златни медали – Kurir.mk

Четири медали, од кои една златна, за македонските таеквондисти во Чешка

Катерина Бојаџиева — Tue, 31 Oct 2023 21:53:09 +0000

Македонската традиционална Таеквон-до репрезнетација освои четири медали на престижниот турнир „Моравиа Опен 2023“ што викедов се одржа во чешкиот град Острава. Во конкуренција од над 500 натпреварувачи од 13 европски земји се освоени еден златен, еден сребрен и два бронзени медали, и тоа во дисциплините спаринг (борби) и форми (борба со замислен противник). Најголемиот успех го постигна репрезентативката Елена Јанеска, која го освои тронот во категоријата спаринг (борби) за јуниорки над 64 килограми, совладувајќи ги противничките од Холандија, Чешка, Естонија, Чешка. Таа се закити и со сребрен медал во категоријата борби со замислен противник. Јанеска само пред една седмица го постигна истиот успех на Меѓународниот Таеквон-до ИТФ А класа натпревар „Србија Опен 2023“ во Нови Сад, Србија, освојувајќи златен медал во спаринг (борби) + 64 кг за јуниорки 16-17 години и сребрен медал во форми (борба со замислен противник) за црн појас први дан јуниорки 16-17 години. Марио Крстески го освои бронзениот медал во форми (борба со замислен противник) за црвен појас јуниори 16-17 години, додека Михаил Јоноски освои бронзен медалво форми (борба со замислен противник) за црвен појас јуниори 16-17 години. Поради повредата од Светското првенство од која се уште се опоравува, Христијана Парулеска на натпреварите во Чешка учествуваше во улога на тренер. aб/нд/ Фото: ИТФ

Македонските каратисти освоија 12 златни медали на турнир во Грција

Тале Кристо — Mon, 25 Sep 2023 08:37:50 +0000

Македонската репрезентација во традиционално карате беше најуспешна на ИТКФ Меѓународниот куп “ Хидетака Нишијама” одржан викендот во Неа Мудања, Грција. Македонските каратисти освоија вкупно 47 медали од кои 12 златни, 13 сребрени и 22 бронзени медали во сениорска-младински, јуниорска-кадетска конкуренција како и во најмалата категорија за деца. - Најуспешни кај децата беа: Камелија Недев, Матеј Мангаровски, Филип Недев, Лука Крстевски и Дамјан Трајковски кои освоија повеќе златни медали во поединечна и екипна конкуренција. Сребрени и бронзени медали освоија: Софија Јарчевска, Ѓорѓи Кокорманов, Војдан Паламидовски, Дамјан Денковски, Максим Поп Трпев и Неда Костадиновска. Кај сениорите најуспешен беше женскиот ката тим во состав: Камелија Недев, Берта и Јана Милевски како и Сашо Спасовски кој освои златен медал во борби за сениори. Јадранка Недева освои три сребрени медали во кати, фукуго и кумите. Берта и Јана Милевски и Сашо Спасовски освоија бронзени медали поединечно, информираат од МТКФ. На второ место по број на освоени медали беше Полска, а на трето место Италија, четврта беше Литванија. Следен голем натпревар кој ги очекува македонските каратисти е Светскиот куп во Лублин, Полска кој ќе се одржи на 30 септември 2023 година.

Табела на медали: Кина во водство пред САД и Јапонија

Дарко Андоновски — Fri, 06 Aug 2021 17:48:28 +0000

Пред завршниот викенд на Олимписките игри во Токио спортистите од Кина и натаму се најуспешни со 36 освоени златни медали. Табела на медали: З С Б Вк.

Кина 36 26 17 79
САД 31 36 31 98
Јапонија 24 11 16 51
Велика Британија 18 20 20 58
Русија 17 23 22 62
Австралија 17 6 21 44
Италија 10 10 18 38
Германија 9 11 16 36
Холандија 9 10 12 33
Франција 7 11 9 27.

Златни медали за Мојсовка и Јованоска на меѓународниот турнир „Трофеј на Македонија“

Ивона Петрова — Mon, 16 Dec 2019 07:08:28 +0000

На годинешниот трет по ред традиционален меѓународен турнир „Трофеј на Македонија“, македонските каратисти освоија две златни медали. Ангела Мојсовска беше најдобра во категоријата до 68 килограми, додека Пулексенија Јованоска победи во кати. Од останатите македонски каратисти кои се натпреваруваа на турнирот, сребрени беа Глигор Петков (-84кг) и Ненад Келебиќ (-67кг.), Абдурахим Идризи (-60кг) и Сара Радичевска (-50кг.) Со бронза се закитија: Емил Павлов во -60 килограми, Јована Георгирва (-55кг.), Моника Стефановска (-68кг.), Роберто Ацковски (-67кг.), Петар Заборски (-75кг.), Петар Спасеновски (-84кг.) и Жарко Арсовски (+84кг.). На турнирот учествуваа и каратисти од Турција, Албанија, Косово и Бугарија.