злоставување деца – Kurir.mk

Ужасна статистика во Германија: Зголемено сексуалното злоставување деца

Ивана Ефремовски — Mon, 30 May 2022 11:53:45 +0000

Во Германија минатата година е забележан значително поголем број случаи на сексуално злоставување деца, во споредба со 2020 година, соопшти денеска германската полиција. Има раст од 108 отсто, односно над 39.000 случаи, покажа специјалната анализа на германската полиција, што денеска е претставена пред новинарите во Берлин. Во случаите се вбројуваат дистрибуција, набавка, поседување и производство на содржина, каде сексуално се злоставувани деца и тинејџери. Меѓутоа, бројката ги покажува само официјално регистрираните случаи. Се претпоставува дека бројката е значително поголема. Според проценката на властите, секој втор ученик во секое одделение во училиштата, е жртва на некаков вид сексуално насилство. (МИА)

ГРОЗОМОРНО: Откриена децениска злоупотреба во домови за деца- тие се жалеле, но никој не им верувал

Катерина Бојаџиева — Tue, 27 Jul 2021 20:52:23 +0000

Британски социјални работници „изложиле ранливи деца“ на сексуални престапници кои се инфилтрирале во домови за деца и во згрижувачки семејства со „катастрофални, доживотни последици врз жртвите“, покажа извештајот за децениското злоставување деца. Работниците во лондонскиот кварт Ламбет „се однесуваа кон децата како да се безвредни“ и како што изгледа, покажаа „бесчувствителност кон ранливите деца, а беа платени да се грижат за нив“, посочуваат наодите на Независната истрага за сексуална злоупотреба на деца. Авторите на извештајот имале докази дека децата биле силувани, изложени на недолично однесување и сексуално злоставување, но навеле дека дисциплинска мерка, според жалбите на 705 корисници во три институции за социјална заштита, е изречена само на еден вработен во раководните служби. Тие посочуваат дека кога децата се жалеле, никој не верувал во нивните изјави. Џон О’Брајан, секретар на Независната истрага за сексуална злоупотреба на деца, рече дека извештајот е најлош од сите 15 што досега ги составиле. – Каде и да погледнате, ќе пронајдете пропуст или повеќе од нив. Тоа е единствениот извештај што морав редовно да прекинувам да го читам поради содржината, рече О’Брајан. Клер Холанд, членка на Советот на округот Ламбет, рече дека „советот бил одговорен за таа грижа и заштита, но не успеал, со далекусежни последици“. – Советот длабоко жали поради нивните искуства, рече Холанд.

Новоизбран бискуп поднесе оставка по обвинувањето дека злоставувал деца

Магдалена Андонова — Mon, 07 Sep 2020 18:15:15 +0000

Католички бискуп во САД поднесе оставка помалку од три месеци по неговото назначување, поради обвинувања дека злоставувал деца. Ватикан објави дека бискупот Микел Мулој (66) поднел оставка, без да соопшти за причината. Сепак, бискупијата на Рапид Сити, во Јужна Дакота, објави дека два месеци откако бил назначен, таа била известена за обвинувањата против Мулој за сексуално злоставување на малолетници во раните 1980-ти. Молој поднел оставка кога дознал за развојот на ситуацијата. (МИА)

Повеќе од 1.670 германски свештеници злоставувале деца

Ивона Петрова — Wed, 12 Sep 2018 12:31:48 +0000

Најмалку 1.670 католички свештеници биле вмешани во 3.677 случаи на сексуално злоставување во Германија помеѓу 1946 и 2014 година, објави Шпигел. Весникот наведува дека имале увид во извештај за сексуално злоставување во Католичката црква во Германија. Во него се наведува дека повеќе од половина од жртвите биле на возраст од 13 или помалку години, и дека повеќето од нив биле момчиња. Извештајот што го направија три универзитети за конференцијата на Германската бискупска копнференција, се додава дека секој шести случај бил силување и најмалку 1,670 свештеници биле вмешани. Германската бискупска конференција не се огласи, но објави дека подготвува одговор. МИА