значење – Kurir.mk

Женски имиња кои привлекуваат среќа и богатство

Ивона Петрова — Fri, 18 Nov 2022 08:40:33 +0000

Имињата се поделени во различни категории, а ова е група женски имиња за кои се верува дека привлекуваат моќ и богатство. Многумина веруваат дека изборот на име може да влијае на судбината на личноста што го носи. Се создаваат различни групи на имиња, а едно од нив вклучува женски имиња за кои се верува дека привлекуваат моќ. Едната група вклучува три имиња кои можат да привлечат моќни мажи, а тоа се: Анастасија, Злата и Софија. Анастасија се речиси секогаш оние жени кои не се стремат кон богатство, но сепак се мажат за успешни и богати луѓе. Судбината ги фаворизира и тие секогаш живеат добро. Името Злата привлекува пари како магнет. Жената што го носи ова име е секогаш успешна кога се во прашање финансиите. Софија ја краси животна мудрост. Судбината ја фаворизира жената што го носи ова име. Софија мудро ќе избере личност која е стабилна, па секогаш ќе има убав проток на пари во куќата, додека самата ќе работи на одржување и проширување на тоа богатство. Втората група вклучува жени чии имиња сами по себе привлекуваат богатство и просперитет. Тоа се: Ана, Викторија и Марина. Жените со името Ана имаат поголема сила од другите, вредни се и упорни. Во принцип, Викторија е секогаш победник во сè. Способноста да ја анализира ситуацијата и дарот на убедување и помагаат да ги постигне своите цели. Марина се смета за природен лидер. Не се плаши од голем тим - одлично се справува со нив. Стилот на управување на Марина е вистинскиот.

Научниците го објаснуваат значењето на НАЈЧЕСТИТЕ кошмари: Погледнете што всушност ви кажуваат

Ристе Здравков — Mon, 07 Nov 2022 13:30:46 +0000

Секој барем еднаш се запрепастил од лош сон. Кошмарите не треба да не оптоваруваат, бидејќи тоа само го потенцира нивното појавување, а додека мажите почесто сонуваат насилни соништа, жените ги измачува губењето на саканите во сон. Бегање од чудовишта, чувство на парализираност, доцнење на важен состанок, смрт на саканата личност како и губење на косата и забите се најчестите кошмари кои ги вознемируваат мажите и жените. Причината за кошмарите не мора секогаш да биде страв, односно почесто се други емоции: меѓу другото, вина, тага, гадење или збунетост. Со цел барем делумно да разјасни што се крие зад овие несвесни симболи, аналитичарката на соништа Лори Квин Ловенберг анализирала токму на што луѓето најчесто се жалат. Губење на забите Овој сон е поврзан со проблеми во комуникацијата во реалниот живот. Постојат различни верзии на соништа со заби, но најчеста е онаа со нивно паѓање. Сè што има врска со устата во соништата е поврзано со разговор, а паѓањето на забите е показател дека неодамна сте кажале нешто што не требало или не сте смееле да го кажете. Погреб на некој близок Смртта е за мозокот на сонувачот, симбол на промени и завршетоци. Ако сонувате за смрт, запрашајте се што се менува или завршува во вашиот живот. Оној што умира во сон обично претставува дел од вашата личност, некоја заедничка особина што ја имате. Погребот е добар знак – за пуштање и помирување за да можете да продолжите понатаму. Инцестуозни соништа Соништата со љубовна тема во кои актерите се претвораат во некој од вашето семејство често не преплашуваат како кошмари, но сексот во соништата го нема истото значење како во реалноста. Во сон, тоа означува спојување, поврзаност и повеќе се однесува на психолошкото зближување што ви треба или ви недостасува. Исто така, тие можат да укажат на желбата да поседуваме некоја карактеристика на оној што се појавува во таквиот сон, бидејќи ние самите ја немаме. Сонови за губење Местата и патеките по кои се губиме во нашите соништа симболизираат каде сме во нашите срца или мозоци. Таквиот сон е симбол на неодлучност во реалниот живот, неможност да се донесе одлука или да се придржуваме до неа. Соништа за паѓање Ваквите соништа отсекогаш биле едни од најчестите кај сите луѓе и укажуваат на тоа дека има нешто во будниот живот што „ве влече надолу“. Овој сон е вообичаен кај оние кои страдаат од депресија, а може да биде и предупредувачки знак за психолошки тежок период за кој треба да се подготвите за да спречите пад.

ТРАДИЦИОНАЛНО МАКЕДОНСКО ИМЕ КОЕ НЕ ИЗЛЕГУВА ОД МОДА: Преубаво е, а кога ќе дознаете за неговото значење ќе ви се скрши срцето!

Магдалена Андонова — Sun, 03 Apr 2022 20:00:02 +0000

Последниве години, се чини, родителите се почесто се одлучуваат на своите деца да им дадат стари македонски имиња, наместо модерни и необични, кои извесно време беа во мода. Честопати се даваат традиционални имиња за да се зачува споменот на предците, а со текот на времето значењата поврзани со одредени имиња се заборавени. Пример за такво старо, а и денес популарно име е името - Ненад. Се смета дека името произлегува од негацијата на глаголот „надевам“ или „очекувам“. Името најчесто го добивале децата кои на свет дошле „одеднаш“, „ненадејно“ т.е. на што родителите не се надевале. Најчестиот случај бил кога мајките останале бремени во подоцнежните години. Некои етнолози тврдат и дека ова машко име потекнува од негацијата на глаголот „сакам“ и дека практично значи - несакано дете, иако многумина не се согласуваат со ова мислење. Она што е дополнително интересно е што ова име нема друга форма, а е едно од ретките машки имиња во Македонија што нема изведена женска форма на името.

ФОТО: Украинската војска ја ТРОЛА руската поради овој знак на нивните тенкови

Ристе Здравков — Sat, 05 Mar 2022 11:08:32 +0000

На видеата и фотографиите на руските тенкови, оклопни возила и камиони кои се дела од инавзијата на Украина може да се забележи на многу од нив знакот „Z“. Некои од тие симболи се обично напишани, други се во квадрати, трети во триаголници. Има и други симболи: триаголник со две линии од двете страни, круг со три точки внатре и мал триаголник во поголем триаголник. Западните воени експертите веруваат дека симболите би можеле да се идентификуваат каде се движи одредена серија возила. Професорот Мајкл Кларк, поранешен директор на одбранбениот тинк-тенк „Руси“, изјави за Скај њуз: „Често овие симболи ќе се засноваат на локација – тие ќе комуницираат каде оди единицата. Ако само ги означат возилата како руски, може да користите само еден симбол. Фактот дека тие се различни ви кажува повеќе – тие веројатно се знаци кои ви кажуваат кои единици се упатуваат кон северо-источниот или северозападниот дел на областа, на пример“. Тој рече дека овие ознаки обично се применуваат само непосредно пред нападот, така што непријателските сили не можат да ги копираат. Исто така, еден симбол може да означува одредена цел за тоа возило, како и спречување на пријателски оган. Симболи како овие се користени во други конфликти како што се шеврони за американските трупи во Ирак. Според извештајот на лондонски „Телеграф“, овој тип на ознака се користи за војниците на Росгвардија. Росвардиски трупи значи од руската национална гарда. Ова е различно од војниците на армијата. Трупите на Росвардија директно информираат за сите свои активности директно до претседателот Владимир Путин Вообичаено, ознаката „Z“ се гледа на такви возила во руската област Белгород. Но на социјалните мрежи, на страна на која се објавуваат фотографии и видеа од страна на украинската армија се појави фотографија на која се ТРОЛА руската војска поради овој знак. „Нели мислите дека ова е коинциденција“, пишува во описот на фотографијата.

Сигурно сте имале еден од овие кошмари, дознајте го нивното значење

Ивана Ефремовски — Mon, 02 Nov 2020 10:33:04 +0000

Кошмарите, како и соништата, се начин – како мозокот ги процесира и обработува информациите и настаните коишто се случиле во текот на денот. 1. Паѓање на тест Овие соништа често се случуваат и кај луѓе кои, на пр., одредено време биле отсутни од училиште… Во сонот, не може да го положите испитот, не можете да ја најдете просторијата за тестирање или едноставно, се чувствувате неподготвени за тестот. Овие соништа значат дека очекувате да бидете тестирани во блиска иднина во вашиот живот и се чувствувате како да не сте подготвени за тоа. Сонот можеби и ќе ве натера да бидете поподготвени за она што следи. 2. Гол /-а пред луѓе!? Стоите на јавно место полно луѓе, кога одеднаш сфаќате дека сте целосно гол /-а. Кошмарот е често придружуван од поголема „публика“ целосно облечени луѓе, кои понекогаш и се смеат. Ова обично означува страв од откривање пред другите, т.е. нешто криете… 3 Паѓање или давење Соништата каде што човек паѓа во воздух, се дави во вода или тоне во жив песок, го претставуваат чувството на несигурност или недостаток на поддршка во вашиот живот. Тоа особено се однесува на луѓето кои во одреден миг се соочуваат со нешто навистина големо во животот. 4. Некој Ве брка?! Ова е уште еден многу чест сон. Човекот сонува дека бега од чудовиште или убиец. Овој сон значи дека некој прави да се чувствувате многу непријатно, па дури и загрозено. Веројатно, може да дознаете која е таа личност во вашиот живот споредувајќи одредени својства и одлики на чудовиштето со луѓето кои се околу Вас. 5. Да се биде изгубен, заробен или погребан Овие соништа обично укажуваат на фрустрации што можеби ги чувствувате во вашето јаве. Тие би можеле да се изедначат со ќорсокак во некоја работа, со некој што ве кочи во напредувањето во кариерата или пак, врска во којашто можеби се чувствувате заробени. Можеби се соочувате со ситуација во која немате избор, или пак, со тешкотии да донесете некоја одлука. (МИА)

Ако насон ви дојде Света Петка, еве што значи: Се јавува само од две причини!

Магдалена Андонова — Sat, 24 Oct 2020 16:24:34 +0000

За многумина Света Петка е заштитничка, а се верува дека посебно ги штити и им помага на жените, децата и старите луѓе. Верниците и’ се обраќаат со молитва, особено жените, за да им помогне во животни неволји. Покрај храмовите посветени на Света Петка, честопати се наоѓаат извори за кои се верува дека водата која извира од нив е лековита и дека поттикнува исцелување. Според народните верувања, Света Петка на верниците честопати им се јавува насон поради две причини: За да им пружи утеха и да им донесе добри вести, или пак, се јавува во вид на предупредување кога правиме некоја грешка. Според старите обичаи, на оваа светителка на денот на празникот и се оддава почит со молитва, се пали темјан и се одбегнуваат тешки домашни работи. Денот Света Петка не е само христијански празник, туку и крсна слава на многубројни православни верници кои сметаат дека оваа светителка е заштитничка на нивниот дом. Молитва +++ О, велика Божја угодничке! Храбра девојко, цврста маченичке, света Параскево! Со твоите свети молитви биди ни помошничка нам грешните, застапувај се и моли се за покајаните грешници. Света и преблажена маченичко Христова Параскево, убавино на девственичките, пофалбо на мачениците, пример за чистота, огледало на велокодушните, восхит на премудрите, чуварко на верата христијанска, изобличителке на лагата идолска, поборничке на Божественото Евангелие, ревнителке за Господовите заповеди, која се удостои да влезеш во пристаништето на вечниот спокој и во одајата на твојот жених Христос Бог да се радуваш, со двоен венец на девство и мачеништво украсена! Те молиме, света маченичке, биди за нас молителка кон Христа Бога, од Чиј што преблажен поглед секогаш се радуваме. Моли Го Семилостивиот, Кој со еден збор на слепородениот му ги отвори очите, да нѐ избави од болеста на нашите очи, на телесните и духовните; растргај го со своите молитви духовниот мрак, создаден од нашите гревови, измоли од Отецот на Светлината благодатна светлина за нашите духовни и телесни очи; просвети нѐ нас, помрачените од гревови, со светлината на Божјата благодат, та преку твоите слепи молитви да им се даде на оние кои не гледаат слатко гледање. О, Велика Божја угодничке! Храбра девојко, цврста маченичке, света Параскево! Со твоите свети молитви биди ни помошничка нам грешните, застапувај се и моли се за покајаните грешници, побрзај да ни помогнеш, бидејќи сме немоќни. Моли Го Господа, чиста девојко, моли Го Милосрдниот, света маченичке, моли Го твојот Жених, непорочна невесто Христова, та потпомогнати од твоите молитви, да го растргнеме гревовниот мрак, во светлината на вистинската вера и дела Божествени да влеземе во светлината на вечниот невечерен ден, во градот на постојана радост, во кој ти светло блескаш со слава и бескрајна веселба, славословејќи и воспевајќи го со сите небесни сили Трисветлото Единствено Божество, Отецот и Синот и Светиот Дух, сега и секогаш и во вечни векови. Амин.

Ова име е најпопуларно во светот: Го има и во Македонија, а еве какво е неговото значење

Ивана Ефремовски — Sun, 09 Jun 2019 14:01:07 +0000

Најпопуларното име за девојче во светот е Софија. Токму ова име е најчесто во осум од 49 земји во светот. Мексико, Русија, Италија, Швајцарија, Естонија, Чиле и Словачка се земјите каде родителите своите девојчиња ги крстиле Софија. Често име е и во Македонија. Дури во 20 земји ова име се наоѓа меѓу трите популарни имиња. Софија на грчки значи мудрост, а тајната на популарноста на тоа име е што на различни јазици се изговара исто. Софија исто така значи морална вредност и истрајност. Некои неговата популарност ја поврзуваат со познатите дами, како што се Софија Вергара и Софија Лорен.

Еве што значи денот на раѓање: Во понеделник се раѓаат среќници, во четврток-успешни

Ристе Здравков — Sat, 17 Nov 2018 08:47:35 +0000

Еве што денот на раѓање, според народни верувања, зборува за вашиот живот. Понеделник Понеделник е прв ден во неделата и се смета за најсреќен. Се вели дека детето кое ќе се роди во понеделник ќе има долг и успешен живот. Со овој ден почнува нова недела, а според верувањата овој де е идеален за почнување на било каква работа. Господ го почнал создавањето на светот во понеделник, па токму затоа е добро човек да започне важни работи токму на тој ден. Вторник Вториот ден во неделата се смеат за најнесреќен ден па затоа луѓето родени во тој ден нема да имаат лесен живот. Во вторник , според верувањата и волците го чуваат крзното повеќе од другите денови. На овој ден не чини да се започнува било каква работа, бидејќи е баксузен, па и работата ќе оди на лошо и нема добро да се заврши. Среда На овој ден може да се започнат работите и да се тргне на пат. Се верува дека бебињата родени на овој ден ќе бидат напредни и здрави. Дете кое ќе прооди во среда ќе биде среќно и богато. Четврток За четврток се вели дека е среќен ден. Дете кое ќе се роди на овој ден ќе биде среќно и успешно во животот. На овој ден во минатото се започнувале работите во полињата, а било добро и да се оди да се побара рака на саканата. Се верува дека работите во полето и браковите треба да бидат склопени во четврток за кој се верува дека е ден на плодност и изобилство. Петок Петок, според народните верувања, е еден од несреќните денови. Се верува дека во петок најлесно може да станете цел на “демонски сили“ и затоа на овој ден не треба да се започнува со никаква работа бидејќи ќе еве следи малер. На овој ден не треба да се оди на пат, а детето родено на овој ден според верувањата нема да има многу среќа во животот. Сабота Сабота е ден најчесто посветен на мртвите. На овој ден човек треба да биде внимателен да не му се случи некакво зло. Дете родено во сабота ќе биде необично но токму затоа е биде имуно на “лоши суштества“. Се вели дека родените на овој ден имаат изразена интуиција, видовити се и може да видат она што другите не можат. Во многу верувања се спомнува дека токму децата родени во сабота имаат способност да откријат закопано благо и станата богати и успешни луѓе. Недела Недела е ден за одмор. Господ, според христијанските верувања шест дена го создавал светот и тогаш седмиот – недела, седнал да се одмори ужива во плодовите на неговата работа. Поради тоа во народот постојат многу верувања врзани за овој ден, а кои се однесуваат на одмор и поминување на времето со семејството. Човек роден во недела ќе биде исклучително среќен, се верува дека ќе живее во изобилство и нема многу физички да работи.