знак – Kurir.mk

Само еден знак е меѓу 12: Дознајте кој е најдобриот заводник во хороскопот

Ивана Ефремовски — Tue, 04 Jul 2023 18:25:33 +0000

Станува збор за Лавовите. Тие се храбри, амбициозни, позитивни и независни личности кои имаат силна волја и голема самодоверба. Среќни се кога се во центарот на вниманието, но уште посреќни се кога имаат контрола врз ситуацијата во која се наоѓаат. Тие се родени лидери, независно дали станува збор за мир или побуна против непроменетиот статус кво. Иако понекогаш можат да делуваат арогантно и по малку нарцисоидно, сепак тие се најефикасни кога се во командната позиција. Со нивниот личен магнетизам и вродена харизма, Лавовите го извлекуваат најдоброто од оние кои се наоѓаат во нивно присуство. Шармантни и заводливи, тие успеваат да го привлечат скоро сечие внимание. Понекогаш можат да делуваат нељубезни и нелојални, но всушност тоа се едни од квалитетите кои Лавовите најмногу ги ценат и кај себе и кај другите. Кога се сигурни дека ќе ја исполнат целта, тогаш ја вложуваат сета своја енергија. Нивниот идеализам и практичната интелигенција ги прават способни да навлезат директно во сржта на проблемот и да го пронајдат најдоброто соодветно решение.

ФОТО: Повторно поставен знакот „Ја сакам Кисела Вода“

Ивона Петрова — Mon, 16 Jan 2023 11:58:49 +0000

Група жители на Кисела Вода, денеска повторно го поставија знакот „Ја сакам Кисела Вода“ кој беше отстранет кон крајот на октомври минатата година по налог на Град Скопје. Знакот е поставен на истата локација, на крстосницата меѓу булеварот „Борис Трајковски“ и улицата „Народни херои“. Претходно, граѓаните жестоко реагираа на отстранувањето на знакот кој беше поставен по примерот на голем број европски градови. Беа револтирани од неговото отстранување и потенцираа дека знакот ќе го вратат.

ГО НЕМА ВЕЌЕ ЗНАКОТ „ЈА САКАМ КИСЕЛА ВОДА“ – Данела Арсовска наредила да се отстрани, револтирани жители гневни на неа (ВИДЕО)

Дарко Андоновски — Tue, 25 Oct 2022 12:37:47 +0000

Граѓани се спротивставуваат на денешното вадење на знакот „Ја сакам Кисела Вода“. Оваа наредба доаѓа директно од градоначалничката на градот Скопје, Данела Арсовска која дала налог овој знак да се отстрани. Тој беше симбол на општината во последните неколку месеци и вистинска атракција за многумина кои се фотографираа, но денеска истиот знак беше исечен и отстранет со брусалици. Во меѓувреме на видеото кое ни го испрати разочаран граѓанин се слуша како овој жител на Кисела Вода води жестока расправија со работниците, додека и тие го поддржуваат дека не требало да се трга од тука ова обележје.

Граѓани се спротивставуваат на вадењето на знакот „Ја сакам Кисела Вода“ по наредба на Данела Арсовска pic.twitter.com/QH73e5PMCZ
— Курир (@KurirMK) October 25, 2022

Најпопуларниот симбол во кинеската култура: Сите сме го виделе, а ЕВЕ какво значење има

Ивана Ефремовски — Sun, 25 Sep 2022 19:55:30 +0000

Античкиот симбол Јин и Јанг е веројатно најистакнатиот и најпопуларниот симбол во кинеската култура. Овој познат симбол е претставник на филозофскиот концепт, кој нè учи дека во сите објекти во вселената постојат две главни, контрадикторни, но комплементарни сили кои го водат светот. Бидејќи и најмалите детали околу нас се во постојано движење, секој од овие два елементи (или принципи), исто така, го содржи елементот на другиот. Ова ни дава слика на два екстремно силни симболи кои се неразделни, и уште поважно – еден не може да постои без другиот. Концептот на Јин и Јанг претставува основа на многу кинески филозофски училишта, а особено е поврзан со таоизмот. Централниот термин на таоизмот е „тао“, кој најчесто се преведува како „патот“. Се верува дека „тао“ е непроменлив и дека небото и земјата потекнуваат од него како два пола. Во него го препознаваме машкиот принцип, односно Јанг, како бела, активна, светла страна поврзана со елементот на воздухот и оганот, и Јин, како женскиот принцип, темна, пасивна страна која е поврзана со елементот на водата и земјата. Симболиката, се разбира, не завршува само со поимот на активност и пасивност. Така во Јангот ја препознаваме светлината, односно сонцето, денот, небото, југот, огнот, летото, топлината, креативноста, планината. Спротивните поими, односно месечината, ноќта, земјата, падот, северот, смиреноста, долината, зимата - ги наоѓаме на другата страна или во Јинот. Во кинеската култура, симболот на Јин и Јанг може да се најде во разни форми, иако најчесто е претставен во форма на круг. Истиот круг, покриен со лотосов цвет, е исто така еден од најпопуларните симболи, со акцент на совршенството и чистотата. Лотосовиот цвет е директно поврзан со Буда, но исто така се поврзува со летање, интелигенција и мудрост. Сите сили во природата можат да се гледаат низ призмата на Јин и Јанг, бидејќи сè е во постојано движење. Овие два симболи (темна и светла страна) се неразделни - како и кај луѓето. Оние кои не знаат што е добро, нема да знаат ниту што е лошо. Затоа, во знакот на Јин и Јанг постојат две точки. Во сите нешта постои нешто добро и нешто лошо.

Дали сте родени во денови помеѓу две астролошки кралства? Еве што кажува хороскопот за вас!

Ивана Ефремовски — Fri, 05 Aug 2022 20:46:33 +0000

Ако припаѓате на родените при преминот од еден хороскопски знак во друг, веројатно честопати се прашувате на кој знак всушност му припаѓате Тие пет дена претставуваат еден вид граница. Луѓето родени на премин на знаци многу често имаат впечаток дека знакот на Зодијакот на кој припаѓаат воопшто не ги опишува. Прочитајте што сте во хороскоп ако сте родени помеѓу две астролошки кралства. Риби - Овен (19 март - 25 март) Ако роденденот е на страната на Рибите, веројатно ќе забележите дека сте похрабри од другите припадници на овој знак. Меѓутоа, ако роденденот е на страната на Овенот, ќе бидете почувствителни и помалку сигурни во себе отколку другите Овни. Овен - Бик (18 април - 22 април) Луѓето родени во овој период сакаат да имаат контрола. Тие не можат да замислат ако работите им излегуваат од контрола во нивните животи. Тие внимателно се соочуваат со проблеми и ги решаваат постепено. Кога би можеле да ги слушаат другите, тие би биле извонредни лидери. Бик - Близнаци (18 мај – 22 мај) Интелигентните способности на овие два карактери се навистина над секој просек. Луѓето родени во овој период можат да бидат одлични научници, но исто така треба да ја слушаат нивната интуиција.

ФОТО: Украинската војска ја ТРОЛА руската поради овој знак на нивните тенкови

Ристе Здравков — Sat, 05 Mar 2022 11:08:32 +0000

На видеата и фотографиите на руските тенкови, оклопни возила и камиони кои се дела од инавзијата на Украина може да се забележи на многу од нив знакот „Z“. Некои од тие симболи се обично напишани, други се во квадрати, трети во триаголници. Има и други симболи: триаголник со две линии од двете страни, круг со три точки внатре и мал триаголник во поголем триаголник. Западните воени експертите веруваат дека симболите би можеле да се идентификуваат каде се движи одредена серија возила. Професорот Мајкл Кларк, поранешен директор на одбранбениот тинк-тенк „Руси“, изјави за Скај њуз: „Често овие симболи ќе се засноваат на локација – тие ќе комуницираат каде оди единицата. Ако само ги означат возилата како руски, може да користите само еден симбол. Фактот дека тие се различни ви кажува повеќе – тие веројатно се знаци кои ви кажуваат кои единици се упатуваат кон северо-источниот или северозападниот дел на областа, на пример“. Тој рече дека овие ознаки обично се применуваат само непосредно пред нападот, така што непријателските сили не можат да ги копираат. Исто така, еден симбол може да означува одредена цел за тоа возило, како и спречување на пријателски оган. Симболи како овие се користени во други конфликти како што се шеврони за американските трупи во Ирак. Според извештајот на лондонски „Телеграф“, овој тип на ознака се користи за војниците на Росгвардија. Росвардиски трупи значи од руската национална гарда. Ова е различно од војниците на армијата. Трупите на Росвардија директно информираат за сите свои активности директно до претседателот Владимир Путин Вообичаено, ознаката „Z“ се гледа на такви возила во руската област Белгород. Но на социјалните мрежи, на страна на која се објавуваат фотографии и видеа од страна на украинската армија се појави фотографија на која се ТРОЛА руската војска поради овој знак. „Нели мислите дека ова е коинциденција“, пишува во описот на фотографијата.

Погледнете веднаш во стапалата: Овој знак на глуждот укажува на висок притисок

Магдалена Андонова — Sat, 20 Mar 2021 15:04:12 +0000

Високиот крвен притисок не дава никакви симптоми подолго време. Оваа опасна состојба се јавува кога силата со која крвта ги притиска крвните садови е константно премногу силна. Ваквиот зголемен континуиран притисок врз срцето и системот на крвните садови ја отежнува нивната работа и со текот на времето се оштетува деликатното ткиво во внатрешноста на артериите. Резултатот е различно оштетување на виталните органи што може да биде фатално. Во исто време, однадвор, може да се забележат многу малку промени на телото и тие остануваат незабележани долго време. Сепак, треба да се сфати сериозно еден симптом - оток на глуждовите на нозете! Ако забележите отечени глуждови, тоа може да биде знак дека срцето пумпа сè повеќе крв низ системот, така што течноста се акумулира во зглобовите. Отечените зглобови исто така можат да бидат несакан ефект на лекови за висок крвен притисок, особено ако се блокатори на калциумови канали. Во тој случај, дозата треба да се намали, а може да помогнат и диуретиците, намалувањето на солта во храната, како и практикувањето седење со подигнати нозе, со цел да се стимулира циркулацијата на крвта.

Овие пет хороскопски знаци имаат најтешки карактери

Ивана Ефремовски — Wed, 18 Nov 2020 12:30:48 +0000

Луѓето во овие хороскопски знаци имаат најтежок карактер: Риби Иако е малку чудно, бидејќи луѓето родени во овој знак се многу интелигентни, сепак тие истовремено се и неподносливи. Можат да ја придобијат довербата на другите и тогаш да ги користат добиените информации против нив. Затоа бидете многу внимателни кога се овие луѓе во прашање. Скорпија Скорпијата со векови и векови наназад се поврзувала со вода и пекол. Луѓето во овој знак немаат многу пријатели, не можат да се пронајдат меѓу своите врсници и навистина се своеглави. Можат да бидат немарни кон своите сакани и не обрнуваат внимание на тоа кои зборови ги користат додека се расправаат. Рак Овие луѓе се добри пријатели и отворени се за врски. Но, во тешки ситуации може да се случи да го изгубат разумот и не размислуваат рационално. Освен тоа, можат да бидат сурови и одмаздољубиви. Близнаци И Близнаците можат да бидат многу одмаздољубиви и не знаат како да зборуваат добро за друга личност. Можат да повредат некого и воопшто да не се ни грижат за тоа што повредиле туѓи чувства. Лав Поради нивните лидерски спосбности, многу често знаат да се однесуваат како тирани. Тие по секоја цена сакаат да ги покорат сите и да ги натераат да го прават она што тие го сакаат. Секако, ако вие способности ги искористат како што треба, тие можат да бидат одлични лидери.

„Тајната“ за копчето број 5, еве зошто го има ова на далечинскиот управувач и тастатурите

Ивана Ефремовски — Sat, 07 Nov 2020 18:15:54 +0000

Ако погледнете на нумеричката тастатура на вашиот лаптопот или далечинскиот управувач за телевизорот, ќе забележите дека на копчето со бројот 5 има мала испакнатина во форма на точка, две точки или цртички. Оваа ознака има за цел да им помогне на лицата со хедикеп и оштетен вид полсено да ракуваат со далечинскиот управувач или нумеричките тастатури на лаптотпите и мобилните телефони. Точката на бројот 5 на лицата со оштетен вид им служи како тактилен ориентир, со чија помош можат да одредат каде се наоѓаат другите копчиња на далечинскиот управувач. Ознаката на копчето со бројот 5 може да им помогне и на лицата со нормален вид, да го користат далечинскиот управувач или тастатурата, без да погледнат во нив или кога гледаат телевизија во темница.

Масовниот убиец од Нов Зеланд изваден пред суд и со насмевка на лицето упати предупредувачки знак (ФОТО)

Дарко Андоновски — Sat, 16 Mar 2019 12:23:52 +0000

Австралјанецот, Брентон Тарант, кој што вчера во две џамии во Нов Зеланд уби 49 лица изваден е пред истражен судија кој што му соопшти дека останува во притвор до 5 април без кога и му почнува судењето. Тој во оваа прилика покажа и знак со рацете, за кој може да се каже како повик за понатамошно делување. Тарант пред судот беше донесен со лисици и во бело затворско одело. Тој не се изјасни по прашањето обвинет за убиства, па повторно на обвинителна клупа ќе седне на 5 април кога и веројатно ќе сочи со ново обвинени. Но она што најмногу привлече внимание за време на неговиот престој во судот и пред судијата, е неговиот насмеан лик и знакот „Ок“ кој што знначи „супериорност на белата раса“. Ваквиот гест после масакрот во кој убива муслимани претставува дополнителна провокација за меѓурасни и етнички немири. Инаку судењето е затворено за јавноста од безбедносни причини, а се набљудува и со полициски хеликоптер.