златен гонг – Kurir.mk

„Златниот Гонг“ за Савковиќ од Црна Гора

Бошко Тасиќ — Sun, 20 Nov 2022 07:40:39 +0000

Црногорскиот боксер Стефан Савковиќ е освојувач на 51. издание на „Златниот Гонг“ кое се одржа во Скопје. Годинава организаторите го урнаа рекордот откако на турнирот настапија над 60 боксери од 11 држави. Во двата дена натпреварување гледачите во малата сала на СЦ „Борис Трајковски“ имаа можност да видат одлични борби и жестока конкуренција. Златни медали за Македонија обезбедија Дион Лена (60 кг) и Халим Насуфи (71 кг). Со сребро се закитија Оран Шакировски (57 кг) и Илхан Озмен (63.5 кг).

Од четврток до сабота ќе се одржи 50. издание на „Златен Гонг“

Ивона Петрова — Wed, 10 Nov 2021 12:27:47 +0000

Во организација на Националната боксерска федерација, а со помош на Агенцијата за млади и спорт и Градот Скопје, годинава се одржува 50. издание на традиционалната боксерска манифестација „Златен Гонг“ 2021. Ќе учествуваат над 60 боксери од 13 земји, Англија, Ирска, Велс, Молдавија, Украина, Србија, Хрватска, Црна Гора, Словенија, Косово, Албанија, Кина (Хонг Конг) и Бугарија. Се очекува квалитетен бокс во СЦ „Борис Трајковски“ (мала сала), според програмата четвртфинале во четврток од 16 часот, петок во две сесии – полуфинале од 13 и 18 часот и финале во сабота со почеток од 20 часот, со пренос на МРТВ и Аренаспорт. Руждија Калач, кој ќе ја води македонската репрезентација составена од седум боксери најави дека боксот има убава перспектива. -Потребна е многу работа, но ние имаме добри и перспективни боксери, не е формално, морам да истакнам дека АМС го помага боксот, благодарни сме за тоа, тие се симбол на спортот во државата, очекува квалитетни борби, рече Калач. Последниот победник на „Златен Гонг“ во 2019 година од македонската репрезентација, Јасин Љама изјави дека по настапот на светското првенство во Белград се чувствува подготвен за овој предизвик. -Ќе направиме се сите од нашата репрезентација и оваа година „Златниот Гонг“ да остане во Македонија, јас сум лично подготвен, а и сите мои колеги во тимот од репрезентацијата, очекувам силна конкуренција и квалитетни борби, изјави Љама. Според програмата, четвртфиналето е во четврток, СЦ „Борис Трајковски“ мала сала од 16 часот, полуфинале во петок со две сесии, од 13 и 18 часот, финалето е во сабота од 20 часот со пренос на МРТВ и АРЕНАСПОРТ. Македонија ќе ја претставуваат седум бокесри: АРДИЈАН ЏЕМАИЛИ 54КГ, ГОРАН ЈАШАРОВСКИ 57 КГ, ЈАСИН ЉАМА 60 КГ (ПОСЛЕДЕН ПОБЕДНИК НА ЗЛАТЕН ГОНГ ВО 2019 ГОДИНА) ДИОН ЛЕНА 63,5 КГ, ФЕРИД ХОЏА 71 КГ, ЛЕО ЈОВАНОВСКИ 75 КГ, АРСИМ ЕТЕМИ 80 КГ.

Одложено јубилејното 50 издание на „Златен Гонг“

Ивона Петрова — Wed, 16 Sep 2020 08:01:30 +0000

Управниот одбор на Боксерската федерација на Македонија, донесе одлука да го одложи одржувањето на „Златен Гонг 2020“ поради пандемијата на коронавирусот. Оваа година традиционално во ноември, требаше да се одржи 50-јубилејно издание на „Златен Гонг“, но поради светската пандемија на коронавирусот не може достојно да се организира еден ваков традиционален настан. Управниот одбор на БФМ, на седницата со едногласна одлука реши го одложи одржувањето на „Златен Гонг 2020“. -Нашата цел беше оваа години да го организираме „Златен Гонг“ достојно, со квалитетни боксери од Европа и светот, согласно јубилејот на 50. издание. Невозможно е во ваква ситуација на светска пандемија да се организира ваков важен настан, за жал принудени сме да го одложиме за следната година, и други големи спортски собири оваа година се одложени за следната поради пандемијата на коронавирусот, тоа беше случај Олимписките игри, сметам дека ова е исправна одлука, оваа спортска манифестација заслужува организација и квалитет за јубилејот на високо ниво, изјави претседателот на БФМ, Примислав Димовски. Низ историјата од разни причини „Златен Гонг“ не се одржал два пати, во 1988 и 1997 година, ова е прв случај во богатата историја, традиционалниот спортски настан да се одложи поради пандемија од светски размери.

Скандал на „Златен Гонг“: Македонски репрезентативец „леташе“ орли заедно со боксер од Косово! (ФОТО)

Ивона Петрова — Sat, 10 Nov 2018 20:16:01 +0000

Македонските боксерски репрезентативци годинава го одбележаа традиционалниот боксерски турнир „Златен Гонг“, но не со некој позначаен резултат, туку со скандалозното однесување на првиот и вториот ден од оваа спортска манифестација, пишува „Спорт1“. Така, по крајот на денешната финална борба во категорија до 64 килограми, во која славеше Диели Враноци од Косово, македонскиот репрезентативец Алим Насуфи му честиташе на противникот со тоа што му подаде рака за заедно да „летаат орли“. А, при вчерашното свечено отворање на турнирот, при интонирањето на македонската химна, единствени што не станале да ја испочитуваат биле македонските репрезентативци од албанска националност. Сите присутни во салата што биле дојдени од другите земји се чуделе што е работата, но засега нема официјална реакција од организаторот дали ќе ги казни сторителите на овој чин. Македонија на 48-иот „Златен Гонг“ учествуваше со осум боксери, кои беа водени од селекторот Чурлиновски и тренерите Владимир Цекиќ и Скендер Јахиу. Турнирот се одржа во Скопје, во малата сала во СЦ „Борис Трајковски”, а организатори беа Боксерската федерација на Македонија, под покровителство на Агенцијата за млади и спорт на Македонија, а како ко-организатори се јавуваат Градоначалникот и Советот на град Скопје и Сојузот на Спортските федерации на Македонија. Целиот текст прочитајте го на Спорт1.