златници – Kurir.mk

ФОТО: Златници од 17 век пронајдени во лонец под кујнски под

Ивона Петрова — Mon, 10 Oct 2022 09:29:44 +0000

Британски пар пронашол златници кои биле скриени во лонец под кујнскиот под од домот. Колекцијата имала околу 260 древни златници кои биле продадени на аукција за 858, 23 754 илјади евра. Првично колекцијата припаѓала на Фернли-Мајстерс, семејство кое се занимавал со трговија. Датираат од 1610 до 1727 година. Семејството Фернли-Мајстерс било познато по увоз и извоз на дрва, руда и јаглен, а некои од членовите биле во парламентот на почетокот од ’70-тите. Џозеф Фернли и Сара Мајстерс се венчале во 1694 година, а парите ги собирале за време на бракот. Џозеф починал во 1725 година на 77 годишна возраст, а Сара починала на 81 година во 1745 година.

На Прешево-Табановце запленети златници и накит вредни 12.780 евра

Ивана Ефремовски — Fri, 15 Jul 2022 16:04:28 +0000

Српските цариници и полицијата на 14 јули на граничниот премин Прешево-Табановце со Македонија и на Аеродромот „Констатин Велики“ во Ниш спречија два обида на патници преку границата без пријавување да пренесат дукати-турски златници и златен накит, со вкупна вредност од еден и пол милион динари (12.780 евра), јави дописникот на МИА од Белград. Првиот прекршок е откриен на излезната страна на преминот Прешево, каде во автомобил „Фолксваген артеон“ со германски регистарски таблички, во кој од правец на Македонија кон Германија патувале двајца мажи, под седиштето на сопатникот е пронајдена кутија со 22 златници-турски лири (дукати), чија вредност е проценета на нешто повеќе од милион динари (8.520 евра). -Иако изјавиле дека немаат ништо да пријават, цариникот во преградата за документи под совозачкото седиште пронашол кутија со вкупно 22 златници -турски лири, чија вредност се проценува на нешто повеќе од еден милион динари, соопшти српската Царина. Сличен случај е евидентиран истиот ден на преминот Аеродром „Константин Велики“, каде во рачниот багаж на патничка која пристигнала со лет од Базел е откриен непријавен златен накит. -Иако во разговорот со цариникот дополнително потврдила дека нема што да пријави, во нејзината чанта биле пронајдени масивно златно ланче, нараквици, прстени и обетки чија вредност се проценува на околу 400.000 динари. (МИА)

Бездомници на Флорида добија златници од Древен Рим

Тале Кристо — Fri, 24 Apr 2020 09:00:41 +0000

Две златни монети од времето на Римската Империја, се најдоа во кутија за донации на американската Армија за бездомниците во Тампа, Флорида, САД. Како што пишува „Тампа Беј тајмс“, паричките може да достигнат и до неколку илјади долари на аукцијата што утре ќе се организира на интернет-страницата „Херитиџ окшнс“. Стручни лица оттаму појаснуваат дека златниците потекнуваат од подрачјето на денешна Турција. – Монетите се изработени од злато меѓу 42 и 40 пред нова ера, се наведува во описот на интернет-страницата. Армијата изминатата зима собра 75 отсто од планираните средства потребни за згрижување бездомните лица. Се работи за околу 400.000 американски долари.

Французин нарачал костим за капење на интернет, а добил цело богатство

Ивана Ефремовски — Tue, 05 Feb 2019 08:09:46 +0000

Французин од градот Ван на полуостровот Бретања нарачал костим за капење за својата сопруга преку Интернет, но наместо тоа, стигнала пратка со златници и златни прачки во вредност од околу 20.000 евра. Таа сепак, не била изненадена од пратката, бидејќи очекувала подарок. Но, била изненадена од тежината на така малиот пакет. Кога заедно ја отвориле кутијата, во неа се наоѓале француски златници од почетокот на 20. век и златни прачки – со вкупна тежина од 700 грама. Под претпоставка дека се работи за логистичка грешка, тие ѝ го предале пакетот на полицијата, па така сопственикот на пратката е пронајден. (МИА)