Жоао Феликс – Kurir.mk

Барселона без Жоао Феликс во „Ел Класико“?!

Бошко Тасиќ — Thu, 26 Oct 2023 03:36:36 +0000

Тренерот Чави Ернандез и неговиот стручен штаб добија сериозен удар пред следниот меч против Реал Мадрид кој ќе се игра в сабота (28 октомври) од 16.15 часот. Жоао Феликс поради повреда мораше порано да го заврши натпреварот против Шахтјор. Португалецот е играчот кој ова лето пристигна на позајмица од Атлетико Мадрид, а конечно во Барса ја најде старата добра форма, станувајќи еден од најважните играчи во каталонската екипа.

Фудбалер на Атлетико Мадрид се сели во Саудиска Арабија

Бошко Тасиќ — Mon, 07 Aug 2023 03:44:45 +0000

Португалскиот репрезентативец и член на Атлетико Мадрид, Жоао Феликс, е последно големо фудбалско име кое се поврзува со трансфер во Саудиска Арабија. Феликс кој минатата сезона ја помина на позајмица во Челси, е мета на Ал-Хилал и постои реалма можност да се пресели во Саудиска Арабија. Португалскиот спортски весник „О Жого“, пишува дека шансите Феликс да заврши во Ал-Хилал, се повеќе од реални бидејќи тренер на саудискиот тим е Португалецот Жорге Жесус, со кого соработуваше во Бенфика. Атлетико е подготвен да го продаде Феликс за 50 милиони евра иако за него на Бенфика и плати 127 милиони евра.

Барселона и Атлетико се договорија за Феликс, трансферот пред реализација

Бошко Тасиќ — Thu, 20 Jul 2023 04:03:13 +0000

Португалскиот фудбалски репрезентативец Жоао Феликс најверојатно ќе биде следното засилување за Барселона во летниот преоден рок. Ел Мундо Депортиво вечерва јавува дека Барса и Атлетико постигнале меѓусебен договор иако многумина се сомневаа дека ќе се случи такво нешто. Според весникот, Феликс ќе дојде во Барселона како позајмен играч на една сезона, а Барса ќе има обврска идното лето да го откупи неговиот договор. Повеќе информации на оваа тема би требало да има во следниот период, можеби веќе до крајот на оваа недела.

Покетино не го сака Жоао Феликс и следната сезона во Челси

Ристе Здравков — Tue, 30 May 2023 14:06:34 +0000

Англискиот премиерлигаш Челси нема да ја искористи можноста да го ангажира напаѓачот Жоао Феликс на перманентен трансфер. Португалецот играше на „Стемфорд Бриџ“ како позајмен од Атлетико Мадрид, но следниот месец ќе се врати во шпанската престолнина. „Вистината е дека не можам да ви кажам какви се плановите за Жоао. Веста што ја добивме вчера е дека новиот тренер на клубот нема да смета на него. Во моментов немаме планови за него. Во моментов Жоао е фудбалер на Атлетико Мадрид“, прокоментира претседателот на Атлетико, Енрике Серезо.

Челси сака да го задржи Жоао Феликс

Бошко Тасиќ — Sat, 06 May 2023 04:46:46 +0000

Лондонскиот фудбалски клуб Челси има желба да ја продолжи соработката со напаѓачот на Атлетико Мадрид, Жоао Феликс. Феликс е една од ретките светли точки на клубот со Стемфорд Бриж во актуелната катастрофална сезона за сините и сосема логично сакаат да ја продолжат соработката. Како што пренесува шпанскиот весник „Марка“, Атлетико бара 100 милиони евра за 23-годишниот фудбалер што секако е пречка за Челзи, кој годинава веќе вложи многу во скапи засилувања, кои не му донесоа резултат. Феликс во јануари годинава дојде од Мадрид на позајмица до крајот на сезоната на „Стемфорд Бриџ“ и на 16 натпревари постигна два гола. Португалскиот репрезентативец во 2019 година пристигна во Атлетико од португалскиот тим Бенфика.

Жоао Феликс: Челзи е еден од најголемите тимови во светот и се надевам дека ќе им помогнам да ги постигнат своите цели

Ивона Петрова — Wed, 11 Jan 2023 13:22:00 +0000

Напаѓачот Жоао Феликс ја коментираше преселбата во „сините“ од Лондон. – Челзи е еден од најголемите тимови во светот и се надевам дека ќе им помогнам да ги постигнат своите цели, па затоа сум многу, многу среќен што сум тука и многу возбуден што можам да играм на Стемфорд Бриџ“, рече Феликс. Денес, лондонскиот клуб ја објави позајмицата на 23-годишниот напаѓач. Во сезоната 2022/23, Португалецот постигна пет гола и направи три асистенции на 19 натпревари за Атлетико Мадрид.

ВИДЕО: Жоао Феликс пристигна на лекарски прегледи во Челси

Ивона Петрова — Tue, 10 Jan 2023 13:03:37 +0000

Жоао Феликс пристигна во Лондон за да потпише договор со Челси, пренесуваат англиските медиуми. Португалскиот фудбалер најпрво ќе оди на лекарски преглед и доколку се биде во ред би требало да потпише договор за позајмица до крајот на сезоната. Челси и Атлетико, со кои Феликс има договор до јуни 2026 година, постигнаа договор за позајмица до крајот на актуелната сезона. Тоа значи дека клубот од Стемфорд Бриџ ќе ја преземе исплатата на платата која изнесува меѓу пет и шест милиони евра, како и дека на Атлетико ќе треба да му плати 11 милиони евра за позајмица. Манчестер Јунајтед најпрвин сакаше да го донесе на позајмица, но тој не сакаше да плати толку пари за тоа, па се откажа. Жоао Феликс е најскапото засилување во историјата на мадридскиот клуб, кој за неговиот трансфер од Бенфика во летото 2019 година плати 120 милиони евра.

✈️🔵 João Félix is travelling to London to complete his move to Chelsea. pic.twitter.com/3jOlTuJMV5
— EuroFoot (@eurofootcom) January 10, 2023

Пристигнувањето на Жоао Феликс во Челси може да биде добра вест за Арсенал

Ристе Здравков — Tue, 10 Jan 2023 09:15:59 +0000

Наскоро се очекува да биде комплетирана позајмицата на Жоао Феликс од Атлетико Мадрид во Челси, а тоа може да го намали интересот на сините за купување на Мудрик од Шахтар. Михаило Мудрик веќе долго време е цел број еден на Арсенал, но во трката се вклучи и Челси по што дополнително се зголеми цената на фудбалерот. Челси е во завршни преговори со Атлетико Мадрид за ангажман на Жоао Феликс кој на Стемфорд Бриџ ќе пристигне на позајмица до крајот на сезоната. Се претпоставува дека доколку Челси го добие Феликс, ќе го олабави интересот за Мудрик што му одговара на Арсенал. Претставници на Арсенал и синоќа имале средба со луѓето од Шахтар на кои се дискутирало за Мудрик, но преговорите се уште не се во некоја завршна фаза.

Атлетико бара обесштетување од 140 милиони евра за Жоао Феликс

Ивана Ефремовски — Thu, 08 Dec 2022 09:56:45 +0000

Фудбалерот на Атлетико Мадрид и португалски репрезентативец Жоао Феликс изјави оти е фокусиран само на Светското првенство и додаде оти не размислува каде ќе ја продолжи кариерата. Неговата изјава уследи откако член на раководството на Атлетико објави дека Феликс не сака да остане во клубот од Мадрид. „Целосно сум фокусиран на Светското првенство. Мојот менаџер не ми зборува ништо за тоа што се случува, ниту, пак, сака да се ангажира околу тоа. Морам да останам фокусиран и да одиграм одлично“, рече Жоао Феликс. Атлетико пред нешто повеќе од три години го донесе Феликс во своите редови од Бенфика за 127 милиони евра, а според шпанските медиуми, обесштетувањето за португалскиот репрезентативец сега изнесува дури 140 милиони евра. (МИА)

Жоао Феликс: Сон е да се игра со Кристијано во репрезентацијата

Ристе Здравков — Fri, 25 Nov 2022 10:13:41 +0000

Португалија постигна три гола во второто полувреме и запиша победа против Гана со 3-2 во вториот натпревар од првото коло во групата Х на Светското првенство. Жоао Феликс, напаѓачот на португалската репрезентација рече дека тимот мора да работи напорно, бидејќи сите селекции на Светското првенство се силни. и поседуваат квалитет. „Мора да работиме напорно и да дадеме се од себе за да се задоволиме себе си и навивачите Сон е да се игра со Кристијано. Од мал го гледам како игра, а сега сме соиграчи во националниот тим„, заврши Жоао Феликс. Португалија најголемиот успех на Светските првенства во поновата историја го оствари во 2006 година во Германија, кога играше во полуфиналето и го освои четврттото место. На последниот Мундијал Роналдо и другарите беа елиминирани во осминафиналето од Уругвај.