Змиски Остров – Kurir.mk

Овој остров е најсмртоносен на земјата – таму живеат златните змии чиј отров убива за еден час

Дарко Андоновски — Fri, 22 Jul 2022 10:48:53 +0000

Островот Илха да Кеjмада Гранде, близу брегот на Бразил, е нарекувано „најсмртоносното место на планетава“ – поради илјадниците змии коишто го населуваат. Со сончевото влијание и морето, рајскиот остров би можел да биде главна туристичка дестинација во областа… Но, таму е толку опасно што на необучени луѓе им е забрането и да стапнат на островот – за тој чекор да не им биде последен. Додека многу змии се плашат од луѓето и претпочитаат да се скријат или „да глумат“ мртви, отколку да напаѓаат, ова соевидно големо „змиско гнездо“ не е место за тестирање на сѐ тоа. На него, меѓу другите, живее и тн. златна змија – една од најопасните на планетава чиј отров убива за еден час. Името на островот во превод значи „Остров на големиот шумски пожар“ – што укажува на обидот во минатото да се отстрани прашумата за да се создаде плантажа за банани тука, но веројатно е попознат како „Змиски Остров“… Има површина од 43 хектари и на него живеат меѓу 2.000 и 4.000 змии. Тие биле заробени на островот кога покачувањето на нивото на морето го покрило копното и го изолира ова парче земја од остатокот од главното копно. Без луѓе или грабливци – ловци на земјата, таа се храни со птици коишто слетуваат на островот.

Зеленски: Знамето на Змиски Остров е знак дека Украина не е скршена

Ивона Петрова — Fri, 08 Jul 2022 06:11:23 +0000

Претседателот на Украина, Володимир Зеленски во своето синоќешно видеообраќање изјави дека подигнувањето на украинското знаме на Змиски Остров е знак дека неговата земја не е скршена. Секој руски капетан, на брод или авион, нека го види украинското знаме на Змиски Остров и нека знае дека нашата земја нема да биде скршена, истакна Зеленски. Тој додаде дека двомесечната операција за ослободување на Змиски Остров е предупредување до руските сили во Украина. Од почетокот на руската инвазија врз Украина, Змискиот Остров повеќе пати е заземен од руската и од украинската армија. Украинската армија вчера објави фотографија како војници поставуваат знаме на Змискиот Остров во Црно Море. По објавувањето на фотографијата со украинското знаме, руското Министерство за одбрана соопшти дека го ракетирале Змиски Остров и ги елиминирале украинските војници. Тврдењата на Москва за напад врз Змискиот Остров не се независно потврдени, но локалните власти во Одеса претходно објавија дека руските сили го ракетирале Змиски Остров. Змискиот Остров е стратешки важен и за Украина и за Русија. Во Црното Море има само неколку острови, а Змискиот Остров е лоциран на околу 200 километри јужно од Одеса, и од него може да се контролира целиот поморски сообраќај во близина на најголемиот пристаништен град во Украина. Со долгорочна окупација на островот, Русија ќе може да го блокира речиси целиот извоз на стоки преку пристаништето Одеса.

Повторно битка за Змискиот Остров

Катерина Бојаџиева — Thu, 07 Jul 2022 11:00:40 +0000

Украинската армија објави слика како војници поставуваат знаме на Змискиот Остров во Црно Море. Од почетокот на руската инвазија врз Украина, Змискиот Остров повеќе пати е заземан од руската и од украинската армија. По објавувањето на фотографијата со украинското знаме, руското Министерство за одбрана соопшти дека го ракетирале Змиски Остров. – Околу пет часот наутро неколку украински војници слетаа на островот и се фотографираа со знамето. Авион на руското воено воздухопловство веднаш лансираше високопрецизни проектили кон Островот, кои го уништија украинскиот воен персонал. Преживеаните избегаа во правец на островот Приморскоје во регионот Одеса, се наведува во соопштението на руското МНР. Тврдењата на Москва за напад врз Змискиот Остров не се независно проверени, но локалните власти во Одеса претходно објавија дека руските сили го ракетирале Змиски Остров. Змискиот Остров е стратешки важен и за Украина и за Русија. Во Црното Море има само неколку острови, а Змискиот Остров е лоциран на околу 200 километри јужно од Одеса, и од него може да се контролира целиот поморски сообраќај во близина на најголемиот пристаништен град во Украина. Со долгорочна окупација на островот, Русија ќе може да го блокира речиси целиот извоз на стоки преку пристаништето Одеса.

Буданов: Украина ќе се бори за Змискиот Остров

Катерина Бојаџиева — Fri, 13 May 2022 09:59:06 +0000

Началникот на разузнавачката служба на украинската армија Кирило Буданов изјави дека Украина ќе се бори „колку што ќе биде потребно“ за Змискиот Остров во Црно Море. Тој што го контролира Островот може во кој било момент да го блокира движењето на цивилните бродови во сите правци кон југот на Украина, посочи Буданов. Според официјални лица, изминатите денови обновените борби за Змискиот Остров би можеле да се претворат во битка за контрола над западниот брег на Црно Море.