златко пенков – Kurir.mk

Пенков: Македонските граѓани ќе платат превисока цена за лагоден живот на мала клика луѓе, со овие пари може да се изградат дополнителни 100 километри автопат

Тале Кристо — Thu, 25 May 2023 12:33:16 +0000

Измените законите по скратена постапка се вовед во растурање на државата, поставување на паралелен систем на функционирање со закони кои ќе важат за едни и закони за сите други. За кого се бенефициите, за стратешки партнер кој го избра владата, наместо стратешки партнер да биде народот, изјави пратеникот од ВМРО-ДПМНЕ, Златко Пенков на денешната собраниска седница. Тој посочи дека Предлог законот за измени и надополнување на законот за утврдување на јавен интерес и номинирање на стратешки интерес и номинирање на партнер за имплементација на проектот за изградба на коридорот 8 и 10, по скратена постапка наместо долг наслов можеле да биде и предлог на закон за стекнување на огромно богатство. Како што додаде дека само во овој случај диктира изведувачот, а не инвеститорот, односно не диктира државата, а за цела градежна фела е обратно и вакво нешто досега се нема случено. - Се знае кој треба да ги диктира условите, но сега е обратно. Не постои друг ваков договор од сите досегашни договори во историјата на градежнштвото и не може да го има бидејќи стои како класифицирана тајна, изјави Пенков. Пенков го постави и прашањето и по цената на чинење по километар автопат. - Сега ни нудат дупло повисока цена за еден километар автопат, цена која ќе ја платат граѓаните. На крајот ќе излезе дека а истите пари сме можеле да направиме дополнителни 100 километри автопат. За најголемиот број на македонски граѓаните цената која ќе ја платиме е еднаква на автопат до пеколот овде на земјата во Македонија. Само за една мала клика на луѓе тоа ќе биде автопат до рајот, за сите останати ќе платат премногу висока цена. За да се овозможи лагоден живот на тие сега се потребни милијарди евра. Броени се деновите, за секое злосторство има одговорност и на крајот ќе има и казна, нагласи Пенков.

Пенков: Законот за градење го претвораат во Закон за крадење, огромни суми се обезбедуваат за лагоден живот на претставници од ДУИ и СДС

Ристе Здравков — Mon, 22 May 2023 12:06:53 +0000

Не смееме да дозволиме Законот за градење да се претвори во Закон за крадење. Во постојана комуникација сме со претставници на градежната оператива и за нив и како и за најголемиот број на граѓани, неприфатливо и зачудувачки е како тоа со предлог законски измени се овозможува на една компанија да за неа важат посебни закони, изјави пратеникот од ВМРО-ДПМНЕ, Златко Пенков на денешната собраниска седница. Тој прашува како тоа држава ќе овозможи во една индустриска гранка како што е градежништвото, една компанија да ужива привилегии и олеснувања. - Во член 1 од предлогот се дефинираат градбите од стратешки интерес, а тоа се државни патишта, железнички пруги, магистрални гасоводи, како и други, но во член два стои дека изградбата на тие градби се врши врз основа на урбанистички проекти, но не се применуваат одредби кои се инкорпорирани во досегашното законско решение како постапки за одобрување. Како може да се размислува за грандиозен проект, ако нема постапка за одобрување, рече Пенков. Додаде дека понатаму нема постапка за одобрение за градење, постапка за условите за започнување на изградба како и измени во текот на изградба, рок на изградба и други постапки кои важат за сите други. - Во државава ќе се формира паралелен систем. Се вели дека ќе се базира врз економичноста и ефикасноста, а видовме дека се зборува за рационализација и флексибилност. Но автопатски делници претходно се работеле за 7-8 милиони евра, а сега согласно со тоа што е дефинирано како 1,3 милијарди евра излегува дека 1 километар ќе чини 15 а можеби и 20 милиони евра. За каква економичност станува збор, какво рационализирање? Дали не е изговор да се дадат огромни суми на пари? – прашува тој. Посочи дека под флоскулата економичност и ефикасност ќе ни се украде автопатска делница од отприлика 100 километри. - Во законот за градење не смееме да дозволиме импровизации. Македонија не смее тоа да си го дозволи. Да не дозволиме огромни суми на пари да бидат во насока на обезбедување на лагоден живот на одредени претставници од СДС и ДУИ, рече Пенков.

Пенков: Земјоделците нема да можат да преживеат со новиот начин на субвенционирање предложен од оваа Влада предводена од Ковачевски

Ристе Здравков — Tue, 28 Feb 2023 19:49:43 +0000

Златко Пенков, пратеник од ВМРО-ДПМНЕ на вечерашната дебата за разрешување на замениците министри рече дека она што се случува во Собранието или предлогот за реконструкција на Владата е класично пазарење. „Имаме класичен пристап на пазарење за тоа како да се остане подолго на власт. Премиерот побара од нас конструктивна дебата, а за тоа е потребно да има две страни, но премиерот не сака ни да слуша“, вели Пенков. Ресорите каде се менуваат замениците се ресори кои се многу актуелни, но со негативен предзнак. „Она што ние го говориме дека има вистинска пиар машинерија денеска се потврди како точно. Или потрошени 26 илјади евра за спонзорирани постови, а работат 36 лица во две смени. И се поставува прашањето дали е успешно ова. Се покажува дека не, бидејќи анкетите кои се направени во јавноста покажуваат дека води ВМРО-ДПМНЕ. Значи пиар-от е неуспешен и парите за џабе се потрошени“, рече Пенков. Во земјоделието, рече Пенков, само се зборува за реформи, но не се прави ништо. „Направено е само препишувањето на начинот на субвенционирањето кое е воведено од Владата на ВМРО-ДПМНЕ, сега со новиот начин на субвенционирање кое го предлага оваа Влада, прво аванс од 30 проценти, потоа 70 проценти земјоделците нема да можат да го преживеат“, посочи Пенков.

Пенков: Во 21 век на македонскиот народ му се случува асимилација. Која земја членка на ЕУ го преживеала ова што ние сега го преживуваме?

Ристе Здравков — Fri, 15 Jul 2022 19:12:39 +0000

Самата информација содржи 6 реченици од кои една е наслов. На самата доставена информација од влада до пратениците потпишан е Ковачевски, а тоа што сакам да му го кажам дека немало поголемо понижување кон собранието и пратениците да се достави ваква информација. Оваа информација е доставена само да се каже дека е доставено нешто, вели пратеникот од ВМРО-ДПМНЕ, Златко Пенков, на денешната собраниска седница. Тој посочи дека ова што се случува е резултат на повеќе потези кои почнаа со Зоран Заев кој на 1 август 2017 изјави дека затворивме прашање со кое се трасирал патот на добрососедство. - Од тој момент, ниту има сегашност ниту видовме иднина. Закопани сме во минатото во средниот темен век на инквизиција и потоа доаѓаме до 20 век каде фашистичкиот окупатор го нарече администратор. Бугарите беа и запишани се во историјата како дел на фашистичката коалиција. Со Преспанскиот договор се сведовме на три црти во графата националност, а сега го губиме јазикот, станува дијалект на бугарскиот јазик, истакна Пенков. Пенков нагласи дека 27 земји членки има ЕУ, но тие не изгубија ништо од своите атрибути. - Само за Македонија има дополнителни критериуми, се бара промена на Устав, се бараат уставни измени и тоа е апсурд и преседан. Какви Копенхашки критериуми? Која земја членка на ЕУ го преживеала ова што ние сега го преживуваме? Апсолутно не доаѓа предвид промена на Уставот, рече тој. Пенков потенцира дека во 21 век на македонскиот народ му се случува асимилација. - Тоа се прави и тие отстапки се бараат заради фрустрациите на одредени политичари како кај нас, така и во соседните држави. Нема што да му понудат на својот електорат и мора постојано да ја вадат темата, да барат поткусурување, истакна Пенков.

Пенков: 5 години поминаа, економијата е девастирана и животниот стандард на граѓаните е уништен

Ристе Здравков — Tue, 14 Jun 2022 15:11:50 +0000

Повеќе цели се нотирани во ребаланост, но таму се работи класична игра на зборови затоа што пред 6 месеци во буџетот за 2022 година беа детерминирани малку поинакви цели, изјави претеникот од редовите на ВМРО-ДПМНЕ Златко Пенков на денешната Собраниска Комисија за финансирање и буџет. Пенков посочи дека 5 години поминаа, а економијата е девастирана и животниот стандард на граѓаните е уништен. „Убеден сум дека Владата направи катастрофално промашување, затоа што ние во овој момент имаме двоцифрена инфлација. Сите индиции укажуваат дека јуни ќе биде и зголемена таа инфлација, но стапката на инфлација е проектирана со ребалансот на буџетот на 7,2 проценти а во првиот буџет беше проекцијата на 2,4 проценти“, рече Пенков. Пенков потенцираше дека според реномирани економски институции Владата растот на БДП го претставува оптимистички а за разлика од тоа стапката на инфлацијата ја зема долната граница. Ние имаме двоцифрелна инфлација која секојдневно ги јаде парите на граѓаните, а ние имаме детерминирано 7,2 проценти, а тоа е исклучително лошо прогнозирање.

Пенков до Спасовски: Има поплаки дека не се издаваат лични карти со образложение дека опозицијата ги блокира измените во законот, зошто МВР не постапува по важечкиот закон?

Тале Кристо — Fri, 30 Jul 2021 14:28:49 +0000

Имам прашање до Оливер Спасовски, до мене стигна прашање од страна на граѓанин кој што не може да си го оствари своето право согласно законот за лични карти по член 12, каде што вели дека органот на управата во рок од 15 дена од поднесување на барањето мора да му издаде лична односно патна исправа, вели Златко Пенков пратеник од ВМРО-ДПМНЕ на денешната собраниска седница за поставување на пратенички прашања. Пенков ја објасни состојбата низ која поминувало лицето и додаде дека му било кажано дека на истото му било кажано дека нема да се издаваат лични карти бидејќи се чекаат промени во законот, како и дека наводно опозицијата истиот го блокира, прашувајќи го Спасовски зошто МВР не постапува согласно важешкиот закон -И сега да биде уште по интересно покрај сите непријатни ситуации кои ги доживеал на шалтерите и кога веќе помислил дека е на самиот крај кога е потребно да оди да ја подигне личната карта, фактички е известен дека нема да се издаваат лични карти, бидејќи се чекаат промени во законот, наводно изговор дека опозицијата врши блокирање на истиот. Јас би сакал да го прашам министерот зошто МВР не постапува согласно важечкиот закон бидејќи не само од една особа, туку од повеќе особи има поплаки дека има сериозни пропусти во тој дел и како може опозицијата да е виновна што дел од вработените службеници несоодветно ја извршуваат својата работа за која се платени, рече Пенков.

Пенков: Нема дa дозволиме профит на сметка на здравјето и животната средина во Неготино

Ивона Петрова — Wed, 21 Jul 2021 09:58:16 +0000

Владата предводена од СДСМ донесе скандалозна одлука за утврдување на статус на стратешки инвестициски проект односно фабрика за согорување на отпад во Општина Неготино и покрај тоа што пред неполни две години граѓаните јасно го кажаа својот став против овој тип на инвестиција во срцето на Тиквешијата, изјави денеска Златко Пенков, пратеник на ВМРО-ДПМНЕ во Собранието. Тој вели дека ставот на пратеничката група на ВМРО ДПМНЕ по повод ова прашање е јасен. -Нема да се дозволи остварување на профит на сметка на здравјето на граѓаните, но и на животната средина и лозарството кое е витална гранка во општината. Повеќе од очигледно е дека жителите на Општина Неготино живеат под закана од загрозување на нивниот живот, како и загрозување на целиот растителен и животински свет. Оваа закана произлегува од катастрофата наречена СДСМ, која помеѓу здравјето на сопствените граѓани и профитот, одбра да му робува на профитот и сомнителните зделки. Наместо да разговараме за инвестиции, нови работни места, решавање на секојдневните проблеми на граѓаните, постојано се повторуваат зборовите ѓубре, отпад, депонија, фабрика за преработка на комунален отпад. Пред година и половина силно и недвосмислено ги поддржавме граѓаните во напорите да се спречи отварање на депонија во општина Неготино, но сега јасно се гледа зошто некој со сите сили сепак се трудеше да нема Референдум по прашањето против депонии и слични загадувачи. Сега на сите им е јасно зошто и покрај собраните потписи, не се дозволи Референдумот во Неготино, за да можат разни квази „експерти“ да зададат удар врз општината, при тоа не водејќи сметка за ништо друго освен како да се оствари профит. Како пратеничка група на ВМРО-ДПМНЕ сакаме да им порачаме на граѓаните на општина Неготино и на целиот Тиквешки регион дека стоиме заедно со нив и нема да дозволиме овој регион да биде познат по отпад, ѓубре и депонии наместо по виновата лоза, убавото и квалитетно вино и ракија и чиста и здрава средина за живеење, вели Пенков. Ќе ги разгледаме сите опции со граѓаните кои што ни стојат на располагаме и заедно ќе се бориме против оваа закана која што го загрозува здравјето на сите нас и влијае штетно врз лозарството како приоритет и претставуваат опасност за целиот жив свет во Општина Неготино и Тиквешијата.

Коментар на денот – Пенков: СДСМ не исполни ништо од она што вети за Неготино

Магдалена Андонова — Thu, 22 Apr 2021 15:57:43 +0000

Изминаа три ипол години од инсталирањето на локалната власт на СДСМ во Неготино. Години кои според нивниот слоган, требаше да донесат живот во Неготино, но за жал, донесоа само вистинска трагедија за огромен број наши сограѓани. Години најавувани како развоен „бум“ во Неготино во кои требаше да биде реализирана програмата ветена од страна на градоначалникот во предизборната кампања во 2017-та година. Денес, разгледувајќи ја нивната Програма и се она што беше најавувано како развојни проекти од нивна страна, „голата вистина“ е дека сме добиле само лажни ветувања кои се уште се далеку од било каква реализација, изјави денеска во Коментар на денот, Златко Пенков, пратеник од ВМРО-ДПМНЕ. - Беа ветени катни гаражи за регулиран сообраќај, минимум две нови паркинг - простори или друг вид катни решенија, но од тоа добивме само неколку столбчиња покрај тротоарот во центарот на градот. Се уште доволно паркинг места нема и сеуште владее сообраќаен хаос. Ветија Современ покриен градски пазар - покриен современ пазар нема ниту во најава. Ветија Градски плоштад и стара чаршија, нов изглед на градот, целосна санација и модернизирање на овие клучни простори. НОВ ИЗГЛЕД НЕМА, САМО ДЕЛУМНИ КРПЕНИЦИ НА ПЛОШТАДОТ. Три години не се кадарни да ја стават во функција претходно изградената фонтана на Градскиот плоштад, а не пак да изградат нешто со што општина Неготино би добила препознатлив лик, вели тој. Пенков посочи дека исто така ветија Браунфилд инвестиција на старата гимназиска зграда, но како што вели тој старата гимназиска зграда сеуште е стара руина во уште полоша состојба од претходно. - Ветија управување со отпадот на депонија Бучето преку воспоставување на интегриран систем на управување со отпадот и редовно отстранување на дивите депонии. Наместо ова, за малку ќе добиевме нова депонија и дополнително загадување во општината. Благодарение на нас граѓаните, ова беше спречено. Ветија уште низа на проекти кои во оваа прилика би сакал да ги споменам: 1.Изградба на патен правец од село Калањево до Бела Вода и уредување на излетничкиот локалитет Бела Вода; 2.Изградба на канализациона мрежа во Дуброво и тампонирање и асфалтирање на две улици; 3.Изградба на канализација во Црвени Брегови; 4.Асфалтирање на улица од црквата до големото игралиште во Долни Дисан; 5.Санирање на речното корито во Војшанци - решавање на проблемот со водоснабдување со реконструкција на каптажата; 6.Набавка на дополнителен број на контејнери во населените места; 7.Решавање на проблемот со водоснабдувањето во Тремник преку наоѓање на нови решенија -нови бунари; 8.Асфалтирање на две улици во Курија, истакна тој. Пенков вели дека има уште редица други ветувања и проекти кои требаше да го подобрат животот на граѓаните и дека за жал, сето ова останало само на лист хартија, останало само како лажни ветувања и празни зборови. - Добрата вест е што тандемот Делков - Витанов завршува со својот мандат за неколку месеци.Ова, мораме сите да признаеме, е најлошото управување со општината во последните 20 години. ВМРО-ДПМНЕ веќе креира план за развој на општината со кој ќе обезбеди подобар и достоинствен живот за секој граѓанин. ВМРО-ДПМНЕ во наредниот период што следува ќе понуди сериозни проекти и решенија за граѓаните, односно за решавање на сите проблеми на граѓаните, со конкретни рокови за нивна реализација. Проектите ќе бидат реализирани од лица кои поседуваат квалитет, личен интегритет,достоинство и силна посветеност кон остварување на просперитетна општина Неготино. Граѓаните знаат да препознаат вистинска намера за развој на општината за разлика од лажните ветувања и празни зборови! Време е за нови луѓе со визија и цел, додаде тој.

Пенков: Кога и на каков начин ќе бидат обештетени штедачите од Еуростандард Банка?

Ивана Ефремовски — Fri, 13 Nov 2020 16:19:18 +0000

Златко Пенков, Пратеник од ВМРО-ДПМНЕ на денешната надзорната расправа за случајот со Еуростандард Банка рече дека го слушал обраќањето на Глигор Бишев кој е личност кој има искуство во делот на банкарството кој во моментов е прв човек на Шпаркасе Банка, а беше и прв човек на Стопанска банка, потоа околу три години и заменик гувернер на Народна банка на Република Македонија. Пратеникот Пенков посочи на укажување на Бишев дека сака да даде свој придонес во расветлувањето на причините кои доведоа до пропаѓање на Еуростадард Банка. Одовде пратеникот Пенков постави неколку прашања. -Првото прашање е во делокругот на вистината, а вистината мораме да ја знаеме од аспект на штедачите кога и на каков начин ќе бидат обештетени, тоа е моето прво прашање. Секако дека они се најважни во цела оваа гужва што настана околу Еуростандард Банка. Второто прашање е во овој дел кој што потекнува од супервизорската активност на Нардоната Банка, тоа е регулаторно тело. Од аспект на супервизорските органи тоа значи колку банки биле под аминистрација пред да се затворат, дали имате таков податок? И на крајот бидејќи се работи за огромни суми на пари, се работи за огромен капитал,а во излагањата од претходните говорници овде слушнавме дека станува збор за потенцијален криминал од невидени размери поставувавм прашање дали сметате дека треба да постои одговорност?, праша пратеникот Пенков.

Пенков: Власта не може да го реши проблемот со аерозагадувањето и да креира здрава и чиста животна средина

Магдалена Андонова — Wed, 04 Nov 2020 19:14:19 +0000

ВМРО-ДПМНЕ денеска одржа протест во Неготино каде го искажаа огромното незадоволство од работата на власта предводена од СДСМ. Пораките кои пратеникот Златко Пенков ги пренесе се следните: -Веднаш да се прекине со распродажба на националните интереси. Време е за национален консензус при што ќе се постават црвени линии, да не се случи и со Бугарија манипулативен договор Зошто се молчи? Се подготвува ли сличен Преспански Договор со искривување на историјата, јазикот и идентитетот. Ние сме македонци од Македонија и не можеме да бидеме ништо друго. -Состојбата со пандемијата со корона вирусот е вон контрола. Од ден на ден бројот на заразените расте. Се повеќе се шири и во нашата општина, но ниту се вршат епидемиолошки анкети, ниту се издаваат решенија за изолација, ниту се идентификуваат контакти. Се е оставено на совеста на граѓаните, а надлежните постојано ги обвинуваат самите граѓани за ситуацијата. -Состојбата во образованието е алармантна. Дали некој во општина Неготино има точна бројка колку деца поради немање на компјутери не следат настава, иако основното и средното образование се задолжителни? Постои ли алтернатива за овие деца или едноставно ќе ја прескокнат оваа учебна година? -Доста е со водење на економска политика која има за резултат сиромаштија и беда на нашите граѓани, работници, земјоделци, вработени во угостителството, туризам, текстилни работници. Секојдневно се задолжуваме, а парите од задолжувањата неадекватно и недомаќински се трошат. Тој во своето обраќање посочи дека доста е од партискиот реваншизам, притисоци, мобинг и селективна правда кои се присутни како на централно така и на локално ниво како и доста е за партиските вработувања каде единствен услов е да имаш партиска книшка од СДСМ доста за тендер демократија, каде тендерите се делат по партиски клуч на заслужни членови на партијата на власт. -Време е ПР малку да се намали, од добар ПР граѓаните не можат да живеат, туку само од конкретни проекти. Ако милиони евра влегле во општина Неготино, граѓаните имаат право да знаат каде се вложени, дали во водоснабдувањето или во средувањето со паркинг местата или можеби е некоја инвестиција со нови работни места? Или можеби решавање на проблемот со аерозагадувањето и креирање на здрава, еколошки чиста животна средина, рече пратеникот. Пратеникот Пенков порача дека македонскиот народ заслужува подобро утре, граѓаните на Неготино заслужуваат подобра власт и секој граѓанин заслужува достоинствен живот.