знаме – Kurir.mk

Груби: Знамето на „Голема Албанија“ не е добро ни за Албанците, ни за Македонците

Ивана Ефремовски — Sat, 26 Aug 2023 14:18:26 +0000

„На вчерашниот настан видовме непотребна иконографија која нема за цел да донесе добро ни за Албанците ниту за Македoнците, особено не е добар кога во државата доаѓа висок гостин од Стејт Департментот за да ни даде поддршка за европската интеграција на земјата“, порача вицепремиерот Артан Груби. Тој коментирајќи го вчерашниот инцидент во Тетово каде повторно се вееше знаме на т.н „голема Албанија“ посочи дека не треба да се прави дефокус од важните работи во државата. „Тоа се мали партии со големи комплекси, јас се надевам дека никој од нас, ниту граѓаните ниту институциите, ниту медиумите нема да им дадат можност преку мали гестови да стануваат големи партии. Вакви настани не ни се потребни посебно не кога во нашата држава пристига висок гостин од Стејт департментот да ни даде поддршка за европска интеграција на земјата, а ние да предизвикаме вакво нешто, да ја дефокусираме јавоста, тој настан, тој вокабулар е само за самофакторизирање и служи на некои агенди кои не и го сакаат доброто ниту на Македонија, ниту на Албанците, ниту на кој било друг и затоа сметам дека треба да ги игнорираме како маргинални фактори во општеството и непотребни инциденти кои се апсоултно провокација за европскиот пат на нашата земја“, заклучува тој.

Знаме со карта на „Голема Албанија“ повторно се вееше во Тетово, Касами вели тоа било одговор од граѓаните до власта

Ивана Ефремовски — Fri, 25 Aug 2023 13:26:22 +0000

За завршеното асфалтирање на улица „108“ денеска Општина Тетово ги повика медиумите за да изврши промоција, а таму повторно се најде албанско знаме и карта на „голема Албанија“. Иако општината ги повика новинарите на настанот, градоначалникот Биљал Касами вели дека граѓаните го поставиле како одговор, како што рече, на провокации на власта. - Општина Тетово се занимава со тоа што е обврска на општината, а тоа е да инвестира во патната инфраструктура и подобрување на животот на граѓаните. Другиот дел е акција и реакција. Акцијата на Владата и политичките партии на власт кои ги диригираат правните институции и пуштија пријави за мене и за општината во делот за тоа што најмалку би требало да се упуштат. Реакцијата на целиот државен врв и сите политички партии во Владата беше во правец на тоа дека јас треба да одговарам и за жал многу брзо правните институции, полицијата, Обвинителство и судовите преземаа мерки. Доколку оваа правна државна беа така агилни и во други ситуации каде изгоре луѓе, каде изгинаа луѓе, каде се луѓе по затвори во монтирани случаи, како што се неколку во државата секако дека не би имале време да се занимаваат со вакви ситуации. Јас сум цврсто убеден дека тоа е случај-политичка порака до мене и до сите кои мислат дека спротивно на оваа Влада дека ако работат спротивни на нивните партиски интереси и нивните личните интереси, ќе можат да ја имаат мојата судбина. Но веќе не само јас туку, сите граѓани не се плашат од ваквите уцени, луѓето веќе се убедени дека мора да има промени на централна власт за да имаат можност да им се подобрат условите како што ние работиме во Тетово, изјави Касами. На новинарско прашање дали ќе влијае врз соживотот во Тетово, поставување на знаме со карта на „голема Албанија, Касами повторно со одговор дека тоа е реакција на граѓаните во односот што власта го има кон нив. - Ова нема врска со општината со нашата организација, а тоа што има врска со нас тоа е промовирање на овој пат како што немаше врска воопшто и поканата за мене и општината во делот на организацијата на настанот во Тетово. Сите знаеме, дека протоколите кои беа во рамките на зградата на општината и градот, беа извадени знамињата согласно законите – и државното и на Република Косово и на националното и на општина Тетово. Порака до власта да не се занимаваат со луѓето со граѓаните да не ги провоцираат зошто ќе имаат соодветен одговор, одговори Биљал Касами. Освен асфалтирање на улицата „108“ беше обновена коловозната лента и од оваа улица која излегува на кружниот тек на булеварите „Илинденска“ и „Видео Смилевски-Бато“. На 11 август во Тетово беше пречекан косовскиот премиер Албин Курти. На концерт во негова чест човек од публиката вееше знаме со карта на Голема Албанија. Полицијата поднесе прекршочна пријава за Општината затоа што не беше интонирана химната и државното знаме, додека за лицето со знаме на „голема“ Албанија сè уште се води потрага. (МИА)

ВИДЕО: Лудило во Доха, хрватските навивачи развеаја 200 метарско знаме пред хотелот на фудбалерите

Ивона Петрова — Sat, 17 Dec 2022 12:55:06 +0000

Традицијата на хрватските навивачи продолжи и денеска. Рано утринава, во очи на денешниот натпревар Хрватска-Мароко за бронзен медал, навивачите се појавија пред хотелот на хрватските фудбалери. Ги поздравија фудбалерите со навивачка песна, веејќи 200 метарско знаме. Дел од играчите излегле на прозорците да видат што се случува и да ги поздрават нивните верни поддржувачи. Погледнете ја атмосферата:

ОТКРИЕНО КАКО Е УБИЕНО 13 ГОДИШНОТО МОМЧЕ ВО МОНПЕЛЈЕ – бил дел од мароканските навивачи, сакал да го симне француското знаме

Ристе Здравков — Thu, 15 Dec 2022 08:33:57 +0000

Едно 13-годишно момче загина во тепачка меѓу навивачи на Мароко и Франција во Монпеље по мечот од полуфиналето на Светското првенство во кое „триколорите“ славеа со 2:0. Според локалните власти, момчето било удрено од автомобил. На видеото кое се појави на социјалните мрежи може да се забележи гужва на улица и автомобил кој избезумено се движи. Деталите за тој момент сега се познати. Како што пренесува „Дејли мејл“, ова 13-годишно момче било дел од група марокански навивачи кои се обиделе да го тргнат француското знаме од автомобилот. Меѓутоа, возачот решил да нагази на гас, се свртел за да побегне од целата група и го прегазил момчето.

„Директорот на протокол на МНР кој што го згреши знамето не е разрешен, туку унапреден во амбасадор во Москва“ – обелоденува ВМРО-ДПМНЕ

Ивана Ефремовски — Tue, 01 Nov 2022 09:02:27 +0000

Бујар Османи не ја кажа вистината кога соопшти дека директорот на протоколот наводно поднел оставка поради згрешеното знаме за време на посетата на словенечката министерка за надворешни работи Тања Фајон, обелоденуваат од ВМРО-ДПМНЕ. „Вистината е дека тој добил датум и е унапреден за амбасадор во Москва. Се поставува прашањето зошто Османи ја лаже јавноста? Неспособноста е длабоко вкоренета во институциите. Како човек кој не разликува знаме, може да преставува држава?“ - се наведува во партиското соопштение. Претходно, шефот на македонската дипломатија Бујар Османи во емисијата 24 Анализа, рече дека одговорното лице за протокол во Министерството за надворешни работи си поднело оставка по поставувањето на словачкото наместо словенечкото знаме. -Тоа беше едно од десетте знамиња и кога имате интензивна агенда се прават грешки. Директорот на протоколот поднесе оставка иако немаше никаква директна одговорност која ја прифатив. Тоа се други луѓе, а поради морална одговорност поднесе оставка, работеше една година, рече Османи во емисијата. Кон средината на октомври во посета на Македонија беше словенечката министерка за надворешни работи Тања Фајон, а на средбата со Османи, министерот ја пречека со знамето на Словачка, наместо со Словенија.

Шефот на протоколот на МНР си поднел оставка за грешката со словенечкото знаме, работел една година

Ивона Петрова — Tue, 01 Nov 2022 06:11:21 +0000

Одговорното лице за протокол во Министерството за надворешни работи си поднело оставка по поставувањето на словачкото наместо словенечкото знаме. Ова го потврди синоќа шефот на македонската дипломатија Бујар Османи во емисијата 24 Анализа. - Тоа беше едно од десетте знамиња и кога имате интензивна агенда се прават грешки. Директорот на протоколот поднесе оставка иако немаше никаква директна одговорност која ја прифатив. Тоа се други луѓе, а поради морална одговорност поднесе оставка, работеше една година, рече Османи во емисијата. Кон средината на октомври во посета на Македонија беше словенечката министерка за надворешни работи Тања Фајон, а на средбата со Османи, министерот ја пречека со знамето на Словачка, наместо со Словенија. https://kurir.mk/makedonija/vesti/nov-sram-za-makedonija-osmani-ja-precheka-ministerkata-na-slovenija-so-zname-na-slovachka-mnr-deneska-se-izvini/

Зеленски: Знамето на Змиски Остров е знак дека Украина не е скршена

Ивона Петрова — Fri, 08 Jul 2022 06:11:23 +0000

Претседателот на Украина, Володимир Зеленски во своето синоќешно видеообраќање изјави дека подигнувањето на украинското знаме на Змиски Остров е знак дека неговата земја не е скршена. Секој руски капетан, на брод или авион, нека го види украинското знаме на Змиски Остров и нека знае дека нашата земја нема да биде скршена, истакна Зеленски. Тој додаде дека двомесечната операција за ослободување на Змиски Остров е предупредување до руските сили во Украина. Од почетокот на руската инвазија врз Украина, Змискиот Остров повеќе пати е заземен од руската и од украинската армија. Украинската армија вчера објави фотографија како војници поставуваат знаме на Змискиот Остров во Црно Море. По објавувањето на фотографијата со украинското знаме, руското Министерство за одбрана соопшти дека го ракетирале Змиски Остров и ги елиминирале украинските војници. Тврдењата на Москва за напад врз Змискиот Остров не се независно потврдени, но локалните власти во Одеса претходно објавија дека руските сили го ракетирале Змиски Остров. Змискиот Остров е стратешки важен и за Украина и за Русија. Во Црното Море има само неколку острови, а Змискиот Остров е лоциран на околу 200 километри јужно од Одеса, и од него може да се контролира целиот поморски сообраќај во близина на најголемиот пристаништен град во Украина. Со долгорочна окупација на островот, Русија ќе може да го блокира речиси целиот извоз на стоки преку пристаништето Одеса.

Знамето на ЕУ влезе во украинскиот Парламент

Ивона Петрова — Fri, 01 Jul 2022 09:44:16 +0000

Знамето на Европската Унија симболично беше поставено во пленарната сала на украинскиот Парламент, а претседателката на Европската Комисија Урсула фон дер Лајен одржа говор преку видео линк во чест на кандидатскиот статус за влез во ЕУ за Украина. – Украина е земја кандидат за приклучување на Европската Унија – нешто што се чинеше речиси незамисливо пред само пет месеци. Па денеска е момент да се прослави оваа историска пресвртница, победа на одлучноста и решителноста и победа за целото движење што започна пред осум години на Мајдан, истакна меѓу другото, Фон дер Лајен, јави Скај њуз. Таа ја повика Украина да ги забрза реформите во областа на борбата против корупцијата, уверувајќи ја земјата во поддршката од 27-те членки на „долгиот пат“ кон членство во ЕУ. Беше пофален и напредокот на Украина, додека во земјата се водат битки од 24 февруари, кога започна руската инвазија. Медиуми коментираат дека се очекува процесот за влез на земјата во Унијата, да трае повеќе години.

Украдено знамето на Русија од конзулатот во Битола

Магдалена Андонова — Wed, 15 Jun 2022 17:08:22 +0000

На 14.06.2022 во 16.50 часот во СВР Битола, вработена во Конзулатот на Руската Федерација во Битола пријавила дека било одземено знамето на Руската Федерација, кое било закачено на зградата на конзулатот на улица „Маршал Тито“. Се преземаат мерки за расчистување на случајот.

Нема македонско знаме за Бектеши во Албанија

Ристе Здравков — Tue, 10 May 2022 16:50:20 +0000

Министерот за економија Крешник Бектеши денеска е во Албанија на средба со министерката за инфраструктура и енергетика, Албанија, Белинда Балуку. Двајцата министри имаа разговори за повеќе теми меѓу кои и зејтинот за јадење кој Србија и го даде на Македонија да се справи со кризата. Владата пак реши дел од тој зејтин да и донира на Албанија. Инфраструктурното поврзување со Коридорот 8 и справувањето со енергетската криза беа теми на средбата. Она што падна во очи е позирањето на Бектеши и Балуку само со албански знамиња во позадина. Ако човек не знае дека ова е меѓуржавна посета ќе помисли дека се работи за средба на двајца политичари од Албанија. За потсетување Бектеши доаѓа од Македонија која има свое државно знаме.