злоставување – Kurir.mk

Хорор: Приведени три лица од струшко за злоставување малолетничка

Катерина Бојаџиева — Sat, 25 Mar 2023 15:24:18 +0000

Струшката полиција денеска привела три лица поради сомневање за полов напад врз малолетничка, помала од 14 години. СВР Охрид соопшти дека за делото се осомничени две повозрасни лица и еден малолетник. - ОВР Струга денеска ги лиши од слобода Т.Л.(57), од струшкото село Враништа, Н.К.(69) од селото Драслајца и 17-годишно лице од селото Мороишта, поради постоење основано сомнение за сторено кривично дело „полов напад врз малолетник кој не наполнил 14 години, изјави портпаролот Стефан Димоски. Според информациите, настанот во полиција го пријавил таткото на девојчето. Жртвата била злоставувана во неколку наврати, а еден од сторителите бил близок пријател на семејството. По целосно документирање и расветлување на настанот, Димоски додаде дека ОВР Струга ќе поднесе соодветна пријава.

Седумнаесет годишна охриѓанка физички нападната од маж кој пред неколку месеци се обидел да ја злоставува

Магдалена Андонова — Mon, 29 Aug 2022 15:26:48 +0000

На 28.08.2022 во 22,00 часот во Полициска станица Охрид, 17 годишна охриѓанка пријавила дека во aприл 2022 во близина на маркет во Охрид А.Ј. (кого го познавала од претходно) физички ја нападнал и ја бакнувал, а се обидел и да ја допира по телото, но тaа го спречила и се одалечила од местото на настанот, а потоа во јуни 2022 година во угостителски објект во Охрид А.Ј. физички ја нападнал. За настанот е известен јавен обвинител и се преземаат мерки за расчистување на случајот.

Арестович: Итна истрага поради наводно злоставување на заробеници

Тале Кристо — Mon, 28 Mar 2022 06:57:37 +0000

Советникот на украинскиот претседател, Алексиј Арестович вети итна истрага по појавувањето на видео на кое се гледа како украински војници пукаат во колената на мажи, кои очигледно се руски заробеници. – Владата ова го сфаќа многу сериозно и ќе се спроведе итна истрага. Ние сме европска армија и не ги исмеваме нашите затвореници. Ако ова се покаже како точно, тоа е апсолутно неприфатливо однесување, нагласи Арестович. Тој истакна дека Украина ги третира затворениците во согласност со Женевската конвенција. Си-Ен-Ен побара коментар од украинското Министерство за одбрана. – Со цел да ги дискредитира украинските одбранбени сили, непријателот снима и дистрибуира монтирани видеа кои го покажуваат нехуманиот третман на наводните „украински војници“ кон руските затвореници. Нагласувам дека војниците на вооружените сили на Украина и другите легитимни воени формации строго се придржуваат до нормите на меѓународното хуманитарно право, изјави началникот на украинските вооружени сили Валери Залужни.

Папата Бенедикт знаел за злоставувањето деца во надбискупијата во Минхен

Тале Кристо — Thu, 20 Jan 2022 12:19:25 +0000

Папата Бенедикт Шеснаесетти знаел за свештениците кои малтретирале деца додека тој бил надбискуп на Минхен, се наведува во извештајот на адвокатската канцеларија Westpfahl Spilker Wastl (WSW) . Според светските медиуми, папата Бенедикт Шеснаесетти бил надбискуп во периодот од 1977 до 1981 година, а овој извештај ги демантира неговите претходни тврдења дека не знаел ништо за скандалот. -Тој бил информиран за сите факти, изјави адвокатот Мартин Пуш во Минхен, пренесува Си-Ен-Ен.

Злоставуваните гимнастичарки ќе добијат отштета од 380 милиони долари

Катерина Бојаџиева — Tue, 14 Dec 2021 06:52:42 +0000

Над 500 гимнастичарки кои биле сексуално злоставувани од Лоренс Насар, поранешен лекар на американската репрезентација, би можеле да добијат отштета од 380 милиони долари од Американската гимнастичка федерација и Американскиот олимписки и параолимписки комитет, објави Њујорк Тајмс. Со тоа би се затворило последното поглавје на еден од најголемите скандали во историјата на американскиот спорт. Договорот за спогодба беше објавен во текот на судската постапка во Индијана. Средствата, исто така, ќе ги обештетат олимписките победнички Симон Билс, Мекејла Марони и Али Рајсман. Жртвите страдале од анксиозност, депресија и посттрауматско стресно растројство, додека некои од нив се обиделе да се самоубијат поради злоставувањето од Насар, извршено под изговор за лекување.

Брутално видео ја крена Хрватска на нозе: Тинејџери злоставуваат врсник со посебни потреби

Магдалена Андонова — Mon, 31 Aug 2020 10:01:30 +0000

Хрватска e запрепастена од видеото кое се прошири на социјалните мрежи вчера на кое се гледа ужасно насилство. Имено, сплитската полиција бара тинејџери кои физички злоупотребиле свој врсник со посебни потреби, за да му изнудат пари. Полицијата поседува видео, објавено од хрватските медиуми, на кое се гледа како двајца, млади момчиња тепаат и се закануваат на друго момче. Третото момче го гледа видеото, а четвртото снима сè. Неофицијално се знае дека двајцата сторители Б.К. и М.П. од кои едниот е кик боксер, кој што го клоца несреќното момче во главата, од чии удари паѓа на плочникот. Тие му се закануваат и го условуваат парите да им бидат донесени во рок од два дена. -Кога ќе ги донесеш парите?, Се слуша на почетокот на видеото по што следува првиот удар. Момчето се обидува да се одбрани со рацете, додека еден од напаѓачите му вели да ги „спушти рацете надолу“ и со коленото го удира во главата. -Спушти ги рацете надолу кога разговараш со мене. Застани овде, вели друг младо момче со долга коса и потоа го удира со тупаница во главата. На крајот, додека момчето лежи на плочникот, тие му велат дека има два дена за да им донесе 2.000 куни. -Дај ми барем малку повеќе време, моли несреќниот млад човек. Потоа следуваат уште неколку удари. ВИДЕОТО денес беше тргнато од сите социјални мрежи и платформи, поради вознемирувачката содржина.

Ужас кој го вознемири светот: 50 жени со своите деца држени во ропство

Ивана Ефремовски — Mon, 13 Jan 2020 17:18:55 +0000

Израелската полиција уапси рабин, осомничен дека држел десетици жени во ропство во ерусалимска населба, каде живеат претежно ултраортодоксни Евреи. Осум жени, осомничени дека соработувале со него, исто така се уапсени. -Полицијата истражува дали водачот на тој култ на ултраортодоксни Евреи ги злоставувал жените и нивните деца. Постои сомнение дека жените биле „сексуално експлоатирани“ и дека некои, наводно, морале да ги стават рацете во оган „за да видат како е во пеколот“, пренесоа израелските медиуми. Се верува дека имало околу 50 жени во култот, а околу дваесет веќе се сослушани од полицијата. Истрагата почна пред неколку година, а неодамна беше обновена откако некои жени побегнале и го пријавиле рабинот во полиција. Благодарејќи на нивните сведочења, полицијата дошла до нови докази дека постои комуна на ултраортодоксни Евреи, кој дејствува под закрила на женски семинар. Таму жените живееле со своите деца во пренатрупани станови, во лоши санитарни услови, а 60-годишниот „водач на семинарот“, според одредени назнаки, системски ги злоставувал. (МИА)

Ужас кој го згрози светот: Злоставувале над 350 деца во домови, хоророт трае 50 години

Ивана Ефремовски — Thu, 01 Aug 2019 07:21:32 +0000

Стотици деца биле злоупотребени во домови и згрижувачки семејства, според истрагата спроведена во округот Нотингемшир, јави Би-Би-Си. Властите во Нотингем и округот Нотингемшир објавија дека е откриено дека децата доживеале физичко малтретирање и силување и дека имало над 350 пријави од 1960 година. Независна комисија утврдила сексуализирано однесување на вработени во социјални служби и дека тоа било „толерирано или игнорирано“. Во тој извештај се вели дека тоа е најголем број на пријави за сексуална злоупотреба во една истрага и дека се очекува бројот на случаи на злоупотреба да биде поголем. Независна истрага откри дека злоупотребата траела неколку децении и дека голем број на деца биле подложени на насилство заради недостаток на одговор од властите. Откриено е дека немало „исцрпни истраги“ во врска со тврдењата дека дел од старателите го сториле делото и дека „локалните власти поверојатно ја преземале страната на вработените во домовите, неверувајќи во обвинувањата на децата“. Членови на комисијата ги критикуваа вработените во домот Бичвуд во градот Маперлеј поради „закани кон децата и насилство“, а сексуализираното однесување кон децата е „толерирано или игнорирано, а злоставувачи напредувале во службата“. Во документарец на Би-Би-Си дел од децата во домот изјавиле дека злоставувањето се случувало речиси секојдневно. Шеснаесет вработени во домови за деца се осудени за сексуална злоупотреба меѓу 1970 и 2019 година, како и десет згрижувачки родители кои сексуално злоупотребувале деца над кои имале старателство. (МИА)

Британската полиција приведе 55 лица поради злоставување девојчиња

Ивона Петрова — Tue, 15 Jan 2019 08:04:28 +0000

Британската полиција приведе 55 мажи во рамки на истрагата за сексуална злоупотреба на седум девојчиња во северниот дел на Англија, во периодот од 2002 до 2009 година. Истрагата е покрената откако седум жени од Западен Јоркшир, Дазбери и Бетли обвинија дека биле злоставувани додека биле девојчиња. Полицијата информира дека приведените мажи биле сослушани и ослободени, но нагласи дека истрагата за овој случај продолжува. – Сексуалното злоставување и експлоатација на децата е одвратно злосторство, што влијае врз некои од најранливите членови на нашето општество, изјави полициксиот инспектор Јан Торнс, кој раководи со истрагата.

Срцепарателна фотографија која мора да ја видат сите родители: Вака изгледа дете злоставувано од другарчињата

Ивана Ефремовски — Thu, 01 Nov 2018 13:24:16 +0000

Кари Голеџ од Тивертон во Велика Британија објави срцепарателна фотографија од својата 6-годишна ќерка која е жртва на злоставување од страна на врсници. Софи поради последицаа од злоставување завршила во болница, а фотографијата објавена на Фејсбук покажува девојче кое лежи на болнички кревет. Кари во статусот напишала дека нејзината ќерка престанала да јаде, често плачела и не можела да спие. Во текот на вечерта 20 пати повраќала поради стресот предизвикан од злоставувањето. - Ова е моето дете, кое од „најдобриот пријател“ толку долго било психички злоставувано што мислела дека тоа е нормално, напишала меѓу другото мајката. Вели дека други родители ја исмејуваат нејзината ќерка на социјалните мрежи, а тврди дека во училиштето, кога укажала на проблемот, и кажале дека таму се работи на тоа дека „шестоднишни деца се однесуваат како шрстгодишни деца“, и дека на треба да и биде срам. кари одлучила својата ќерка да ја отпише од тоа учлилиште и да ја запише во друго, затоа што не ја заштитиле тие на кои тоа им е должност. Пријателите на социјалните мрежи ги замолила да рашират приказната, за повеќе ниту едно дете не би доживеало тоа што преживеала нејзината Софи. Врсничкото насилство често се случува и го има многу, поради тоа треба да се запре, изјавила помуѓу останатото мајката на злоставуваното девојче.