Златко Далиќ – Kurir.mk

Го измамиле Далиќ да им даде пари за лекување, а тие си купиле „Голф“

Ристе Здравков — Mon, 18 Sep 2023 06:00:37 +0000

На Балканот се можете да очекувате и ништо нека не ве изненадува. Двојка од Хрватска, Роберт Маталина и неговата девојка Дорис Грегорина, собирале доброволни прилози наводно за лекување, па на крајот си купиле автомобил „голф“ поради што сега се соочуваат со затворска казна за измама. Во оваа приказна влетал и хрватскиот фудбалски селектор Златко Далиќ, поранешниот репрезентативец Ведран Чорлука и уште некои познатии лица од јавниот живот. Двојката барала пари за лечење на Роберт,кој наводно бил болен од леукемија. За да се лекува требало да соберат 100.000 евра. Тоа им биле плановите, но собрале само 30.000 евра, па си се почестиле со нов автомобил. Двајцата измамници сега се под истрага.

Златко Далиќ го напушта селекторското место во Хрватска?

Бошко Тасиќ — Wed, 21 Jun 2023 04:21:51 +0000

Оваа информација ја објави италијанскиот новинар за трансфери Руди Галети. Тој наведува дека саудискиот клуб Ал Наср испратил понуда до Далиќ и дека хрватскиот тренер ја разгледува. Далиќ во понеделникот за „ТВ Нова“ изјави дека размислува да продолжи да ја води селекцијата на Хрватска. „Критиките секогаш ќе бидат со нас. Тие се дел од нашиот фолклор. Тие се тука поради некаков интерес на тие други луѓе, но јас сум селектор пет и пол години, никогаш не сум се расправал. Никогаш никому не сум кажал лош збор. Ако згрешив некаде, се извинувам. Ако загубивме, јас преземам одговорност. Отсекогаш сум го правел тоа“, изјави по финалето на Лигата на нации, Златко Далиќ. Тој има договор со Хрватската фудбалска федерација (ХНС) до крајот на Мундијалот во 2026 година.

Далиќ: Хрватска никогаш не „паѓа“, има и квалитет и карактер

Бошко Тасиќ — Thu, 15 Jun 2023 05:06:26 +0000

Португалија само уште неколку дена ќе биде бранител на трофејот од Лигата на нации, која ја освои пред две години во своето прво издание. Хрватска е првиот финалист во второто издание, откако во антологиски дуел, кој траеше 120 минути, ја совлада Холандија во Ротердам со 2-4. Со играта во вториот дел и во продолжението, тимот на Златко Далиќ ја демонстрира својата моќ и карактер. „Како само момците се бореа, се бодреа еден со друг..Победена е Холандија на нивни терен.„Капа долу“ на сите. Хрватска обезбеди уште еден медал. Одработивме фантастични осум тренинзи, ништо не нè вознемируваше. Хрватска е пред сè и за неа сè поднесуваме. Оваа победа секако е една од најважните во историјата на хрватската репрезентација. Ние никогаш не „паѓаме“, имаме и квалитет и карактер. Не ми е важно со кој ривал ќе играме в недела. Сребро и бронза имаме, сега одиме по злато“, рече Далиќ.

Златко Далиќ останува селектор на Хрватска до 2026 година

Бошко Тасиќ — Sat, 18 Mar 2023 16:43:49 +0000

Најуспешниот селектор во историјата на хрватската фудбалска репрезентација, Златко Далиќ ќе остане на чело на националниот тим и во следните две години. Човекот со кој селекцијата на Хрватска на последните два Мундијали успеа да стигне до второто и третото место денеска ја продолжи соработката до Европското првенство што ќе се одржи во 2024 година. Далиќ на клупата на Хрватска седна во 2017-тата кога го наследи Анте Чачиќ кој беше сменет по што почна новото поглавје во историјата на репрезентацијата.

Нов договор за Златко Далиќ од Хрватскиот Фудбалски Сојуз

Бошко Тасиќ — Sun, 26 Feb 2023 07:23:37 +0000

Селекторот на хрватската репрезентација Златко Далиќ, ќе остане селектор и понатаму откако хрватската куќа на фудбалот најави дека ќе се потпише нов договор со стратегот. Актуелниот договор на Далиќ е до ЕП 2024 година, но сега ќе му биде понудено да ја води селекцијата до СП 2026 година. Далиќ е селектор на Хрватска од 2017 година, и во неговиот мандат „коцкестите“ играа во завршницата на две светски првенства. Во Русија во финалето загубија од Франција, додека во Катар беа елиминирани во полуфиналето од Аргентина, и го освоија третото место.

Златко Далиќ нов тренер на Ајакс?

Бошко Тасиќ — Sat, 28 Jan 2023 07:39:05 +0000

Холандскиот гигант Ајакс по лошите резултати во првенството го оѕпушти тренерот. Ајакс е во потрага по негова замена, а според последните информации на медиумите хрватскиот селектор Златко Далиќ е главен фаворит. Далиќ веќе два Мундијали со Хрватска бележи одлични резултати, па по среброто во Русија во 2018 година, оваа година во Катар ги водеше „коцкестите“ до бронза. Засега е сигурно дека Хеитинга ќе го води Ајакс во наредните натпревари.Не се исклучува можноста Хеитинга да остане на клупата до крајот на сезоната, а потоа да дојде Далиќ.

Понуда која не се одбива: Бразил го сака Далиќ за селектор!

Ристе Здравков — Sat, 07 Jan 2023 10:16:08 +0000

После среброто од Русија и бронзата од Катар, Златко Далиќ се наметна како трајно решение за селекторската функција на Хрватска, откако стана најуспешниот селектор на „коцкастите“. Сепак, иако засега неговата позиција е загарантирана, може да се случи пресврт со оглед дека Далиќ сега има „понуда која не се одбива“. Според медиумите во Хрватска, хрватскиот селектор сега има можност да ја води една од најсилните репрезентации на светот, Бразил. „Кариоките“ и натаму се во потрага по селектор по отказот на Тите по неуспехот на Мундијалот во Катар и елиминацијата токму од Хрватска на пенали. Сепак, оваа најава може и да не се оствари, со оглед дека Далиќ во минатото одбиваше многу подобри понуди да води клуб, понуди кои изнесуваа и по 10 милиони евра. Меѓутоа селекцијата на Бразил е речиси сон на секој кој се занимава со селекторската работа, па така добра понуда може ќе го премисли Хрватот, а ќе има задача да го однесе Бразил до светска титула во 2026 година.

Далиќ бронзата му ја посвети на Чиро Блажевиќ: Шефе ова е за тебе!

Бошко Тасиќ — Sat, 17 Dec 2022 18:13:59 +0000

Селекторот на хрватската фудбалска репрезентација Златко Далиќ кој испиша историја како тренер со два медали на Мундијалите, по мечот изјави дека оваа бронза има сјај на злато и дека му ја посветува на Чиро Блажевиќ, човекот кој го почна се ова со освојување на третото место на Мундијалот во Франција 1998 година.

„Оваа бронза е злато за нас, во оваа конкуренција да си трет е огромна работа. Момците изгинаа на терен, играа сите што се здрави и спремни. Но, ова не е мој успех, ова е успех за човекот што го почна сето ова, а тоа е Ќиро Блажевиќ. Шефе, ова е за тебе“, рече Далиќ.

Меси го покажа вистинското лице, го прекина интервјуто на хрватскиот селектор (ВИДЕО)

Ристе Здравков — Wed, 14 Dec 2022 08:30:21 +0000

Лионел Меси имаше непријатна епизода со Холанѓаните и го шокира фудбалскиот свет со непримерен однос и потези, но против Хрватска повторно беше препознатливиот фудбалер џентлмен, а дури и го прекина интервјуто по мечот за да се поздрави со Златко Далиќ. Селекторот на Хрватска тргна кон Меси да се поздрави и да му честита за победата на Аргентина од 3:0 во првото полуфинале на Мундијалот во Катар, а Лео џентлменски го прекина за момент интервјуто со TyC Sports и се поздрави со Далиќ. Во претходната фаза Аргентина ја елиминира Холандија на пенали во возбудлив меч, на кој Меси имаше изненадувачки лоши реакции кон противниците и го разочара фудбалскиот свет, кој го познава како врвен спортист и кроток човек. ФИФА најави дека ќе го казни Аргентинецот, а Меси веднаш на следниот меч против Хрватите со реакциите покажа дека имал само еден лош ден против Холанѓаните.

Хрватскиот селектор: Доколку има нови правила, кажете ни

Ристе Здравков — Wed, 14 Dec 2022 08:16:04 +0000

Хрватскиот селектор Златко Далиќ го коментираше првиот гол на Аргентина, во победата од 3:0. Контроверзен беше пеналот кој Даниеле Орсато го постигна за Аргентина, по сударот меѓу Доминик Ливаковиќ и Јулијан Алварез. „Тој прв гол ја водеше играта. Дотогаш имавме целосна контрола, не бевме опасни и конкретни, но играта се одвиваше како што сакавме. А потоа не се играше корнерот, контра каде играчот удри во Ливаковиќ. Дали се ова некои нови правила? Дали Ливаковиќ мораше да отстрани, тоа ја режираше играта. Ако се тоа нови правила, нека ни кажат“, рече Далиќ. Оваа генерација на Хрватска предводена од Лука Модриќ се збогува од светските првенства во Катар. „Можеби ова е крај на оваа генерација на СП. Неколку од нив се во добри години и тешко е да се очекува дека ќе играат во 2026 година. Ова е златната генерација, полека ќе ја завршат кариерата на ЕУРО 2024, имаме и финале во Лигата на нации. Би било одлично да се освои бронзениот медал и тоа да биде поента на оваа генерација“, додаде тој. Хрватска во сабота ќе игра за бронза против поразениот од дуелот меѓу Франција и Мароко.