златна риба – Kurir.mk

Не станува збор за куче или мачка: ОВА домашно милениче носи најголема среќа

Ивана Ефремовски — Sat, 15 Apr 2023 14:56:01 +0000

Можеби кучето и мачката се најчестите домашни миленици, но кога е во прашање среќата во домот, постои подобар избор. Во последните децении многу се зборува за фенг шуи како древна уметност, кога станува збор за украсување и внесување предмети во куќата, за кои се верува дека носат среќа, мир и богатство. А, она за што ретко се зборува, а малкумина го знаат е дека постои домашно милениче кое може да донесе неверојатна количина на добро за целото семејство. Тоа е златна рипка. Ова животно е високо ценето низ ориенталниот свет и е многу почитувано од будистите бидејќи претставува еден од светите амблеми на Буда. Па, источните земји цврсто веруваат дека семејствата кои имаат златна рипка во својот дом живеат долг и здрав живот, а Египќаните уште од античко време веруваат дека овој миленик носи среќа на целото семејство. И во Грција златната рипка е моќен симбол, а само мажените жени добиваат златна рипка како подарок за да имаат среќа во бракот и многу деца. Многумина веруваат дека златните рипки се најмоќниот талисман кој привлекува богатство. Кинезите веруваат дека златната рипка чува добра енергија во куќата, без која според нивното верување нема мир, благосостојба и пари во ниту еден дом.

ФОТО: Неверојатен улов, фатил златна рипка тешка 30 килограми која растела 20 години во езеро

Ивона Петрова — Tue, 22 Nov 2022 13:19:32 +0000

Рибарот Енди Хакет успеал да улови златна рипка тешка дури 30 килограми. Овие риби обично живеат во домашни аквариуми кои не заземаат многу простор. Сепак, Хакет успеал да фати многу поголема верзија, една од најголемите во светот, тешка повеќе од 30 килограми, пишува Гардијан. Неверојатната риба позната по својата впечатлива портокалова боја, била ставена во езеро во Франција пред 20 години, и од тогаш било тешко да се фати. На рибарот Хакет му биле потребни 25 минути за да ја извади рибата од водата. Ова е хибриден вид вкрстен со јапонски кои шаран и се верува дека е вториот по големина уловен некогаш. Златната рипка или карас припаѓаат на семејството на крапови, но обично не ја достигнуваат оваа големина. -Отсекогаш знаев дека Морков е таму, но никогаш не мислев дека ќе го фатам. Знаев дека е голема кога таа ја гризна мамката и почна да ја влече горе-долу, лево и десно. Потоа исплива на површина и видов дека е нешто портокалово. Феноменално е што ја фатив, но тоа е и чиста среќа, изјави Хакет. Тој позираше со огромната риба пред да ја врати во водата.

Како правилно да чувате златна рипка за да ја имате и до 20 години

Ивона Петрова — Mon, 28 Mar 2022 10:49:00 +0000

Обичната златна рипка веројатно е една од првите видови риби кои лушето почнале да ја чуваат како домашно милениче. Некои луѓе не се доволно запознаени со нивните потреби, па прават големи грешки при чувањето на златната рипка. Тие имаат минимални потребни, но специфични кои треба да ги задоволите ако сакате што подолго да ги имате. Една од најчестите заблуди за златните рипки е дека имаат краток животен век. Со правилно чување во одговарачки услови, златната рипка може да живее и до 20 години. Тоа пред се подразбира чување во аквариум. Малите кружни садови каде најчесто се чуваат рипките, всушност е неправилно и не им одговара. Ваквиот сад е премал за рипката, па пливањето во круг може да ја полуди и да угине од стрес. За златнат рипка најсоодветен аквариум е оној кој собира од 280 до 320 литри вода. Можеби ви се чини големо, но зависно од подвидот, златната рипка може да оди до длабочина и над 30 сантимери во возрасни години. Правилно е да се започне со аквариум од околу 88 литри за секоја златна рипка, а како растат, а може да пораснат меѓу 30 и 60 сантиметри, садот мора да биде поголем. Затоа најдобро е веднаш да земете поголем аквариум кој нема да мора да го менувате. Големиот сад е важен и поради тоа што златните рипки често вадат отпад. Овој отпад неизбежно го троши кислородот и создава отровни металобички нуспојави како што е амонијакот. Во поголем аквариум, исто така ќе биде полесно да се постави соодветен состав за филтрирање на водата. На златните рипки важна им е и одредена, стабилна температура на водата, а грејачот треба да биде поставен на околу 20 степени. Користењето на поголем аквариум ќе спречи драстични промени на температурата. Златните рипки ја сакаат водата во која алкалноста е поголема од киселоста, па најдобра за нив е вода со pH меѓу 7,0 и 7,4. Треба да се хранат со количина која можат да ја изедат за две до три минути, еднаш или двапати дневно. Внатрешноста на аквариумот, во смисла на украси, не бара големо внимание. За подлога подобро е да се користи камен со големина на грашок кој рибата нема да го голта со парчињата храна кои ќе паднат на дното. Декоративен камен, разни билки или слично можат да бидат убав украс, но треба минимално да се користат за рибата да има повеќе простор за пливање. Живите билки мора да се користат внимателно. Правилната исхрана исто така е важна. Тие јадат речиси се, но мора да внимавате. Најмногу корист имаат од храна со висок процент на протеини и јаглехидрати, особено во направена храна за нив.