Златна Копачка – Kurir.mk

Левандовски ја доби „Златната копачка“

Магдалена Андонова — Tue, 21 Sep 2021 14:56:07 +0000

Напаѓачот на Баерн Минхен, Роберт Левандовски ја доби наградата „Златна копачка“. – Многу сум среќен, тоа е голема чест. Сакам да им се заблагодарам на моето семејство, соиграчите, тренерскиот штаб и целиот Баерн Минхен. Без нивната поддршка, немаше да можам да освојам вакви награди. Во спортот, како и во животот, многу е важно да се вреднувате, да се поддржувате, секогаш да бидете искрени еден кон друг и да се обидувате да бидете пример за другите. Затоа оваа награда им ја посветувам на сите луѓе кои се покрај мене секој ден. Многу сум задоволен од она што го постигнавме заедно како тим. Ви благодарам многу, изјави Левандовски. Полскиот фудбалер постигна 41 гол во 29 натпревари во Бундеслигата минатата сезона и за прв пат во кариерата стана најдобар стрелец во европските првенства. (МИА)

Златната копачка во рацете на Имобиле?

Ивона Петрова — Sat, 01 Aug 2020 14:47:00 +0000

Напаѓачот на Лацио, Чиро Имобиле, може да се чувствува како сигурен носител на „Златната копачка“ за стрелец број еден на Европа. Ова се случува круг пред крајот на Серија „А“. Причината е што неговиот голем конкурент за наградата во Италија – Кристијано Роналдо, беше отстранет од групата за денешниот натпревар на Јувентус со Рома. Предноста на италијанскиот стрелец над Португалецот сепак беше доста солидна – четири гола. Имобиле има 35 гола, Кристијано има 31, а следен во пласманот во Италија е Ромелу Лукаку со 23. Во пласманот за „Златната копачка“, Чиро е пред Роберт Левандовски од Баерн (Минхен), кој во германскиот шампион постигна 34. На табелата Имобиле собира 70 бода, а полскиот стрелец 68. Левандовски е оштетен оваа трка со оглед на тоа што има 34 кола во Бундеслигата, четири помалку од другите врвни лиги во Европа. Вечерва, русокосиот фудбалер може да го зголеми својот резултат во последниот натпревар на „орлите“ – против Наполи. Од 2010 година, само Луис Суарез ја сруши хегемонијата на Лионел Меси и Кристијано Роналдо во борбата за „Златната копачка“.

Магичен број: Тајната врска меѓу сите освојувачи на „Златна копачка“ на Мундијал

Ивона Петрова — Tue, 17 Jul 2018 19:37:42 +0000

Заврши 21 Светско фудбалско првенство, а со тоа доаѓа време и на сумирање на сите впечатоци. Хари Кејн во татковината се враќа со „Златна копачка“ освојувајќи ја со постигнатите шест погодоци. Историјата укажува дека ова не е нималку случајно. Од 1978 година речиси и да е стандардизиран бројот на погодоци кој е неопходен за по завршувањето на Мундијалот некој од фудбалерите да си замине дома како најдобар стрелец. Трендот го постави Марио Кемпес, а ја продолжија Паоло Роси, Гери Линекер и Салаваторе Скилачи. Деветката и шестката не само што имаат ист облик (ликот на едната е како другата свртена наопаку), туку и класичните деветки постигнуваат најчесто по шест погодоци на турнирите. Русинот Олег Саленко и Бугаринот Христо Стоичков на Мундијалот во САД во 1994 година постигнаа ист број на погодоци, па поради тоа не беше доделена таканаречената „сребрена копачка“. И актуелните вицешампиони имаат свој претставник, сегашниот претседател на Фудбалскиот сојуз на Хрватска, Давор Шукер во 1998 година со шест погодоци на однесе својата репрезентација до третото место. Следува мал исклучок бидејќи Роналдо во 2002 година подтигна осум погодоци, додека на Германците Мирослав Клосе (2006) и Томас Милер (2010) доволни им беа 5 погодоци за да бидат најефикасни на турнирот. Пред четири години Хамес Родригез постигна 6 погодоци за Колумбија. Наградата се доделува од 1982 година.

Меси по петти пат ја освои „Златната копачка“

Даниел Василев — Mon, 21 May 2018 08:15:31 +0000

Најдобриот фудбалер на Барселона, Лионел Меси, ја освои „Златната копачка“ во сезоната 2017/18. Аргентинецот постигна 34 гола на 36 натпревари од шпанскиот шампионат и со вкупно 68 поени заврши на првото место на листата пред Мохамед Салах од Ливерпул (32 гола на 36 натпревари во Премиер Лигата). Трет е Хари Кејн од Тотенхем со 30 гола во 37 дуели во Премер лигата. За Меси ова е петта „Златна копачка“. Претходно беше најдобар стрелец во европските лиги во 2010, 2012, 2013 и 2017 година. МИА