злосторство – Kurir.mk

Обвинителот на МКС: Украина стана вистинско место на злосторство

Ивона Петрова — Thu, 14 Apr 2022 05:46:46 +0000

Украина стана вистинско „место на злосторство“, оцени вчера во Буча, во близина на Киев, главниот обвинител на Меѓународниот кривичен суд (ICC), Карим Кан. – Тука сме затоа што имаме добра причина да веруваме дека се извршени злосторства, за што е и надлежен Судот. Мораме да ја растераме воената магла, за да дојдеме до вистината, истакна Британецот. Изјавата ја даде во Буча, градот што стана симбол на злосторства во конфликтот, бидејќи стотици тела беа откриени таму кон крајот на март, според украинските власти. Русија негира дека извршила какви било злосторства. Тим на форензичари од Меѓународниот кривичен суд се подготвува за работа, појасни Кан, за „навистина да може да се одвои вистината од измислиците“.

Цивилите во Тиграј жртви на воени и злосторства против човештвото

Дарко Андоновски — Wed, 06 Apr 2022 07:27:46 +0000

Безбедносните сили и нивните сојузници во спорниот дел на зафатената од војна северна Етиопија извршија злосторства врз Тиграјците кои се воени злосторства и злосторства против човештвото, соопштија две групи за човекови права. Амнести интернешнел и Хјуман рајтс воч (ХРВ) соопштија дека цивилите од Тиграј биле цел на „немилосрдна кампања за етничко чистење“ во регион од западниот дел од избувнувањето на етиопската војна во ноември 2020 година. Во месеците што следеа, неколку стотици илјади Тиграјци од западен Тиграј беа протерани од безбедносните сили и цивилните власти на „координиран начин“ преку етнички мотивирани силувања, убиства, гладување и други форми на тешки прекршувања. „Овие широко распространети и систематски напади врз цивилното население Тигар се злосторства против човештвото и воени злосторства“, велат Амнести и ХРВ во заедничкиот извештај насловен „Ќе ве избришеме од оваа земја“. За 15 месеци, ХРВ и Амнести разговараа со 400 луѓе, вклучително и бегалци кои побегнаа во Судан и сведоци на насилство кои сè уште живеат во западен Тиграј и на други места во Етиопија. Тие го документираа сексуалното ропство и групното силување на тиграјски жени, вклучително и жртва чии напаѓачи рекоа дека ја „чистат“ нејзината крв. Тие собраа и сведоштва за смрт на играјци во преполни затвори и масовните егзекуции на десетици мажи покрај река. Новоименуваните цивилни власти во западен Тиграј и регионалните сили и нерегуларните милиции од соседниот регион Амара се обвинети за злосторствата. Амара и Тиграј се дом на две од најголемите етнички групи во Етиопија и двете го бараат историското право на плодното пространство на западен Тиграј што се протега од реката Текеза до Судан. Во март 2021 година, САД предупредија на „акти на етничко чистење“ што се случуваат во западниот дел на Тиграј. Амарските власти ги отфрлија наводите како „пропаганда“.

Тело на маж без глава пронајдено во позната туристичка област

Катерина Бојаџиева — Wed, 20 Oct 2021 16:59:01 +0000

Тело на маж без глава и со отстранета утроба е пронајдено во малиот француски град Болен. Полицијата интензивно трага по Алекс Мартин, осомничен за ова злосторство, пренесуваат светските медиуми. Полицијата ја предупреди јавноста дека осомничениот бил вооружен со нож и дека е опасен. Препорачано е сите што би го виделе да пријават во локалната полиција. Убиството се случило во областа Воклус, во познатата туристичка област Прованса, на Азурниот брег. Локалните медиуми објавија дека хеликоптер, кучиња и други ресурси биле распоредени во областа за да помогнат во потрагата по осомничениот.

ГЕРМАНИЈА: Баба од 96 години не се појавила на суд за воено злостороство

Магдалена Андонова — Thu, 30 Sep 2021 15:40:44 +0000

Деведесет и шестгодишната Ирмгард Фурнер, која денеска требаше да се појави во Суд, под обвинение за помагање во убиството на заробеници во нацистички концентрационен логор, беше уапсена во Хамбург, откако не се јави на рочиштето. Откако утрово со такси го напуштила домот за стари лица каде живее, полицијата ја уапси за време на патрола во северниот дел на градот. „Полицијата ја изведе обвинетата пред судија“, соопшти Судот во Ицехо, во близина на Хамбург. На Фурнер требаше да и се суди пред провинцискиот суд во Ицехо за учество во убиството на 11.000 заробеници во логорот Штутхоф во близина на Гдањск за време на Втората светска војна, каде Фурнер работела како стенограф и секретарка на администрацијата на кампот. Судијата го одложи почетокот на судењето за 19 октомври поради тоа што обвинетата не се појави пред судот. Во септември преку писмо таа побара од судијата да ја ослободи од обврската да присуствува на судењето од здравствени причини, што беше одбиено. Меѓународниот комитет за Аушвиц денеска изрази огорченост поради тоа што обвинетата не се појавила на суд. „Ова покажува неверојатен презир не само за владеењето на правото, туку и за преживеаните од Холокаустот“, се вели во соопштението на комитетот. Поради големиот интерес на медиумите, судењето треба да се одржи во индустриска сала во предградие на Хамбург. (МИА)

МАЈКА-МОНСТРУМ: Поради тоа што им го правела на ќерките многумина сакаат да ја убијат, а таа доби најблага казна (ВИДЕО)

Ивана Ефремовски — Wed, 09 May 2018 16:31:41 +0000

Морган Самерлин тешко може да се нарече мајка, иако родила две девојчиња, кои, за жал, ги подведувала на педофили за пари. 25-годишната Американка од Џорџија признала дека ќерките на возраст од 5 и 6 години ги носела во станови кај постари мажи. Таа открила и дека децата ги одвела во станот на 78-годишниот Ричард Поуп Офис, кој го силувал 5-годишното девојче, додека другото дете му ги масирало стапалата, соопштило обвинителството на округот Фултон. Додека во спалната соба се изживувал над девојчињата, Морган чекала во дневната соба. По силувањата, како што се додава, тој на мајката и давал 100 долари. Тој минатата седмица бил осуден за силување и злоставување на деца на доживотна робија без право на условна. Морган децата ги продавала и на педофилот Афлред Трех, кој исто така ги силувал и сексуално ги злоставувал. Тој за истото злосторство е осуден на 25 години затвор. "Тешко е да се замисли нешто полошо од ова. Се надевам дека девојчињата некако ќе го надминат злоставувањето и ќе израснат во здрави лица кои ќе водат продуктивен и исполнет живот", изјавила Ирина Касин, помошник на државниот обвинител. Морган Самерлин е обвинета за трговија со луѓе поради секс, суровост кон деца и подведување на деца, а нејзината пресуда е закажана за 4. јуни. Оваа мајка монструм, која покрај двете ќерки има и син, на Фејсбук делувала како и секоја друга мајка. Објавувала фотографии од децата и никој од пријателите и семејството не знаел што се случува зад затворени врати. Тереза Дејвидсон, бабата на овие несреќни девојчиња, е обвинета за сурово однесување кон деца, бидејќи не им поверувала кога се пожалиле на злоставувањето. Осудена е на пет години затвор.

Монструозното злосторство во соседството: Со голи раце ја задавил болната сопруга, па пријавил дека умрела од природна смрт

Ивана Ефремовски — Fri, 16 Mar 2018 10:27:52 +0000

Р.М. (59) од селото Папратиште кај Пожега е уапсен откако ја задавил својата сопруга Љ.М. (59), а убиството кое првично се обидел да го прикрие, подоцна го признал во полиција. Монструозното злосторство се случило завчера во куќата на оваа брачна двојка кога сопругот со голи раце ја задушил својата жена која долги години боледува од Алцхајмерова болест. Р.М. потоа пријавил дека сопругата му починала од природна смрт. Меѓутоа на нејзиното тело се забележани рани, па е извршена обдукција која покажала дека Љ.М. починала од последици на задушување. Недолго потоа во Папратиште стигна полицијата и го уапси сопругот – убиец. Како што наведуваат од МВР, на осомничениот Р.М. по налог на Вишиот јавен обвинител во Ужице му е одреден притвор до 48 часа и со кривична пријава ќе биде приведен кај обвинител. -Постојат основи на сомнение дека тој во семејната куќа во Пожега својата сопруга, по вербална расправија, стегајќи и го вратот со раце, ја усмртил, се наведува во соопштението од МВР.