Златко Хорват – Kurir.mk

Златко Хорват се прости од Металург!

Ристе Здравков — Thu, 16 Dec 2021 19:26:29 +0000

Екипата на Металург во новата година ќе претрпи сериозна реконструкција. Повеќе играчи од актуелниот ростер си заминуваат поради финансиските проблеми, а еден од оние кои повлече нога е главната ѕвезда Златко Хорват. Хрватскиот крилен играч го имаше последниот натпревар во дресот на Металург. Блескаше и со единаесет гола беше најдобар стрелец во победата над Тиквеш, важна во рамки на Суперлигата во борбата за опстанок. Сепак, ветеранот во ракометот и човекот со бројни успеси, ќе бара нов предизвик. И тоа порано од предвиденото. Хрватот во месец мај потпиша нов двегодишен договор со седумкратниот македонски шампион, но во 2022 година ќе има нов клуб. Трансферот на Златко Хорват во македонскиот ракомет одекна како бомба. Пристигна од ППД Загреб и премногу брзо се афирмира во тимот на Металург како главен играч. Сепак, двете страни се разделија, но пријателски и постои можност и договор за идна соработка при стабилизација на ситуацијата. Металург, сепак, ќе продолжи да функционира и понатаму. Колективот ќе направи комбинација и ќе афирмира повеќе млади ракометари во првата екипа. Од нив во иднина може да се добијат сениорски репрезентативци. Меѓу играчите ќе има и неколку искусни имиња.

Златко Хорват го продолжи договорот со Металург

Бошко Тасиќ — Thu, 06 May 2021 17:16:25 +0000

Скопсскиот ракометен тим Металург на официјалниот сајт потврди дека потпиша нов договор со хрватскиот репрезентативец Златко Хорват на уште две години,

Хорват е најдобар ракометар на тимот од Автокоманда во моментов, па затоа Металург не сакаше да ризикува и да го загуби хрватскиот играч, а исто така допрва треба да се ангажираат и засилувања за следната сезона.

Металург без Хорват ќе гостува кај Висла Плок

Бошко Тасиќ — Fri, 12 Feb 2021 19:45:20 +0000

Поради проблеми ао коронавирус и повредени, ракометниот клуб Металург и на ова патување заминува со десеткуван состав. Така, во Скопје ќе останат искусните Тарабокија , Хорват, Шилегов и Лазаревски. Патуваат 12 ракометари, но на првата средба стратегот Димитриески нема да може да смета на новото засилување Василије Калуѓеровиќ, кој ќе настапи само на вториот меч. Во тимот на Металург, покрај искусните Дупјачанец, Маркоски, Ѓорѓески, Рниќ и Поповиќ, се и младите Серафимов, Калуѓеровиќ, Додиќ, Кофилоски и Митиќ, како и кадетите Петковски (16) и Брестовац (16). Екипата на Висла Плок досега одигра пет средби во групната фаза, има максимален број на освоени бодови . Првиот натпревар ќе се одигра на 14 февруари, со почеток во 20:45 часот, додека реваншот на распоред е на 16 февруари, во 18:45 часот.

Хрват и Србин испратија моќна порака пред почетокот на ЕП (ФОТО)

Катерина Бојаџиева — Fri, 12 Jan 2018 10:33:31 +0000

Вечерва на отворањето на Европското ракометно првенство домаќинот Хрватска ја пречекува Србија (20.30 часот) во големото дерби на континенталниот шампионат. Дуелот кој меѓу навивачите секогаш ги крева тензиите и создава закана за нови инциденти, меѓу спортистите е сосема поинаков. За ракометарите овој натпревар е едно големо спортско ривалство. Двајца пријатели и соиграчи од Загреб решија да испратат силна порака со една заедничка фотографија. Станува збор за хрватскиот репрезентативец Златко Хорват и Србинот Добривоје Марковиќ, чија пријателска преггратка е испратена преку службената страница на Загреб на Твитер.