златна бубамара – Kurir.mk

МОЌНО: Македонската публика се расплака од емоции на ОВОЈ НАСТАП на „Златна бубамара“ – Игор и Андријана маестрални (ВИДЕО)

Ивана Ефремовски — Mon, 27 Mar 2023 06:32:22 +0000

Синоќа се емитуваше овогодинешното издание на Златна бубамара на популарноста. Низа награди, многу настапи, шеги, смеа... Еден настап ја расплака македонската публика. Бура од емоции предизвика пеењето на Андријана Јаневска и рецитирањето на Игор Џамбазов. Еден од најдобрите македонски вокали ја запеа „Ми заплакало селото Ваташа“, а актерот и шоумен ја рецитираше „Цветови“ од Славко Јаневски. В Тиквешко негде, в некое село, кај в слана тивко венеше цвете, – убија дете. Нивниот моќен настап погледнете го во продолжение, во видеото после седмата минута. ЌЕ УЖИВАТЕ!

„Златна бубамара“ без Сашко Коцев, еве која е причината

Ивона Петрова — Fri, 17 Mar 2023 11:22:10 +0000

26-тото издание на манифестацијата „Златна бубамара“ помина без главниот лик на сцената. По 17 години како домаќин, Сашко Коцев годинава не беше дел од случувањето кои речиси сите го поврзуваат токму со него. Во многуте коментари на социјалните мрежи се вели дека публиката чекала тој да се појави до самиот крај, но од Сашко ни трага, ни глас. Наговите заменици, Тино и Атанас или како што тој ги нарекуваше, заменските водители, станаа главни. Манифестацијата со ред награди, говор, музика… си течеше како и секогаш. За да нема шпекулации и разни приказни, Сашко се огласи јавно и ја откри причината зошто не беше дел од „Златна бубамара“. – Бев премногу зафатен, не можев да постигнам. Имав две претстави и турнеја во Словенија со филмот“, изјави Сашко за „Слободен печат“ веднаш по манифестацијата, додавајќи дека годинава му се поклопиле ангажманите. За потсетување, Сашко Коцев за првпат како водител на „Златна бубамара“ се појави во 2006 година, а дојде на местото на Тони Михајловски. Дали Сашко како и Тони станува екс- водител или тоа ќе биде случај само годинава, останува да видиме… Вистина.мк

„Да наполниме батерии во скапа тарифа“: Билетите за Златна Бубамара ќе бидат пуштени во продажба од четврток во 12 часот

Ивана Ефремовски — Wed, 22 Feb 2023 13:45:00 +0000

Овогодишната 26. Златна бубамара на популарноста ќе се одржи на 16 март во арената „Борис Трајковски“. По минатогодишната 25. Златна бубамара, со која одбележавме сребрен јубилеј, овогодишната манифестација е прва од следните 25 – до следниот златен јубилеј. Под мотото „Да наполниме батерии во скапа тарифа“, омилената манифестација ќе направи пресек на овогодишната креативна продукција, сатирично ќе раскаже измината година и ќе ги награди најголемите уметници од Македонија и регионот. Во ова време на енергетска, инфалциска, морална и духовна криза, Златна бубамара повикува да се забавуваме во музички ефикасна тарифа и да се арчиме за убаво расположение. Од енергетски ефикасниот штаб на Бубамара сега за сега ни откриваат само наградата за животно дело која ќе ја добие братскиот тандем Миле и Ѓорѓи Барбаровски, кои напишаа некои од најубавите песни во антологијата на македонската народна музика. БИЛЕТИТЕ ЌЕ БИДАТ ПУШТЕНИ ВО ОН ЛАЈН ПРОДАЖБА НА 23 ФЕВРУАРИ ВО 12 ЧАСОТ преку сервисот на karti.com.mk и mktickets.mk и во Розе Веро 2. Од Бубамара ни најавуваат незаборавна претстава од 3 часа, за секој посетител на секое седиште традиционално ќе има шише Пролом вода и ветување дека сите ќе се вратат дома пред да бидат исклучени уличните светилки.

Дајте музика со две златни бубамари и најава за голем концерт

Магдалена Андонова — Fri, 13 May 2022 11:18:50 +0000

Како манифестација за најдобрите и најпопуларните медиумски проекти во земјава, која годинава се одржа под мотото „Да живнеме“, „Златна Бубамара на популарноста“ додели две статуетки за идолите на новите генерации од проектот „Дајте музика“: еден за најпопуларна детска серија и една за најпопуларен тинејџерски хит за 2021 година. Миха, Стаси, Филип и Кики на сцената на „Златна Бубамара на популарноста“ прв пат застанаа во февруари 2020 година. Оттогаш, како што и самите истакнаа, многу работи се сменети. Освен што се пораснати, тие за наградата рекоа: „Снимивме вкупно 90 епизоди од серијалот, ја претставивме Македонија на јуниорскиот евросонг борејќи се за планетата Земја, а спремаме и голем спектакуларен концерт на 27ми мај“ . Наградите ги посветија на целиот тим големи и мали од „Дајте музика“, нивната публика која постојано ги следи на програмите на „Македонската Телевизија“ и нивните фанови кои повеќе од 49 милиони пати го посетиле youtube каналот на „Дајте музика“. Концертот на „Дајте музика“ ќе се одржи на 27 мај на стадионот на „АРМ“ во Скопје во организација на „Авалон продукција“.

Реакциите на интернет не стивнуваат по исмејувањето на власта: „А ти ми тросед узе…како да те Фрики моја, како да те Кики моја заборавим“

Дарко Андоновски — Mon, 02 Mar 2020 21:14:53 +0000

„А ти ми тросед узе...како да те Фрики моја, како да те Кики моја заборавим....“ По синоќешната премиера на „Буба Мара“, не стивнуваат реакциите на социјалните мрежи за она што беше низ призма на саркастична презентација на реалните проблеми со коишто се соочуваме во Македонија. Репертоарот на манифестацијата беше збогатен со песната „Дотако сам дно живота и више не верујем у правдини... а ти ми тросед узе... како да те Кики моја, како да те Фрики моја...“ , на која што присутните обвинителки од обвинителство Фатиме Фетаи и Вилма Русковска за чудо ракоплескаа низ смеа.

Кој не се јави за карти и Кики и Фрики....Ги гледам ја по торби ги пикаат...Од Украина,од Русија пранкери карти купуваат....Како нема карти, има карти еве земи повеќе, абе нема луѓе сите се иселија, ќе помине животот бе ти си се стиснал за едни карти, на 500 евра плата.... си ги рекетираме бе за карти, колку ти требаат 5, земи 35 сакаш ли да збориме за тебе на Буба Мара...не, епа земи 35, кој ги врти бе ќе ги рекетираме, вели Сашко Коцев хумористично.

Хумор и исмејување имаше и во однос на прославите за добивањето датум за датум.

Многу е тешко да се добие датум, ние треба да се викаме Датумска Македонија, па ние само со датум се занимаваме, датум за преговори за кога ќе почне да се преговара да дојдете, за кога ќе почне вистински да се договори датумот за кога ќе почне да се преговара, за кога ќе дојдете вие за да преговараме, да видиме кога би можеле да дојдете да преговараме, за датумот да видиме за кога е најубаво да преговараме за датумот кога НАТО да дојде кај вас и да провери кога би било најдобро датум да добиете... кој датум ќе го славиме, ние какви сме будали сите ќе ги славиме, 365 дена датум ќе славиме, датум кога добивме датум ,значи датум. Да дојде странска инвестиција кај нас се неработни денови ќе ни бидат датум славиме....вели Сашко Коцев на Буба Мара. Хумор имаше и за случајот „Рекет“. За првиот рекет на Македонија, Сашко Коцев вели тоа не било толку тешко, тоа било бел спорт, многу добар спорт нај у-носен спорт, ја нема да дозволам еден „Педерер“ да ми прости ИТП заедницата, само е зезнато нема пари, ме праќаат по луѓе, иди во онаа куќа иди во онаа куќа, а спонзор не можам да најдам бе... Ама вика немаш ти во Македонија судии, абе сите ги држам судии, линиски судија јавен ти треба и јавен обвинител судија,...абе сите ги имам,... абе ти треба и некој повисок устав, абе сите ги имам....нема пари во овој спорт и што заработив, абе еден тросед гарнитура за седење, го исмејуваше Сашко Коцев случајот „Рекет“ и се она што се случуваше со поранешната специјална јавна обвинителка Катица Јанева која заврши во притвор.

Весна Вејби со емотивна порака: Децата да не молчат за насилство

Ивона Петрова — Fri, 28 Feb 2020 10:38:03 +0000

Во спортскиот центар „Борис Трајковски“ синоќа се одржа 23-то издание на „Златна Бубамара“ на кое присуствуваа голем број на јавни личности од светот на музиката, спортот, глумата, политиката…. Актерот Сашко Коцев како домаќин на „Златна Бубамара“ доминираше на сцената со својот шеговиот говор и ја насмеа публиката во салата. Тамара Тодевска доминираше со својот глас кога ја отпеја „Proud“ и доби две награди: пејачка на годината и хит на годината. Меѓутоа, актерката Весна Бејби Петрушевска која доби награда за најпопуларна детска серија „Дајте музика“ на публиката во салата се обрати со емотивна порака. “Се случува голмо насилство меѓу децата. Научете се да ги слушнете вашите деца, и мотивирајте ги да ви кажат ако се жртви на насилство. Тоа не смее да се премолчи” ,порача актерката“, пренесува Женски магазин. По тој повод и самата Весна на својот Фејбук објави видео од колаж со фотографии, а во описот напиша: „Веројатно она за што вреди да создаваш,да сонуваш заедно со децата, да не заспие никогаш детето во мене…во тебе…во сите нас…најголема вистина на овој свет е дека децата се најдобрата верзија на човекот….денес бев на некое друго место…сите тие насмевки и желба да бидат подобри, најдобри..“

„Нема правда, има Бубамара“: Популарната манифестација на 27-ми февруари

Ивана Ефремовски — Thu, 06 Feb 2020 17:18:22 +0000

„Драги наши преживеани граѓани и доживотни политичари – „Нема правда, има Бубамара“. Вака од штабот на оваа најпопуларна манифестација го најавуваат новото, 23. издание на манифестацијата. -Имаме милион и пол причини да дојдеме и заедно да уживаме со најголемите музички, спортски, филмски, театарски и медиумски звезди Нашиот бројчаник врти напред , а кај некои други од позади. Дојдете со вашите ташни, раситнете ја стотката и се ќе биде ОК! Во меѓувреме слушајте лажни вести и дишете еколошко гориво. Рочиштето е закажано во четврток 27 февруари во арена „Борис Трајковски“. Нема правда, нема пара, ама има Бубамара, велат од штабот.

„Мира Дизел да се јави на бензинска, а нејзините роднини во Антикорупциска“

Ивана Ефремовски — Mon, 25 Feb 2019 09:09:15 +0000

Вработувањето на блиски роднини на функционери на власта, беше една од темите на овогодинешната „Златна бубамара“. На скечот посветен на непотизмот, водителот Сашко Коцев говореше дека во Владата трошат многу време додека се поздравуваат роднините меѓу себеси. Пратеничката на СДСМ, Мира Стојчевска, викана Дизел, стана мета на потсмев меѓу публиката. -Се моли Мира да се јави на главна бензиска. Се молат сите роднините да се јават во Антикорупциска, рече Коцев. Овој дел можете да го погледнете во видеото во продолжение на минутажа 06:30-06:53.

„Смарт канта“ и „железни опинци“: Изумите на власта беа мета за потсмев на „Златна бубамара“ (ВИДЕО)

Дарко Андоновски — Mon, 25 Feb 2019 08:43:52 +0000

Бидејќи годинава се измислија многу работи, се измисли и Фонд за иновации и ние решивме да аплицираме таму како тим на Златна буба мара со еден изум кој се вика „смарт кант“, ова го вели актерот Сашко Коцев за време на својот скеч на овогодинешната „Златна бубамара“ на популарноста. -Овој „смарт кант“ е фотелја која е направена на принципот „јас ли зборам, канта ли тропа“, базирана е на таа платформа, нарачани се 120 нови. Ова е една мултифункционална фотелја изработени од телешка кожа, знаете колку е тазе ова? Нема да ти го запоти задникот, нема да викаат леле задникот го испотивме. Толку е тазе кожата, што кравата уште мука по телето и го бара, толку се тазе направени, раскажува Коцев. Тој додава дека оваа душече од телешка кожа е мемори задник, ти го памети, можеш и по 15 години да дојдеш и те памети таа. Целата пародија на Коцев за власта погледнете ја од 27:09 минута се до 32:50.

Скеч на „Златна бубамара“: Против комарци се прска со нечуен и невиден авион

Ивана Ефремовски — Mon, 25 Feb 2019 08:17:50 +0000

Не се прска против комарци? Сите викаат дека не се слуша авионот. Па се пушта нечуен авион, невиден, истакна водителот на „Златна бубамара“ во својот скеч, Сашко Коцев. -Позајмено е беспилотното летало на американска амбасада. Не се прскало против комарци? Се одело од комарец на комарец, муабет да се направи. Да се разговара. Дојди бе дечко, што е со тебе проблемот, дечко? Зошто пиеш крв? Па ти си наша крв. Ги прашуваат комарциве од каде дошле и колку ги има. Мора да се направи попис. Да се знае колку телиња, колку овци и колку комарци. Можеби се 500.000 комарци, а тендер се прави за 100.000 да се прска, рече Коцев во делот од својот стендап. Овој дел можете да го погледнете во видеото во продолжение, на минутажа 20:23-24:34.