„Златна топка“ – Kurir.mk

УЕФА влегува во организација на „Златната топка“

Тале Кристо — Fri, 03 Nov 2023 17:02:34 +0000

Најпрестижната фудбалска награда „Златна топка“ (Ballon d’Or) во иднина заеднички ќе ја доделуваат УЕФА и Групацијата „Амаури“, во чија сопственост се неделникот „Франс фудбал“ и дневниот весник „Л'Екип“. УЕФА и Амаури, која е творец на „Златната топка“, потпишаа денеска договор за партнерство за заедничка организација на доделувањето на престижната награда, почнувајќи од 2024. Договорот за соработка е постигнат седум години, откако беше раскината досегашната соработка меѓу француските организатори и ФИФА. Групацијата Амаури ќе остане мнозински сопственик на „Златната топка“ и ќе продолжи да го надгледува гласањето, а ќе бидат додадени две нови категории – за најдобар тренер и најдобра тренерка на годината. „Златната топка“ традиционално се доделува во Париз, но од Амаури најавија дека постои можност во иднина да се организира и во други европски метрополи.

Белингем прв фаворит за Златната топка во 2024

Тале Кристо — Tue, 31 Oct 2023 21:41:24 +0000

Ден откако Аргентинецот Лионел Меси по осми пат во кариерата ја освои Златната топка, престижниот фудбалски портал „Goal.com“ го издвои англискиот репрезентативец Џад Белингем за прв фаворит за престижното признание во 2024 година. Белингем ова лето дојде во Реал Мадрид и по воведните 11. кола во Ла Лига е најдобар стрелец во шпанското првенство со десет голови, а додаде и две асистенции. Младиот англиски репрезентативец на вчерашната гала свеченост во Париз беше прогласен за најдобар млад играч до 21 година за минатата сезона, а според престижниот портал е главен фаворит за Златната топка во 2024. Втор на листата е Французинот Килијан Мбапе, пред Норвежанецот Ерлинг Халанд, англискиот напаѓач Хари Кејн и најдобриот играч на Ливерпул, Мохамед Салах. Меѓу првите десет фаворити на листата се и Родри, Хулиан Алварез, Винисиус Жуниор, Букајо Сака и Бернардо Силва.

Матеус за Златната топка на Меси: Тоа е фарса, иако јас сум навивач на Лионел, тој победи неправедно

Ивона Петрова — Tue, 31 Oct 2023 11:48:07 +0000

Поранешниот германски фудбалер Лотар Матеус верува дека Ерлинг Халанд требало да ја добие Златната топка, а не Лионел Меси. Вчера Аргентинецот по осми пат ја освои наградата. Доделувањето на наградата се одржа во Париз во театарот „Шателе“. - Цела минатата година Халанд играше подобро од Меси. Лионел победи неправедно. Но, тоа покажува дека Светското првенство е важно повеќе од било што друго. Мислам дека Халанд е најдобриот играч во последните 12 месеци, освои важни трофеи со Манчестер сити и собори голгетерски рекорди. За мене никој не го победува Халанд. Ова гласање е фарса, иако јас сум навивач на Меси, изјави Матеус. Ерлинг Халанд го зазеде второто место во гласањето. Норвежанецот го освои трофејот Герд Милер како најдобар стрелец во сезоната 2022/23.

Гвардиола: Халанд ја заслужува Златната топка

Тале Кристо — Fri, 20 Oct 2023 16:09:15 +0000

Тренерот на Манчестер сити, Пеп Гвардиола, рече денеска дека играчот на неговиот тим Ерлинг Халанд заслужува да ја освои наградата Златна топка за најдобар фудбалер во 2023 година. Халанд оваа година постигна 52 голови на 53 натпревари и му помогна на Сити да ја освои тројната круна. Норвешкиот голгетер е меѓу 30 кандидати за престижната награда која ќе биде врачена на 30 октомври. „Халанд би требало да ја освои – да. Освоивме тројна круна, а тој постигна 50 голови“, изјави Гвардиола. За најголем фаворит за освојување на Златната топка се смета фудбалерот на Интер Мајами, Лионел Меси, кој со Аргентина ја освои светската титула на Мундијалот во Катар. Гвардиола, кој во минатото му беше тренер на Меси во Барселона, наведе дека Аргентинецот заслужува индивидуална категорија, кога е во прашање Златната топка. „Златната топка мора да биде од два дела. Една за Меси, а другата за останатите. Најлошата сезона за Меси, е најдобра за другите“, наведе Гвардиола.

Кварацхелија: Сонувам да ја освојам Златната топка еден ден, мислам дека Меси ќе ја добие оваа година

Дарко Андоновски — Tue, 03 Oct 2023 17:34:50 +0000

Грузискиот фудбалски репрезентативец Хвича Кварацхелија проговори за својот сон да ја освои „Златната топка“. -Доаѓајќи од толку мала земја, беше тешко да се замисли сето ова, така што чувствувам дека ако се вложите во она што го правите, вашата жртва ќе се исплати. Јас, како и сите други, сонувам да ја освојам Златната топка еден ден, изјави Кварацхелија. За фудбалерот на Наполи прв фаворит за престижната награда која се доделува на фудбалерот на годината е Лионел Меси. Церемонијата на доделување на Златната топка ќе се одржи во Париз на 30 октомври.

Десет фудбалери во трка за Златната топка

Ивона Петрова — Thu, 07 Sep 2023 09:44:35 +0000

Десет фудбалери се најдоа во потесниот круг за наградата Златна топка за најдобар играч во 2022 година во традиционалниот избор на „Франс фудбал“. За наградата конкурираат Карим Бензема, Бернардо Силва, Кевин де Брујн, Џамал Мусала, Андре Онана, Мохамед Салах, Џад Белингам, Букајо Сака и Рандал Коло Муани. Свеченоста за доделувањето на награди ќе се одржи во Париз на 30 октомври. Наградата лани ја освои Французинот Бензема, кој во меѓувреме ја смени клупската средина и од Реал Мадрид се пресели во саудиското првенство.

Бензема по „златната топка“ дојде со сопругата и девојката – сепак само една од нив објави фотографија со него по церемонијата

Дарко Андоновски — Tue, 18 Oct 2022 15:04:53 +0000

Карим Бензема синоќа беше прогласен за фудбалер на годината, напаѓачот сакал на церемонијата да присуствуваат сите значајни личности во неговиот живот па во Париз беа присутни и неговата сопруга и неговата девојка. Карим Бензема имаше извонредна сезона, па сосема очекувано, напаѓачот на Реал Мадрид ја доби „Златната топка“ на „Франс Фудбал“.

View this post on Instagram

A post shared by Karim Benzema (@karimbenzema)

Ова беше голем момент во кариерата, напаѓачот сакал на церемонијата да присуствуваат сите значајни личности во неговиот живот, па тоа донесе една непријатна ситуација, во Париз се појавија и неговата сопруга и неговата девојка. Имено, Карим Бензема во 2017 на приватна церемонија се ожени со Кора Готје и заедно го имаат синот Ибрахим, двајцата се најдоа во фокусот на камерата кога напаѓачот ја подигна „Златната топка“.

Ballon D'Or 2022 winner #KarimBenzema's girlfriend #JordanOzuna & former girlfriend #CoraGauthier attended the ceremony. #ballonDor #RealMadrid pic.twitter.com/EfV4nVBEPt
— It's a Wag Wag World (@ItsAWagWagWorld) October 18, 2022

Ѕвездата на „кралевите“ во моментов има нова љубов, се работи за Џордан Озуна која можеби беше во втор план, но дома си замина со Карим Бензема и сподели фотографии од авионот.

Карим Бензема стана петти Французин со „Златна топка“

Бошко Тасиќ — Mon, 17 Oct 2022 20:11:23 +0000

Карим Бензема очекувано го освои признанието „Златна топка“, кое го заслужи со одличните настапи во дресот на Реал Мадрид изминатата сезона. Бензема е промовиран како број еден во светот, во гласањето во кое учествуваа новинари од целиот свет и редакцијата на „Франс футбол“. Фудбалерот на Реал Мадрид стана петтиот Французин кој го освоил признанието, а му беше доделено од легендарниот Зинедин Зидан. Во најдобрата тројка во машка конкуренција се најдоа и Кевин де Брујне и Роберт Левандовски.

Бензема вечерва ќе ја добие Златната топка и ќе добие нов договор од Реал Мадрид

Ристе Здравков — Mon, 17 Oct 2022 12:31:15 +0000

Престојните денови ќе бидат убави за Карим Бензема кој најпрво ќе ја добие Златната топка, а потоа ќе стави потпис на продолжување на соработката со Реал Мадрид. Вечерва се одржува свечената манифестација за доделување на Златната топка, веќе е познато дека таа ќе му припадне на напаѓачот на Реал Мадрид, Карим Бензема. Покрај него во конкуренција беа и Роберт Левандовски, Мохамед Салах, Садио Мане и Винисиус Жуниор. Деновиве се очекува да биде соопштено и продолжувањето на соработката на Бензема со Реал Мадрид. Тој ќе стави потпис уште едногодишно продолжување на договорот, со трајност до јуни 2024 година.

Фере: Фудбалерите на Реал знаат како се освојува „Златната топка“

Ивона Петрова — Sat, 15 Oct 2022 17:49:20 +0000

Директорот на „Франс фудбал“, Паскал Фере, изјави оти не сака да прогнозира кој ќе ја освои наградата „Златна топка“ за најдобар фудбалер во светот во минатата сезона, јавија француските медиуми. Списанието „Франс фудбал“ оваа награда ја доделува од 1956 година, а годинава најголем фаворит за признанието е напаѓачот на Реал, Карим Бензема. Фере рече дека зад Бензема стои силен клуб, кој „знае како да организира кампања“. – Флорентино Перез добро организира кампањи, на тивок начин, и сè уште што работи е легитимно. Кампањата не го одлучува победникот, но може да те принуди да се чувствуваш како губитник. Стратегијата на Реал е поддржува еден фудбалер. Со години тоа беше Кристијано Роналдо, а сега е Карим Бензема. Тоа спречува гласовите да се разводнат. Тие знаат како ова функционира. Не е случајно што овој клуб има освоено најмногу „Златни топки“, изјави директорот на „Франс фудбал“.