Златни глобуси – Kurir.mk

Доделени наградите „Златен глобус“

Ивона Петрова — Wed, 11 Jan 2023 07:16:13 +0000

Трагикомедијата „Самовилите на Инишерин“ (The Banshees of Inisherin) и серијата „Основното училиште Абот“ (Abbott Elementary) освоија по три „Златни глобуси“ на доделувањето што се одржа синоќа. Меѓу нивните одличја се и оние за најдобар филм и најдобра серија, соодветно, во делот „Комедија или мјузикл“. Филмот „Самовилите на Инишерин“ го освои и „глобусот“ за најдобра машка главна улога (Колин Фарел) и најдобро сценарио (Мартин Мекдона). Најдобра драма-серија, според Здружението на странски новинари во Холивуд (ХФПА), е „Куќата на змејот“ (House of the Dragon). Полуавтобиографскиот филм на Стивен Спилберг, „Фабелманови“ ја освои наградата за најдобра драма и за режисер. Признанија за најдобри глумци во бројните категории освоија и Остин Батлер („Елвис“), Кејт Бланшет („Тар“), Анџела Басет, Кевин Костнер, Зендеја, Еван Питерс („Драма“), натаму – Мишел Јео, Ке Хуј Кван, Тајлер Џејмс Вилијамс, Квинта Брансон, Џулија Гарнер („Комедија или мјузикл“) и други.

По црвениот тепих се прошетаа најубавите жени на светот, а потоа се појави таа и го украде шоуто (ФОТО)

Дарко Андоновски — Mon, 07 Jan 2019 16:08:01 +0000

Вчера во Лос Анџелес беа доделени Златните глобуси по 76 пат, а на црвениот тепих се прошетаа некои од најпознатите ѕвезди од светот на филмот. На манифестацијата која се случува секогаш пред Оскарите големо внимание привлече и пејачката која измината година имаше блескава кариера на филмски план. А кој се беше дел од оваа церемонија можете да видите во продолжение:

ФОТО: Која е дамата која разбесни многумина на доделувањето на „Златните глобуси”?

Александар Михаилов — Tue, 09 Jan 2018 09:39:51 +0000

Во неделата беше одржано престижното доделување на наградите “Златни глобуси”. Со оглед на тоа што во последните неколку месеци во Холивуд се појавија бројни скандали поврзани со сексуално вознемирување на жените, славните дами одлучија да се појават на црвениот тепих во црни фустани како знак на протест и подигнување на свеста за овој проблем. Но, на доделувањето се појавија и жени кои не ја поддржале ваквата одлука, туку ја искористиле својата покана за да се истакнат од масата, што не наиде на разбирање од публиката и присутните. Една од таквите жени е 36-годишната актерка Бланка Бланко која носеше “проблематичен” фустан и на минатогодишното доделување на Оскарите, каде го откри своето меѓуножје. Таа на “Златните глобуси” повторно се појавила без долна облека, а црвениот фустан откривал повеќе отколку што треба. Бланка била во друштво на својот долгогодишен партнер – 68-годишниот актер Џон Севиџ. Иако не била единствената која не се придружила на “женското холивудско движење во црно”, таа дефинитивно била единствената која носела ваков провокативен фустан и со тоа ги преминала границите на добриот вкус.

Pressline #goldenglobes2018 with @mariolopezextra #interviews Wearing @lafonn #lafonn @makeupbyrobert @hairbyrenecortez @atriaclothing @integratedpr

A post shared by Blanca Blanco (@blancablancoactress) on Jan 8, 2018 at 7:35am PST