Златко Перински – Kurir.mk

Перински: Пехарот на срамот останува на СДСМ и Арсовска, плукаа силно, сега паѓа на нивното лице

Дарко Андоновски — Thu, 21 Sep 2023 11:35:15 +0000

Добиена тужбата за клевета против лагите дека се „профитирало“ од темата прочистителната станица град Скопје. И сега квалифилациите „медари“, „криминалци“ и „профитери“ се пехарот на срамот кој останува за Арсовска, СДСМ и тие кои направија тема и ширеа лаги. Плукаа силно, сега паѓа на нивното лице, изјави Златко Перински, поранешен директор на ЈП Водовод и канализација, кој беше разрешен откако и се спротистави на градоначалничката Арсовска во нејзиниот обид во влијание на постапката за избор на изведувач на Прочистителната станица, откако претседателот на ВМРО-ДПМНЕ денес излезе со статус на фејсбук за добиена тужба против СДСМ дека тој, а не Арсовска влијаеле врз постапката. Задоволството е поголемо и кога вака заробениот и корумпиран суд на власта не ќе може да го одбегне фактот дека СДСМ ме клевети. Токму вчера, на 20 септември уште една добиена пресуда против СДСМ дека клевети и шири лажни вести против мене, истакнува лидерот на ВМРО-ДПМНЕ, Христијан Мицкоски. „Овој пат за тендерската постапка за пречистителната станица на Град Скопје, истиот тендер кој подоцна го потпиша градот, со грант обезбеден од оваа влада. Лагите и медот останаа кај СДСМ и нивните апологети. Но и тоа нема да биде долго, зошто остана уште малку до смена на власта, кога ќе го почувствуваат вистинското владеење на правото и правдата“ – посочи Мицкоски. Со оваа пресуда пропаднаа во вода сите обиди за клеветње на Мицкоски и Перински и се обелодени вистината.

Арсовска се премисли, договорот за Пречистителната станица бил добар

Дарко Андоновски — Thu, 23 Mar 2023 09:21:47 +0000

По калкулирање од скоро една година, градоначалничката на град Скопје, Данела Арсовска се премисли во врска со договорот за пречистелната станица во Скопје, сега вели таа договорот бил добар. Арсовска на која не и чинеше договорот, која упати низа на критики и обвинувања на адреса на поранешниот директор на ЈП Водовод и канализација, Златко Перински присуствуваше на настанот на кој Македонија доби 70 милиони евра европски пари. Со овие средства од Европската инвестициска банка се заокружија потребните финансии за овој проект во висина од 200 милиони евра. Прво, се изгуби драгоцено време поради хировите на Арсовска и нејзината потреба да критикува се што чини и е од корист за граѓаните. Второ, Арсовска со нејзините чекори правеше се за да го загрози угледот на Македонија. Но, демантот за кажувањата на градоначалничката стигна токму од европските институции. „Процесот на набавка беше успешно завршен. Немаше никакви отстапки и имаме зелено свето за потпишување на договорот за изградба и надзор од страна на Водовод и канализација. Во оваа фаза немаме никакви проблеми“, рече Лилијана Павлова, потпретседател на Европската ивестициска банка на вчерашниот настан на кој стигна потврда за доделување на европските пари. Обвинувањата кои Арсовска ги упатуваше кон поранешниот прв човек на ЈП Водовод и канализација, Перински како за „рачињата во медот“ и паднаа во вода. Таа стави потпис на документ со кој самата спореше. Арсовска со овој чекор покажа дека тогашниот директор Персински ја спроведувал целата постапка според сите меѓународни стандарди. „Градоначалничката на Град Скопје, Данела Арсовска, секретарот на Град Скопје, Зоран Глигоров и директорот на ЈП Водовод и канализација - Скопје, Драган Илиевски, во пресрет на одбележување на Светскиот ден на водата, 22 март, присуствуваа на церемонијата за потпишување грант во вредност од 69,784,283 € за изградба на пречистителна станица во Скопје, проект означен како најголем еколошки капитален проект за Скопје“, се вели во објавата на фејсбук страната на Град Скопје. На однесувањето на Арсовска реагираа и од ВМРО-ДПМНЕ. „Владата го потпиша договорот со ЕИБ за грант на пречистителна станица во Скопје, проект во кој беше вклучен Златко Перински како директор на ЈП Водовод и канализација. Ќе потсетиме дека овој проект од капитално значење за скопјани беше директно саботиран од Данела Арсовска и СДС лажно манипулирајќи дека е криминален“, се вели во соопштението од ВМРО-ДПМНЕ. Покрај изгрдбата на пречистителна станица во Скопје, пречистителни станици планирано е да се изградат и во Тетово, Битола, Велес и Штип. Со ова ќе се покрие 70 отсто од националниот капацитет на води.

Арсовска заедно со СДСМ сркна од медот за кој манипулираше: ЕИБ ја демантира Данела, ВМРО-ДПМНЕ обелодени дека паднале маските

Ивана Ефремовски — Wed, 22 Mar 2023 14:18:32 +0000

Денес Владата го потпишува договорот со ЕИБ за грант на пречистителна станица во Скопје, проект во кој беше вклучен Златко Перински како директор на ЈП Водовод и канализација. Од ВМРО-ДПМНЕ отсетуваат дека овој проект од капитално значење за скопјани беше директно саботиран од Данела Арсовска и СДСМ, лажно манипулирајќи дека е криминален и дека кадрите на ВМРО-ДПМНЕ се “со рацете во медот“. Потпретседателката на ЕИБ, Павлова потврди дека се работи за кристално чист проект. „Она што можам да го кажам е дека ние мора да следиме посебни правила и процедури и вршиме надзор со вонредни и редовни контроли на процесот на оваа јавна набавка, но се мина како во добар ред и има зелено светло за Водовод да го потпише договорот, рече Павлова од Европската инвестициска банка. Денес Арсовска присуствуваше на истиот проект поради кој го разреши Перински без никаков основ. -Арсовска се однесува како да има колективна амнезија на сеќавањето. И сега откако го одобри истиот проект, ќе се прикажува како за спасител на проектот кој го саботираше. Паднаа маските. Се видоа лагите и клеветите на Арсовска за пречистителната станица, и се потврди коалицијата Арсовска, СДС, ДУИ и Левица. Денес со Владата и СДС таа срка од истиот мед за кој говореше, но останаа груба дамка манипулациите и жестоките лаги кон претседателот на ВМРО-ДПМНЕ, Христијан Мицкоски и Златко Перински. Од лагите остана медот и срамот за Данела и владата на СДС, за народот пречистителна станица. Најмалку што може денес Арсовска и СДС да направат е да се извинат за лагите кон Мицкоски, Перински и ВМРО-ДПМНЕ. Арсовска рекла, Арсовска порекла. Арсовска си срка тоа што плукала, порачуваат од ВMРО-ДПМНЕ.

Главниот финансиер за пречистителна станица, Павлова од ЕИБ, со ист став со разрешениот Перински и контра Арсовска: Процесот е чист и воден беспрекорно

Тале Кристо — Wed, 22 Mar 2023 13:05:34 +0000

Потпретседател на Европска Инвестициона банка Лилјана Павлова на денешната прес конференција во Клубот на пратеници ги демантираше обвинувањата од страна на скопската градоначалничка Данела Арсовска дека поранешниот директор на ЈП Водовод и канализации Златко Перински дека влијаел на тендерската документација за изградба на пречистителната станица. Имено одговарајќи на новинарско прашање кој е нејзиниот став бидејќи поранешниот директор на ЈП Водовод и канализација Скопје беше обвинет дека не го водел процесот за изградба на пречистителната станица како што треба и поради тоа бил разрешен од градоначалничката на Град Скопје Арсовска, потпретседателката на ЕИБ Павлова рече дека проектот е кристално чист и без никакви проблеми, укажувајќи дека Европската Инвестициона Банка не утврдила никакви отстапки од она што е воспоставено како правила и процедури од нивна страна. Она што можам да го кажам од оваа перспектива знаете дека Европската Инвестициона банка е главен финансиер и ние имаме и мораме да следиме посебни правила и процедури кои што се веќе воспоставени, вршиме надзор на процесот на набавка, да ги вршиме сите потребни и вонредни проверки и контроли и она што можам да го кажам е дека процесот на набавка беше успешно завршен и немаше отстапки и имаме зелено светло за потпишување на договорите за изградба и надзор од страна на Водовод и канализација. И во оваа фаза можам да кажам дека немаме проблеми и навистина со нетрпение ги очекувам роковите и датумите кога ќе се потпишат договорите и успешно да започнеме со имплементацијата, изјави Павлова, потпретседателка на ЕИБ. За потсетување на јавноста, ЕИБ и Европска банка за обнова и развој кои што се главните финансиери на овој голем проект уште тогаш преку соопштение ја демантираа Арсовска дека од самиот почеток на проктот се почитуваат условите и преземаните обврски за исплата на средствата и немаат никакви забелешки како се води целиот процес од страна на Златко Перински, тогашен директор на ЈП Водовод и канализација Скопје.

Перински до Арсовска: Не ги отпуштај вработените, тие не се виновни, чесно го заработуваат лебот

Ристе Здравков — Thu, 15 Sep 2022 18:57:08 +0000

Ја повикувам градоначалничката на град Скопје, да не ги отпушта од работа стотината вработени во ЈП Водовод и канализација -Скопје, кои чесно и со пот вадат парче леб за своите фамилии, а се вработени со времени договори, една, две или повеќе години, односно дел од нив се наследени и од претходното раководство, напиша на Фејсбук екс директорот на ЈП Водовод и канализација, Златко Перински. -Во периодот од 05.07.22 до 07.07.22 во просториите на ЈП Водовод и канализација - Скопје, извршен е инспекциски надзор од страна на Државен инспекторат на труд, за кој има записник, дека се е кристално чисто и дека Водовод е институција каква што не постои во Македонија, каде сите влезови и излези се евидентирани на електронски систем, како и со потпишани пропусници и за службен и за приватен излез на вработените. Покрај записникот, на кој јасно пишува дека нема никаква забелешка, добивме и усна пофалба. Исто така сакам да дадам целосна подршка на денешното соопштение, кое синдикатот (СУТКОЗ) при ССМ го пушти до јавноста, каде се бара од градоначалничката да се запре постапката, со која 100 фамилии ќе останат без парче леб и без егзистенција, истакна Перински.

Данела Арсовска отпушта 100 луѓе од ЈП Водовод и канализација – почнува реваншизмот!

Дарко Андоновски — Thu, 15 Sep 2022 08:17:24 +0000

Околу 100 вработени во ЈП Водовод остануваат на улица, затоа што градоначалничката на Град Скопје, Данела Арсовска не сака да им ги продолжи договорите кои им истекуваат утре – дознава Курир. Ваквата одлука на Арсовска, доаѓа откако таа го разреши директорот на ЈП Водовод од ВМРО-ДПМНЕ, Златко Перински затоа што не постапил по нејзиното барање да влијае на тендерот од над сто милиони евра за изградба на пречистителна станица во Скопје. Станицата е финансирана со европски пари, па вчера Перински доби поддршка од Европската Инвестициска Банка. Потегот на Арсовска да не ги продолжи договорите на вработените, во кулуарите на компанијата го коментираат како реваншизам.

Перински до Арсовска: Градоначалничке ќе имате доста за објаснување, според ЕИБ целиот проект се води согласно водичот за набавки на банката

Ристе Здравков — Wed, 14 Sep 2022 20:52:45 +0000

Епа градоначалничке ќе имате доста за објаснување. ЕИБ ја демантира Арсовска и потврдува дека секој чекор на Водовод и канализација е во согласност со правилата и процедурите. ЕИБ заклучува: -Од почетокот на проектот се почитуваат условите и преземените обврски за исплата на средствата. -Набавките се спроведени во согласност со водичот за набавки на ЕИБ и во согласност со одобрената стратегија за набавки. -До денес, Комитетот за евалуација, потпомогнат од искусен тим, од меѓународни консултанти, ги извршуваше своите задачи на посветен начин. -Обидите да се ревидира стратегијата за набавки, без соодветно оправдување во оваа фаза од процесот на евалуација, или неусогласеноста со важечките принципи за доверливост, може да предизвика значително одложување во процесот на набавка и на тој начин може да ја загрози достапноста на средствата. Фејсбук статус на екс директорот на ЈП Водовод и канализација, Златко Перински.

ЕИБ на страна на Перински: Ревидирањето на стратегијата за набавки без оправдување го загрозува процесот

Ристе Здравков — Wed, 14 Sep 2022 19:27:32 +0000

Европската инвестициска банка одговори на прашањата на Телма за тендерот за изградбата на пречистителната станица за отпадни води во Скопје поради кој градоначалничката на Скопје Данела Арсовска го разреши директорот на ЈП Водоводот, откако тој не направил промена на членови на тендерските комисии повикувајки се токму на одговор од ЕИБ. Во соопштението кое ви го пренесуваме во целост се потенцира дека секој обид за ревидирање на стратегијата за набавки без оправдување во оваа фаза или неусогласеност со важечките принципи за доверливост, ќе предизвика одложување во процесот на набавка и ќе ја загрози достапноста на средствата. Соопштение од Европската инвестициска банка: „Изградбата на пречистителната станица за отпадни води (ПСОВ) во Скопје е водечки проект во рамките на Економскиот и инвестициски план на Европската комисија и Зелената агенда за Западен Балкан. Целосно усогласен со приоритетите на Европската унија (ЕУ), важечките уредби и рамката за пристапување во ЕУ на Северна Македонија, се очекува да генерира значително подобрување на квалитетот на животната средина како и здравствени придобивки преку обезбедување на прочистена вода и избегнување на континуирано испуштање на непречистена отпадна вода во реката Вардар. Проценетата вредност на проектот е 136,7 милиони евра, финансиран со заеми обезбедени од Европската инвестициска банка (ЕИБ) и Европската банка за обнова и развој (ЕБОР). ЕУ обезбедува значителен дел од грантот, дополнувајќи го националниот придонес на Северна Македонија. Заемопримач за заемите е Република Северна Македонија, претставена од Министерството за финансии. ЕИБ го води мониторингот на проектот. Проектот го спроведува јавното претпријатие за Водостопанство „Водовод и канализација-Скопје (ЈПВК). Како промотор на проектот, ЈПВК, исто така, дејствува како Договорен орган на проектот, во смисла на Водичот за набавки на ЕИБ (ВН) и како што е договорено во Финансискиот договор. Јавното претпријатие „Водовод и канализација„ е задолжено за подготовка, имплементација, работа и одржување на системите за третирање на отпадни води финансирани од Банките. Банките, исто така, бараат од промоторот да осигури дека проектот се спроведува во согласност со Водичот за набавки (ВН). Ова ја вклучува одговорноста на промоторот за постапките за набавка на Проектот (вклучувајќи го составот на Комитетот за евалуација што ги оценува понудите) и резултатите од нивната примена во согласност со Водичот за набавки на ЕИБ. Вклучувањето на ЕИБ во прегледот на постапката за набавка за горенаведениот проект е ограничено на проверка дали се исполнети условите поврзани со неговото финансирање, при што се бара, за секој чекор на набавка, ЕИБ да даде одобрување. ЕИБ ја одобри стратегијата за набавки и постапката за евалуација во 2019 година. Две меѓународни набавки – за работи и услуги – се во тек со двата договори во нивната финална фаза на евалуација на понудите. ЕИБ може да потврди дека од почетокот на проектот се почитуваат условите и преземените обврски за исплата на средствата. Набавките се спроведени во согласност со водичот за набавки на ЕИБ и во согласност со одобрената стратегија за набавки. До денес, Комитетот за евалуација, потпомогнат од искусен тим од меѓународни консултанти, ги извршуваше своите задачи на посветен начин. Ја следеше тендерската документација и бараше совети од ЕИБ кога тоа беше потребно. Обидите да се ревидира стратегијата за набавки без соодветно оправдување во оваа фаза од процесот на евалуација, или неусогласеноста со важечките принципи за доверливост, може да предизвика значително одложување во процесот на набавка и на тој начин може да ја загрози достапноста на средствата. ЕИБ со нетрпение го очекува успешното завршување на тековната евалуација на понудите и доделување на соодветните договори без никакво одлагање“.

Перински: Арсовска нема започнато ниту еден од проектите кои ги вети, 10 месеци брка магла, интересот на скопјани е жртва на лични интереси

Ристе Здравков — Wed, 14 Sep 2022 17:46:38 +0000

-Мене ми е навистина жал што граѓаните на градот Скопје навистина се највеќе разочарани, не од моето работење, не од нечие туѓо работење, туку од работењето на градоначалничката Данела Арсовска, а она што уште повеќе ми е жал, тоа е мое мислење самата градоначалничката Арсовска е разочарана од Данела и затоа во изминатиот период бевме сведоци на лиферување на лажни вести во јавноста, посочи Златко Перински во вестите на Канал 5 во 18 часот. -Многу е симптоматично еден медиум на два дена пред отворање на финансова понуда да каже или лиферува во јавноста некаква сума, една понуда дека е поевтина од другата за некој 20тина милиони евра, мислам дека таква вест беше проследена во саботата, кога почна практично голготата на која сме сведоци во минатите три дена, така да тоа е многу симптоматично, изјави Перински. Дополнително тој посочи дека градоначалничката Арсовска може да направи какви сака притисоци, да изјави што сака, но дека тој не е човек што свесно би направил прекршок, само заради задоволување на некој лични хирови и интереси. Тој дополнително укажа на лошата комуникација која градоначалничката ја имала со него изминатиот период. -Јас кога го добив дописот од страна на градоначалничката постапив согласно правилата и процедурите и веднаш од кога ги добив повторно назад, за тоа соодветно ја известив согласно препораките и прописите кои ги предлага процесот. До ден денес, т.е. до петокот немав ништо повратно од нејзина страна, тука треба да го поставите прашањето до градоначалничката, зошто на мојот допис кој што беше пратен кај неа на 10ти август, градоначалничката чекаше до петокот, до последниот практично работен ден пред отворањето на финансовата понуда да ми прати смс пораки во тој вакум период да немаме никаква комуникација и официјална и неофицијална и на денот на отворањето на финансовата понуда она да се појави во мојата канцеларија во водовод да ме разреши. Тоа се одговори кои што самата Данела Арсовска треба да ги даде, истакна Перински. Тој истакна дека загрозен е интересот на скопјани, бидејќи тука има лични интереси на некои луѓе, но Перински гарантираше дека до понеделникот согласно извештаите на ЕИБ процесот бил оценет како кристално чист и упати апел до новиот директор на Водовод и градоначалничката да не си играат со вакви капитални инвестиции и проекти. Тој повторно ги повика сите релевантни институции да го истражат процесот, бидејќи согласно извештаите тој е сигурен дека процесот е како што рече Перински кристално чист. -ВМРО-ДПМНЕ го поддржа концептот за модерно Скопје како програма, за волја на вистината извојува убедлива победа на локалните избори. Ние како советничка група во Советот на Град Скопје ќе ги поддржиме сите оние проекти кои што излегуваат од таа програма, тука да немаат скопјани дилема, но сите оние проекти или како да кажам идеи коишто не излегуваат од таа платформа која победи на локалните избори ќе го задржиме правото жестоко да ги критикуваме. Се она што е во интерес на граѓаните и во интерес на градот Скопје и оние преокти кои произлегуваат од програмата за модерно Скопје ќе бидат поддржани од советниците, рече Перински. За него е тажно тоа што Арсовска изминатите 10 месеци бркала магла и кривец бара во својот тим и луѓето околу неа, тој го постави прашањето каде се проектите кои ги вети Арсовска, дали има барем нешто започнато од програмата за која што доби поддршка скопјани. Тој и посочи дека веќе е измината една година од нејзиниот мандат и дека е време да ги започне проекти и да почне да работи на нивна реализација. -Во услови кога не се реализираат проекти, кога од позиција на градоначалник се искара со сите соработници, повторувам со сите соработници не можете да не се запрашате дали можеби е и до вас проблемот не може сите околу вас да се криви. Тоа што нас не загрижува е немањето на комуникација на градоначалничката со сите останати субјекти, кажа Перински.

Перински: Предложив проект за соларни панели за Водовод, претпријатието да биде 70% енергетски независно, од Арсовска со месеци нема одговор

Ристе Здравков — Tue, 13 Sep 2022 15:02:15 +0000

Златко Перински, во своето гостување во вестите на Сител зборуваше за неговата комуникација со градоначалничката на Град Скопје, Данела Арсовска. -Јас еве преку два примери ќе ја објаснам нашата соработка. Соочени со енергетската криза уште во февруари/март подготвивме план и стратегија за справување со неа и и предложивме на градоначалничката проект со поставување на соларни панели за да можеме да ја супституираме енергетската потрошувачка на водовод со 67 до 68%, значи да инвестираме 10 милиони евра за водовод и канализација Скопје да биде скоро 70 % енергетски независен. До ден денес немам одговор за тоа, тоа е прва работа. Втора работа, пречистителна станица, ми поднесе барање да ја сменам евалуационата комисија, дописот и е вратен мислам 8, 9 или 10 август не ме држете за збор точно за датумот и од 10 август до петокот немам никаква повратна информација од градоначалничката, за во петокот преку смс да ми каже дека ќе бидам обвинет дека доколку не постапам согласно нејзиното барање. За волја на вистината утредента еден медиум соопшти дека има потенцијален криминал и во понеделникот, пазете на денот на отварањето на финансиската понуда да добијам решение за разрешување, истакна Перински. Тој во текот на своето гостување посочи дека градоначалничката цело време била информирана за целата постапка со тендерот за пречистителна станица. -Видете процесот на евалуацијата на понудите, за тоа е задолженa само евалуационата комисија, под буден мониторинг на странските консултанти и на лидер банката во случајот Европската инвестициона банка. Ниту јас имам ингеренции да влијаам, ниту пак да бидам присутен на сеансите при евалуацијата, ниту градоначалникот, ниту ниедно трето лице кое што не е член на овие комисии. На неделна основа, секоја недела има прогрес митинг, на месечна основа бевме поканети и јас и градоначалничката и тоа може да се провери во линкови, во мејлови се пратени тие покани, доколку градоначалничката ценела дека би требало да го прати прогресот на активности во спроведување на евалуационите комисии и на нивната работа до каде е , не на суштината што они гледаат и ценат бидејќи нема право тоа да го прати, она можела да биде онлајн присутна на тие состаноци, кажа Перински.