златен прибор – Kurir.mk

„Македонија е најзадолжена во историја, најсиромашна, најнесреќна и најкорумпирана во Европа, а Заев бесрамно јаде од златни лажици“

Дарко Андоновски — Tue, 12 Jan 2021 07:49:58 +0000

Дури фамилијата на Зоран Заев јаде со златен прибор кој чини над 50 000 евра, над 54.000 лица останаа без работа за само една година, а уште 50.000 други работници не земаат редовно плата, ова денес преку соопштение до јавноста го истакнаа од ВМРО-ДПМНЕ. -Заеви уживаат во луксуз и златни лажици кои вредат цело богатство дури половина милион граѓани на Македонија живеат во сиромаштија со две евра на ден. Да биде безобразието поголемо Заеви се фалат со своето богатство стекнато со матните зделки и тендери во време кога народот нема ни за леб, кога десетици илјади семејства на тутунари, лозари, оризари не можат да си ги земат тешко заработените пари, велат од партијата. Од ВМРО-ДПМНЕ потенцираат дека се дури е Заев власт до тогаш ќе гледаме како Македонија тоне. Дури тој ужива во златниот прибор, Македонија е најзадолжена во историјата, најнесреќна, најсиромашна и најкорумпирана држава во Европа.

Колку чинат златните лажици и виљушки со кои јаде Заев (ФОТО)

Магдалена Андонова — Sat, 09 Jan 2021 15:24:12 +0000

Додека минималните примања на просечен работник не се доволни за леб и вода, Заев јаде од златна лажица

Магдалена Андонова — Sat, 09 Jan 2021 13:33:46 +0000

Македонската економија крахира од ден во ден, а граѓаните едвај преживуваат со плата. За тоа говорат и податоците од последните пресметки на синдикатите во Македонија, според нив синдикалната кошница е се попразна, а трошоците за живот секојдневно енормно растат. Просечен македонски работник со минимални примања може да заработи само за леб и вода. Гневот кај македонските граѓани се појави кога премиерот Зоран Заев за Бадник јадеше од златен прибор. Јадеше од прибор кој чини неколку месечни примања на еден просечен македонски работник. Граѓаните за големиот христијански празник Бадник споделуваа скромни фотографии од нивните трпези на кои изоставуваат многу продукти поради рецесијата и пандемијата која остави на улица многумина сограѓани, а внуката на премиерот се пофали како семејството Заеви раскошно го празнува празникот. Од објавата на внуката на премиерот Зоран Заев на трпезата се гледа златен прибор за јадење. Додека се луксузира семејството на премиерот, пресметките на синдикатите говорат дека во просек околу 50 евра му фалат на секое семејство да ги подмири основните трошоци, кои вртоглаво растат секој месец. За илустрација од почетокот на годинава до ноември скоро за илјада денари се зголемени основните месечни трошоци. Ако во јануари на едно четиричлено семејство му биле потребни 32.791 денари за подмирување на трошоците, во ноември веќе му биле потребни 951 денар повеќе. На едно семејство од четири члена, кое живее во дом од 50 метри квадратни и не поседува автомобил, потребни му се 14.149 денари за основни потреби за храна и пијалоци, а 8.547 денари само за подмирување на комуналните трошоци. За лична хигиена и за хигиена на домот, минималните трошоци изнесуваат 2.375 денари. Просечната месечна исплатена нето-плата по вработен, во октомври 2020 година, изнесува 27.899 денари. Минималната плата не е доволна повеќе ниту само за храна и пијалоци. За ова неколку пати и алармираше опозициската ВМРО-ДПМНЕ. „Златниот прибор за јадење на Заеви е слика и прилика за тоа како се луксузира власта на сметка на сиромашните граѓани. Лажната претстава која Заев ја создава околу себе е демантирана само со една слика на која се гледаат златните лажици, вилушки и ножеви на Заеви во време кога граѓаните едвај врзуваат крај со крај. Половина милион луѓе живеат во сиромаштија со само две евра дневно, 54 илјади луѓе останаа без работа, а уште толку не земаат редовно плата. А, десетици илјади семејства на тутунари, лозари и оризари не можат да си ги земат заработените пари, ама затоа луксузот на Заеви и на власта не смее да трпи“, пишува во соопштението на ВМРО-ДПМНЕ.

Герила акција на плоштад: “Златниот прибор” на Заев поставен пред елката во Центар! (ФОТО)

Магдалена Андонова — Sat, 09 Jan 2021 12:18:57 +0000

Симболично, во герила акција пред елката на плоштадот во центарот на Скопје оставен беше "златниот прибор" на премиерот Зоран Заев. Ваквата герила акција следи откако со брзина на светлината преку социјалните мрежи се прошири фотографија од бадниковата трпеза на прњмиерот Заев, на која што јасно се гледа златниот прибор со кој што се храни семејството на премиерот. Реакциите и тогаш беа бројни, а некои од нив гласеа "додека народот трпи за леб, Заеви се хранат со златен прибор". Реакциите на народот беа со право, бидејќи во денешно време на ковид и економска криза, ретко кој може во Македонија да се пофали дека се храни со златен прибор.

ВМРО-ДПМНЕ: Додека Заев јаде со златен прибор, половина милион граѓани живеат во сиромаштија со 2 евра на ден

Тале Кристо — Fri, 08 Jan 2021 07:47:03 +0000

Зоран Заев и фамилијата Заеви бесрамно се исмејуваат со народот. Додека луѓето тонат во сиромашрија, Заеви јадат со златен прибор кој чини колку полугодишните приходи на едно просечно семејство, велат во денешното соопштение од ВМРО-ДПМНЕ. Заеви јадат со златни лажички додека половина милион граѓани живеат во сиромаштија со само 2 евра дневно. Око не му трепнува на Зоран Заев што 54.000 лица останаа без работа во последната година, а уште 50.000 други граѓани нередовно земаат плата. Заев руча со луксузен златен прибор, а државата ја задолжи за 1 милијарда евра за едно тромесечие, буџетската дупка ја направи 920 милиони евра, а дозволи да пропаднат 200 милиони евра на физички и правни лица во скандалозната ликвидација на Еуростандард банка. За тоа колку е одлепен од реалноста кланот Заеви покажува фактот што дури тие користат златен прибор, народот собира донации за лекување на свои сограѓани. Врв на безобразие е луксузот на Заеви во сред епидемија кога скоро 2500 лица починаа, а 85000 се заразија, се вели во соопштението на ВМРО-ДПМНЕ.

Додека премиерот вечера со златни лажици и виљушки, пола милион граѓани живеат со две евра на ден

Дарко Андоновски — Thu, 07 Jan 2021 11:44:14 +0000

Бадниковата вечера покажа дека семејството Заеви живее во некој свој свет. Денот кој треба да биде одлика на скромност за премиерот е можност да го покажат луксузот во кој живеат. Додека поголем дел од граѓаните живеат со две евра на ден, претураат по контејнери и на децата не можат да им овозможат ниту пакетчиња, Заеви како во царски дворец јадат со златни виљушки. Како изгледа масата на Заеви за Бадник се пофали внуката Ева. Луксуз на сите страни, златен прибор и богата трпеза. Откако на социјалните мрежи добија критики за начинот на кој го прославуваат Бадник, Ева иронично стави пластичен прибор и обични ножеви и лажици какви што сите ние користиме. Инаку паричката во домот на Заеви се падна токму кај Зоран Заев.