златно славејче – Kurir.mk

Тажна вест: Почина основачот на „Златно славејче“

Ивана Ефремовски — Fri, 15 Nov 2019 14:55:42 +0000

Почина Благоја Јордановски, еден од првите македонски народни учители, еден од најпознатите активисти околу детското згрижување и напредување во нашата земја. Јордановки е роден на 25 февруари 1930 година во Штип. Припаѓа на првата генерација народни учители кои ја завршија учителската школа во „Никола Карев”. Беше директор на пионерскиот дом „Карпош“ и секретар на Градскиот сојуз за грижи и воспитување на децата од Скопје, како и учител и директор на децата прогонети од Егејска Македонија во градот Бела Црква, Војводина. Тој е еден од основачите на детскиот фестивал „Златно Славејче“. Добитник е на наградата „13 Ноември“ за заслужен граѓанин за учество во тимот за обнова на Скопје по земјотресот во 1963 година, како и други позначајни награди. Погребот ќе се одржи утре на гратските гробишта во Бутел, со почеток во капела во 12:30 часот.

Пријавете го вашето талентирано дете: Аудиција за нови членови на хорот „Златно славејче“

Ивана Ефремовски — Sat, 23 Mar 2019 11:11:28 +0000

Во просториите на Советот за грижи и воспитување на деца на градот Скопје, кој се наоѓа на улица „Илинденска“ број 55, на 10, 11 и 12 април, со почеток во 18 часот, ќе се одржи аудиција за нови членови на хорот „Златно славејче“. Децата талентирани за пеење, на возраст од 7 до 12 години, ќе треба пред диригентката на хорот, Катерина Баталаковска, да испеат една детска песна или само рефрен, по сопствен избор. „Децата можат да се обидат, пеејќи ги своите омилени песни, да станат дел од хорот „Златно славејче“, кој е неизоставен дел од истоимениот, најстар и најреномиран фестивал за детска песна кај нас, кој годинава ќе прослави 49 години постоење. Инаку конкурсот за нови песни веќе заврши и имаше голем интерес кај авторите, а сега треба да ги одбереме најубавите песнички што ќе бидат изведени на годинашното издание“, вели Бобан Јосифовски, првиот човек на фестивалот. Инаку, славејчињата ќе настапат на „Априлијадата“ во Скопје, како и на многу други манифестации, каде што се омилени гости.

По смртта на Влатко Илиевски, кој ќе биде водител на „Златно славејче“?

Ивана Ефремовски — Fri, 02 Nov 2018 19:10:02 +0000

Популарниот актер на театар „Комедија“ Атанас Атанасовски најверојатно ќе биде новиот водител на најстариот македонски детски фестивал „Златно славејче“, пишува „Женски магазин“. Според пишувањата на порталот, се очекува само да се усогласи со некои термини во неговиот матичен театар. Атанасовски ќе го замени актерот и печај Влатко Илиевски кој летово ненадејно почина. По 48. пат, од 16 до 19 ноември ќе се одржува најстариот македонски детски фестивал „Златно славејче“ кој годинава ќе се одржи во Македонската филхармонија.