Андоновски: Засега нема промена за навивачите, УЕФА останува на 33 % од капацитетот на стадионот во Букурешт

Ивона Петрова — Thu, 10 Jun 2021 10:55:07 +0000

По шпекулациите кои се појавија денес во некои македонски медиуми дека романската влада донела одлука за зголемување на посетители на натпреварите во Букурешт од ЕВРО 2020 до 50 % од капацитетот на стадионот, портпаролот на ФФМ Златко Андоновски, изјави дека до овој момент УЕФА останува на првичната бројка. – Во моментот УЕФА останува на првично одредената бројка од 33% исполнетост на стадионот во Букурешт. Информациите од УЕФА ќе ги споделиме веднаш доколку има промена во однос на тоа прашање. До овој момент останува првичната бројка, објави Андоновски. Навивачите на македонската фудбалска репрезентација кои не успеаја да обезбедат билети, со внимание ја следат ситуацијата и се надеваат дека сепак ќе биде зголемен процентот на гледачи од капацитетот (54 илјади) на „Национална арена Букурешт“.

ФФМ: Потврдуваме дека има труење на 11 деца и еден физиотерапевт

Дарко Андоновски — Wed, 13 Mar 2019 12:41:05 +0000

Портпаролот на Фудбалската федерација на Македонија Златко Андоновски, денеска на прес-конференција потврди дека вчера имало труење на 11 деца од Академијата на Федерацијата, и дека веднаш е раскинат договорот со доставувачот на храна. -Потврдуваме дека имаше труење со храна, 11 деца и 1 физиотерпеавт. Лабараториските испитувања потврдија дека има труење и веднаш раскинат е договорот со доставувачот на храна „Галакујна“. Децата имаа ручек и вечера во ресторанот на „Галакујна“ на денот кога беа затруени, и веднаш од ФФМ беа испратени на испитувања . Во првиот случај пред неколку месеци кога имаше симптоми, лабараториските испитувања покажаа дека нема труење“, изјави Андоновски.

златко андоновски – Kurir.mk

Андоновски: Засега нема промена за навивачите, УЕФА останува на 33 % од капацитетот на стадионот во Букурешт

ФФМ: Потврдуваме дека има труење на 11 деца и еден физиотерапевт