може да станете популарни на социјалните мрежи? Деновиве уште еден таков случај ја вознемири јавноста, а станува збор за видео на кое се гледа дека посетител ги малтретира магарињата во скопската ЗОО. Тина Мицковска, заменик-директорката на ЗОО Скопје не ја крие разочараноста од ваквите постапки. -Ваквите снимки треба да не едуцираат како не треба да се однесува еден возрасен човек, разочарано вели Мицковска. Таа додава дека иако се ретки инцидентите, тие реагираат. -Ние секогаш несовесни посетители фатени на дело ги бркаме, а кај оние каде што има и законска рамка пријавуваме во полиција заедно со снимката. Инаку ваквите видеа кога ги споделуваме често влијаат врз многу други да не се осмелат да направат глупост. Затоа се поретки и инцидентите, но и несовесното однесување е многу намалено, а свеста зголемена. За жал ова е еден од начините да се свестат некои несовесни, појаснува Мицковска.