Жоан Лапорта – Kurir.mk

Жоан Лапорта ќе се кандидира за нов претседателски мандат во Барселона

Бошко Тасиќ — Mon, 23 Oct 2023 05:52:42 +0000

Жоан Лапорта сака да се кандидира за уште еден мандат на претседателското место во Барса во 2026 година. „Согласно законот, можам да го направам ова, можам повторно да се кандидирам. Се додека можам, ќе го правам тоа. И сакам да останам со мојот одбор на директори бидејќи тие вложија труд, работа и посветеност на проектот. Потоа ќе видиме“, изјави претседателот на каталонскиот клуб. Лапорта заеднос о двајцата негови претходници се предмет на истрага на шпанскиот суд за случајот со корупција наречен „Негреира“.

Проблеми за Барселона: Лапорта обвинет за наводно подмитување судии

Ивана Ефремовски — Wed, 18 Oct 2023 15:22:36 +0000

Претседателот на шпанскиот фудбалски првак Барселона, Жоан Лапорта, е обвинет денеска во рамки на истрагата за наводно подмитување судии, објави шпанското правосудство. Лапорта, кој беше претседател на клубот од 2003 до 2010, досега не беше меѓу обвинетите за корупција во случајот против поранешните челни луѓе на каталонскиот клуб, Жосеп Марија Бартомеу и Сандро Росел, како и поранешниот високо позициониран шпански фудбалски судија Жозе Марија Енрике Негреиро и неговиот син. Во својот денеска објавен извештај, истражниот судија објасни дека, според негово мислење, поради сериозните обвинувања, случајот не може да застари. Според Обвинителството, Барселона на Негреиро му исплатила повеќе од 7.3 милиони евра во периодот меѓу 2001 и 2018 година. Исплатите биле реализирани преку компанијата „Даснил 95“ (Dasnil 95), во сопственост на Негреиро. Скандалот, наречен „афера Негреиро“ веќе со месеци виси над каталонскиот фудбалски гигант, кој негира вмешаност во случајот. (МИА)

Лапорта: Приоритет на Барселона е Ла Лига, но би сакале да ја освоиме и титулата во Лигата на шампионите

Ристе Здравков — Thu, 03 Aug 2023 07:41:11 +0000

Жоан Лапорта изјави дека главната цел на Барселона во сезоната 2023/24 е освојување на шпанското првенство. – Ла Лига беше приоритет минатата сезона, претстојната е исто така важна. Но, ние би сакале да се претставиме подобро во Лигата на шампионите, би сакале да бидеме меѓу претендентите за победа во неа. Сепак, наш приоритет и понатаму е шпанската лига. Големата филозофија на Јохан Кројф беше во Гвардиола, а сега е во Чави. Се разбира, постојат разлики меѓу Пеп и Чави, но и двајцата се тренери со силна личност и го усовршуваат препознатливиот стил на фудбал што Кројф го воведе во минатото, рече претседателот на Барселона. Новата сезона во шпанската Ла Лига почнува за осум дена. Барселона во првото коло ќе му гостува на Хетафе на 13 август. Каталонскиот клуб е бранител на шампионскиот трофеј.

Лапорта: Приоритет на Барселона е Ла Лига, но ние би сакале да ја освоиме титулата во Лигата на шампионите

Тале Кристо — Thu, 03 Aug 2023 06:38:33 +0000

Жоан Лапорта изјави дека главната цел на Барселона во сезоната 2023/24 е освојување на шпанското првенство. - Ла Лига беше приоритет минатата сезона, претстојната е исто така важна. Но, ние би сакале да се претставиме подобро во Лигата на шампионите, би сакале да бидеме меѓу претендентите за победа во неа. Сепак, наш приоритет и понатаму е шпанската лига. Големата филозофија на Јохан Кројф беше во Гвардиола, а сега е во Чави. Се разбира, постојат разлики меѓу Пеп и Чави, но и двајцата се тренери со силна личност и го усовршуваат препознатливиот стил на фудбал што Кројф го воведе во минатото, рече претседателот на Барселона. Новата сезона во шпанската Ла Лига почнува за осум дена. Барселона во првото коло ќе му гостува на Хетафе на 13 август. Каталонскиот клуб е бранител на шампионскиот трофеј.

Лапорта се отвори: Како пропадна враќањето на Меси…

Ристе Здравков — Wed, 12 Jul 2023 07:55:31 +0000

Првиот човек на Барселона, Жоан Лапорта уште еднаш проговори за тоа зошто не се оствари кам-бекот на најдобриот фудбалер на сите времиња Лионел Меси на Камп Ноу. Аргентинецот е веќе на Флорида каде в недела официјално ќе го потпише договор со Интер Мајами, а се очекува идната недела да дебитира за новиот клуб. По две сезони во ПСЖ, се очекуваше да се врати во Барселона, но тоа не се отвори иако, како што тврди Лапорта, сите услови за тоа биле исполнети. „Постоеше договор, Лео сакаше, татко му сакаше… Не сакавме да се случи нешто непредвидено, рековме дека ќе ги известиме кога се ќе биде в ред околу финансискиот ферплеј. Помина некое време, договорот беше подготвен, а потоа Хорхе Меси рече дека сака да разговара со мене и ми кажа дека Лео одлучил да се пресели во Интер Мајами по две тешки сезони во Париз. Таму бил под голем притисок, а во Мајами ќе биде посмирен. Имавме потврда од Ла Лига дека договорот на Меси ќе се вклопи во целата приказна. Тоа е нешто за што разговаравме со Хорхе, се беше дефинирано“, откри Лапорта. И покрај се, претседателот на Барселона призна дека сонува да го види Меси барем уште еднаш во дресот на каталонскиот клуб, па макар и на ревијален натпревар.

Лапорта: Се сретнав со бизнисмен од Катар кој е заинтересиран да вложи во Барселона

Тале Кристо — Mon, 03 Jul 2023 09:28:51 +0000

Претседателот на Барселона, Жоан Лапорта кажа дека одлетал во Катар за да преговара со еден од локалните бизнисмени. - Патувањето во Катар? Економијата на клубот е во тешка состојба и има некои пазари кои не можеме да ги заборавиме. Запознав бизнисмен од Катар кој е заинтересиран да инвестира во Барселона, изјави Лапорта за „Мундо Депортиво“. Каталонскиот фудбалски гигант се соочува со сериозни финансиски проблеми, но се обидува да користи нестандардни решенија за да потпише со нови играчи. Таков е случајот со фудбалерот од средниот ред Илкај Гундоган кој се приклучи во летниот преоден рок како слободен играч. Исто така, голем број медиуми пишуваат дека наскоро на тимот ќе му се приклучат Арда Ѓулер од Фенербахче и Витор Роке од Атлетико Паранаенсе.

Лапорта ја доби првата битка – Барселона не поткупувала судии

Бошко Тасиќ — Wed, 22 Mar 2023 05:36:58 +0000

Управата на Барселона, предводена од претседателот Жоан Лапорта, ја доби првата битка по избивањето на аферата Негреира со која каталонскиот тим беше обвинет дека ги поткупувал судиите. Шпанското министерство за финансии, денеска соопшти дека нема докази дека парите кои Барселона му ги уплаќала на поранешниот потпретседател на судиската комисија во Ла Лига, Енрикес Негреира, биле користени за поткупување на судии. Лапорта упорно ги негираше обвинувањата од медиумите и од јавното обвинителство кое поднесе тужба, дека му плаќале на Негреира за поткупување на судии, и сега доби потврда за тоа од шпанската влада. Првиот човек на каталонскиот тим, откако се појавија обвинувањата, изјави дека тие му плаќале на Негреира, за да врши анализа на судењето на натпреварите на Барселона и тоа е легално во Шпанија и истото го прават сите големи екипи.

Лапорта: Чави заслужува нов долгорочен договор

Тале Кристо — Wed, 08 Mar 2023 12:47:35 +0000

Претседателот на Барселона, Жоан Лапорта изјави дека е подготвен да му понуди нов договор на тренерот Чави. - Мислам дека Чави заслужува нов долгорочен договор. Тој сака да потпишеме нов договор доколку тимот ја освои Ла Лига, но мислам дека уште сега би било можно да се потврди нашата нова соработка, изјави Лапорта. Актуелниот договор на Чави со Барселона е до јуни 2024 година. Барселона е лидер на табелата во Ла Лига со 62 бода од 24 натпревари. зс/ Фото: ЕПА

Лапорта најави дека три позиции ќе бидат засилени летоска, ова е листата со желби на Чави и Барса

Ристе Здравков — Wed, 08 Mar 2023 12:08:08 +0000

Првиот човек на Барселона, Жоан Лапорта синоќа најави дека летоска ќе биде ангажиран нов десен бек, централен дефанзивец и напаѓач, на листата со желби на „каталонците“ има неколку имиња. Неодамна, првиот човек на Ла Лига, Хавиер Тебас предупреди дека Барселона летоска нема да може да прави трансфери поради правилата за Финансиски фер плеј, но Жоан Лапорта синоќа ги осигура навивачите дека ќе пристигнат засилувања и посочи дека приоритети се нов десен бек, централен дефанзивец и напаѓач. Чави подолго време принудно става играчи на позцијата десен бек, каде по потреба одработуваат Жил Кунде, Роналд Араухо и Серхи Роберто, па целта е во иднина да се донесе квалитетен играч на оваа позиција. Прва желба е Хуан Фојт од Виљареал, цената на Аргентинецот е висока, па на листата се наоѓаат и имиња како Бенжамин Павар од Баерн Минхен, Томас Мунје од Борусија Дортмунд и Диего Далот од Манчестер јунајтед. Чави исто така сака левак во централниот дел од дефанзивата, Ињиго Мартинез од Реал Сосиедад подолго време е на радарот, а во последно време се говори и за можноста да биде ангажиран Ајмерик Лапорт од Манчестер Сити. Што се однесува до нападот, се водат преговори со Атлетико Паранаенсе за ангажман на талентираниотproject manager. И самиот Жоан Лапорта најави дека ќе мора да продаваат пред да инвестираат во нови играчи, па останува да се види како „каталонците“ ќе го одработат трансфер пазарот.

Лапорта: За две години ќе имаме поконкурентен состав

Ивона Петрова — Thu, 22 Dec 2022 15:59:55 +0000

Претседателот на Барселона, Жоан Лапорта изјави дека каталонскиот клуб има намера да продолжи да го засилува тимот и да стане поконкурентен тим. – Ќе се бориме за се. Приоритетна цел е Ла Лига. Факт е дека имаме многу млад и конкурентен тим, кој исто така го засиливме со играчи со докажано искуство. Летото веќе работевме на економска консолидација, а за две години ќе имаме поконкурентен состав. Сакаме да го освоиме шампионатот за да покажеме дека процесот на закрепнување оди добро, изјави Лапорта за „barcablaugranes.com“. Барселона е прва на табелата во шпанската лига со 37 бодови од 14 натпревари.