Златна бубамара на популарноста – Kurir.mk

Златна бубамара на 16 март: „Да наполниме батерии во скапа тарифа“, картите во продажба во четврток

Ивона Петрова — Mon, 20 Feb 2023 12:10:57 +0000

Овогодишната 26. Златна бубамара на популарноста ќе се одржи на 16 март во арената „Борис Трајковски“. По минатогодишната 25. Златна бубамара, со која се одбележа сребрен јубилеј, овогодишната манифестација е прва од следните 25 – до следниот златен јубилеј. Под мотото „Да наполниме батерии во скапа тарифа“, омилената манифестација ќе направи пресек на овогодишната креативна продукција, сатирично ќе ja раскаже изминатата година и ќе ги награди најголемите уметници од Македонија и регионот. -Во ова време на енергетска, инфлaциска, морална и духовна криза, Златна бубамара повикува да се забавуваме во музички ефикасна тарифа и да се арчиме за убаво расположение. Од енергетски ефикасниот штаб на Бубамара сега за сега ни откриваат само наградата за животно дело која ќе ја добие братскиот тандем Миле и Ѓорѓи Барбаровски, кои напишаа некои од најубавите песни во антологијата на македонската народна музика, се вели во објавата. БИЛЕТИТЕ ЌЕ БИДАТ ПУШТЕНИ ВО ОН ЛАЈН ПРОДАЖБА НА 23 ФЕВРУАРИ ВО 12 ЧАСОТ преку сервисот на karti.com.mk и mktickets.mk Од Бубамара ни најавуваат незаборавна престава од 3 часа, за секој посетител на секое седиште традиционално ќе има шише Пролом вода и ветување дека сите ќе се вратат дома пред да бидат исклучени уличните светилки.

Златна бубамара на популарноста се враќа во живо(т): Детали за овогодинешното издание на урнебесната манифестација

Ивана Ефремовски — Sun, 27 Mar 2022 14:25:32 +0000

Најголемиот музички културен спектакл Златна бубамара на популарноста се враќа во живо(т) на големата сцена во Арената „Борис Трајковски“. На големо задоволство на љубителите на добра музика, искрено смеење и незаборавна емоција Јубилејната 25. Златна бубамара ќе се одржи на 12 мај . Традиционално и оваа година на сцената ќе се појават најголемите музички имиња од Македонија и регионот, наградите и сценариото како и секогаш се чуваат во најголема тајност, а според организаторот ќе бидат вистински мелем за душа. Мото на овогодишнато јубилејно издание е „Да оживееме“ со сите негови модификации од “Да живнеме малку“ до „Живот после животот“ и “Живот за време на живот”, со што Златна Буба мара на популарноста во овој пролетен термин ќе не потсети на радоста на живеењето. Информација околу продажбата на билети ќе биде соопштена во текот на наредната недела.

ПОЗНАТ ДАТУМОТ: На 28 март вонредно издание на „Златна бубамара на популарноста“

Ивона Петрова — Mon, 22 Mar 2021 07:34:47 +0000

Тимот на радио „Бубамара“ го подготви новото вонредно 24 пандемиско издание на омилената манифестација на многумина „Златна бубамара на популарноста“. Слоганот за годинава е „Ќе го преживееме и ова во животов“. Истото ќе се емитува повторно на Канал 5 телевизија на 28 март во почеток во 20 часот.

„Ќе го преживееме и ова“: Се подготвува вонредно издание на „Златна бубамара на популарноста“

Ивана Ефремовски — Mon, 15 Mar 2021 16:32:13 +0000

Тимот на радио „Бубамара“ го подготвува новото вонредно 24 пандемиско издание на омилената манифестација на многумина „Златна бубамара на популарноста“. Слоганот за годинава е „Ќе го преживееме и ова во животов“. Истото ќе се емитува повторно на Канал 5 телевизија.