златен медал – Kurir.mk

Златен Медал за младата Ведрана на силниот Астерикс Куп во Ниш

Дарко Андоновски — Sun, 21 May 2023 20:05:06 +0000

Дарко Костовски преку статус на Фејсбук пишува дека младата Ведрана освоила златен медал на Астерикс купот во Ниш. „ЗЛАТО ЗА ВЕДРАНА ОД СИЛНИОТ АСТЕРИКС КУП ВО НИШ 🥇 Турнир со 1500 натпреварувачи од цел свет 🌍 Четири победи со доминација, две со ТКО. Елиминирани три противнички од Бугарија и една од Србија. Олимписките соништа нема да запрат 😇 #taekwondoklubbutel🏔 За Македонија ❤️“, стои во неговиот пост на Фејсбук.

Златен медал за Христијана Парулеска на Европското првенство во традиционално таеквондо

Тале Кристо — Sat, 22 Apr 2023 12:37:43 +0000

Македонската репрезентативка во традиционално таеквондо, Христијана Парулеска од Охрид, освои златен медал на Европското првенство што се одржува во италијанското летувалиште Јесоло. Државната првенка Парулеска во финалето во борба до 50 килограми ја совлада репрезентативката на Украина и се искачи на континенталниот трон. Ова е првпат во историјата македонската химна да се интонира на Европско првенство во традиционално таеквондо. Парулеска пред два дена во силна конкуренција репрезентативци од 27 држави од контитентот освои и сребрен медал во категоријата борба со замислен противник.

Хрватскиот атлетичар Михаљевиќ го доби назад изгубениот златен медал

Дарко Андоновски — Sat, 20 Aug 2022 16:14:42 +0000

Европскиот првак во фрлање ѓуле, Хрватот Филип Михаљевиќ, го доби назад својот златен медал од Европското првенство во Минхен, кој го пријави за изгубен по враќањето дома од Германија, јавија денеска хрватските медиуми. Полицијата на аеродромот во Минхен соопшти дека вработен во германскиот авиопревозник Луфтханза го пронашол медалот кој му е вратен на Михаљевиќ. Михаљевиќ стана првиот во историја хрватски атлетичар во машка конкуренција, кој освоил златен медал на Европско првенство. До златното одличје Михаљевиќ дојде со должина од 21.88 метри.

Претседателот Пендаровски упати честитка до македонската параолимпијка која освои златен медал на ЕП

Тале Кристо — Thu, 17 Mar 2022 15:01:48 +0000

Претседателот Стево Пендаровски упати честитка до македонската параолимпијка Оливера Наковска-Бикова, која на Европското првенство во норвешкиот град Хамар, го освои златниот медал во дисциплината 10 метри воздушен пиштол. Претседателот на својот фејсбук профил истакна дека македонската параолимпијка претставува инспирација за идните спортисти. -Златниот медал на Европското првенство во Норвешка на нашата најуспешна параолимпијка е огромен успех и инспирација за младите луѓе и идни спортисти во нашата татковина, стои во објавата.

Прв златен медал за Македонија на Балканската олимпијада по информатика во Бугарија

Магдалена Андонова — Mon, 29 Nov 2021 12:47:58 +0000

На 28-тата Балканска Олимпијада по Информатика (БОИ 2021), која од 24-ти до 29-ти ноември се одржува во Шумен, Бугарија, македонските средношколци го постигнаа највисокиот резултат во скоро 30 годишната традиција на ова натпреварување. Македонскиот тим на овој престижен натпревар во програмирање, составен од учениците Благојче Павлески, Марко Таневски, Андреј Шекеров и Тео Китановски, предводени од лидерите, д-р Емил Станков и Мартин Динев од Факултетот за информатички науки и компјутерско инженерство (ФИНКИ), освои еден златен и еден сребрен медал, како и една олимписка пофалба. БОИ 2021 се одржува онлајн, согласно со условите кои ги диктира ковид пандемијата, а на настанот учествуваат вкупно 37 од најдобрите средношколци во областа на компјутерските науки, кои беа избрани преку годишните национални натпревари во програмирање на следните балкански земји: Албанија, Босна и Херцеговина, Бугарија, Кипар, Грција, Македонија, Молдавија, Романија, Србија и Словенија. Во ваква силна конкуренција, историскиот златен медал за Македонија го освои Благојче Павлески, ученик од Прилеп, во четврта година во ПСУ „Јахја Кемал“ во Скопје. Ученикот Марко Танески, исто така од Прилеп освои сребрен медал што го става во неколкутемина на комплетната листа на освојувачи на сребрени медали за нашата земја. Овој огромен успех беше дополнет и со резултатот на Андреј Шекеров од Скопје, кој освои олимписка пофалба. Дополнително, на Шуменскиот турнир, интернационален натпревар кој се одржува онлајн во паралела со балканската олимпијада, Сара Стефановска од македонскиот јуниорски тим освои бронзен медал. Сара е ученичка од Крива Паланка запишана во Математичко-информатичката гимназија во Скопје. Таа за ова одличје се избори во конкуренција на 168 натпреварувачи од петнаесетина земји. Нашиот тим традиционално се избира во целогодишен циклус натпревари кој го организира Здружението на информатичарите на Македонија (ЗИМ), годинава поддржан од Факултетот за информатички науки и компјутерско инженерство (ФИНКИ) и општествено одговорните компании Нетцетера и Семос Едукација. Натпреварите се одржуваат преку системот mendo.mk кој е одржуван волонтерски од ЗИМ и е достапен во текот на целта година за сите заинтересирани натпреварувачи. Д-р Миле Јованов, претседател на ЗИМ, и долгогодишен претседател на Балканската олимпијада, за овој голем успех изјави:

„Резултатот остварен на овој натпревар претставува продолжување на традицијата на успешни претставувања на Македонија на интернационалните информатички олимпијади во последниве десетина години и уште една нова потврда за знаењата и вештините од областа на компјутерските науки што ги поседуваат нашите ученици. Според мене, успехот се должи на напорите на Здружението редовно да работи со талентираните ученици, како и воведувањето на информатиката и темите од програмирање во основното и средното образование во првата половина на претходната деценија. За жал, со последните измени и нови концепции информатиката се маргинализира, а гласот на Здружението, кое претходно беше двигател на позитивните промени, сега се игнорира од државните институции. Со ваквиот пристап, расте мојата скепса за идни големи успеси во областа на информатиката во нашата земја.“

Следната, 29-та по ред, Балканска олимпијада по информатика (БОИ 2022), треба се одржи идната година во Љубљана, Словенија.

ФОТО: 13 годишна Јапонка е најмладата освојувачка на медал

Ивона Петрова — Mon, 26 Jul 2021 06:54:59 +0000

Тринаесетгодишната јапонска скејтбордерка Момиџи Нишија освои злато на Олимписките игри во Токио во уличната дисциплина. Нишија до медал стигна на возраст 13 години и 330 дена, со што стана втората најмлада олимписка шампионка на Летните игри. Рекордот и припаѓа на Американката Марџори Гестринг, која победи во скокови во вода на Олимписките игри во Берлин во 1936 година на возраст од 13 години и 268 дена. Натпреварите во скејтборд се одржуваат за прв пат во историјата на олимпиското движење. Бразилката Рајса Лил која освои сребрен медал исто така има неполни 14 години. Фуна Накајами која стигна до бронзата е на возраст 16 години

Злато за медот на Нојкови од неготинско Дисан на меѓународен саем во Босна и Херцеговина

Магдалена Андонова — Mon, 14 Sep 2020 13:36:06 +0000

Златен медал освоил медот на семејството Нојкови од неготинското село Долни Дисан на меѓународен саем во босанскиот град Тузла. -Дисанското злато се препознава. Само што добив мејл дека нашиот мед ги добил највисоките оценки на саемската манифестација. Станува збор за 15 Меѓународен саем за пчеларство и пчелни производи „Медена Тузла 2020“ и шесто меѓународно оценување на квалитетот на мед, на кое учествуваа 235 примероци од 17 држави во Европа и две од САД. Наградата е за ливадски мед, со што уште еднаш се потврдува високиот квалитет на медот од Дисан, појасни Марјан Нојков за МИА, кој одгледува автохтона македонска медоносна пчела ,,Apis mellifera macedonica”. Тој нагласи дека овие достигнувања се огромен успех за пчеларството и пчеларите во Македонија. Доделувањето на медалите е на 19 септември. (МИА)

Стаменковски со нов златен медал во Бенч-прес се враќа од „Елемир – Војводина Опен“

Тале Кристо — Sun, 03 Nov 2019 10:20:31 +0000

Натпреварувачот во Бенч-прес, Бошко Стаменковски од Македонска Каменица повторно му донесе нов успех на македонскиот спорт, откако на вчерашниот натпревар „Елемир – Војводина Опен” го освои првото место и златниот медал за натпреварувачи до 75 килограми. Како што информираше Стаменковски, тој беше најдобар и во вкупна конкуренција на ова првенство. -На натпреварот учествуваа најдобрите натпреварувачи од неколку балкански земји, а освен златниот медал во Бенч-прес за натпреварувачи до 75 килограми, бев прогласен и за најдобар ветеран за што добив диплома од страна на организаторот, изјави Стаменковски. Добрата форма, како што додава, ќе ја искористи во наредниот период да учествува уште на неколку балкански куп натпревари. -До крајот на годината преостануваат уште неколку првенства во Бенч-прес во соседството на кои планирам да учествувам, со што ќе ја заокружам оваа би рекол успешна година, додава каменичкиот спортист. Кога е Бошко Стаменковски во прашање, тој неодамна стана Светски рекордер во правење склекови, откако во рок од 1 час успеа да направи 2525 склека, што е нов Светски рекорд со кој повторно се позиционираше на пиедесталот во елитната спортска историја.