златара – Kurir.mk

Срби ја ограбија златарата во Прилеп, Македонци им помагале- еве ги деталите

Катерина Бојаџиева — Tue, 12 Feb 2019 13:35:38 +0000

Секторот за внатрешни работи Битола- Надворешната канцеларија за криминалистички работи Прилеп, во соработка со Единицата за имотен и насилен криминал од Секторот за општ и насилен криминал од Одделот за криминалистичка полиција при Бирото за јавна безбедност, до Основното Јавно обвинителство во Прилеп поднесе кривична пријава против Д.П. (41), М.А. (35) и У.П. (38), сите од Република Србија поради постоење основи на сомнение за сторено кривично дело „разбојништво” и против лицата М.К. (44) и В.Т. (44) од Прилеп поради постоење основи на сомнение за сторено кривично дело „помагање”. МВР денеска соопшти дека на 25.12.2019 год околу 08.45 часот додека вработената во златара „Буба Мара“, лоцирана во старата градска чаршија во Прилеп, го поставувала излогот, второпријавениот го скршил стаклото од влезната врата со помош на чекан и влегол внатре, а по него и првопријавениот, кој вперил пиштол кон вработената и почнал да го собира златниот накит од излогот и од сефот во кој имало и торбичка со пари. Потоа, заедно со третопријавениот, кој ги чекал пред дуќанот избегале со возило „форд фиеста“. Четвртопријавениот им помагал така што им обезбедувал сместување, храна, мобилни телефони и друга логистика додека тројцата го подготвувале кривичното дело. Петтопријавениот, исто така, им помагал со прикривање на возилото и друга логистика. Во соопштението стои дека М.К. и В.Т се приведени и предадени на ОЈО.

Експресен грабеж: За 10 секунди остана без 74.000 долари

Ивана Ефремовски — Thu, 10 Jan 2019 14:11:36 +0000

Во понеделникот во Мајами се случи грабеж во кој на сопственикот на продавница за накит му беа украдени 74 000 долари. Грабежот се случи пред продавницата во 18 часот, а на екраните на камерите за надзор се гледа дека сопственикот зборува со вработен кога се приближува црн камионет. Од него излетал крадецот со пушка и од сопственикот украл часовник вреден 60.000 долари и прстен од 14.000 долари. Иако сопственикот со автомобил се обидел да го фати крадецот, а вработениот ја повикал полицијата, тој сè уште е на слобода.

Ограбена златарница во Струга

Ристе Здравков — Fri, 24 Aug 2018 10:59:28 +0000

Непознато лице вчера ограбило златарница во Струга. Како што соопшти МВР, вчера во 17.15 часот во златарница на улица „Маршал Тито“ во Струга, лицето извршило разбојништво над вработениот, при што му побарал прстен кој наводно претходно го порачал. Откако вработениот, по извршен разговор со сопственикот, му рекол дека треба прво да го донесе неговиот прстен, непознатото лице ставило една ќеса на масата и му се заканило дека во ќесата има бомба. После тоа сторителот одзел еден златен прстен со вредност од околу 11.000 денари и побегнал во непознат правец. МВР презема мерки за пронаоѓање на сторителот и за целосно расчистување на настанот.