Жоао Кансело – Kurir.mk

Манчестер Сити и Барселона се договориja, Кансело заминува

Бошко Тасиќ — Sun, 20 Aug 2023 04:52:05 +0000

Жоао Кансело ќе биде нов играч на Барселона. Бројни медиуми од Шпанија и Англија пренесуваат дека Барселона и Манчестер Сити постигнале договор за трансфер на Португалецот кој во Каталонија ќе пристигне на позајмица со можност за откуп на договорот. Ако Кансело одигра повеќе од 70% од натпревирите и Барселона се квалификува во осминафиналето од Лигата на шампионите ќе се активира автоматска клазула за откуп за сума од 30 милиони евра.

Барселона се договори со Кансело, преговорите со Сити се во тек

Ристе Здравков — Thu, 03 Aug 2023 08:25:28 +0000

Барселона го посакува потписот на Жоао Кансело, но неизвесно е дали ќе постигне договор со Манчестер Сити. Барселона и Кансело си подадоа рака, договорени се личните услови, но за да се реализира трансферот треба зелено светло од Манчестер Сити. Преговорите меѓу Барселона и Манчестер Сити се во тек, каталонскиот клуб сака да искористи дел од сумата која ќе ја добие од трансферот на Усман Дембеле во ПСЖ.

Арсенал тргнува по Кансело

Бошко Тасиќ — Mon, 03 Jul 2023 06:12:50 +0000

„Топчиите“ уште не завршиле со летниот пазар на играчи, откако размислуваат за купување на Жоао Кансело од Манчестер Сити. Арсенал минатото лето ги купија Габриел Жесус и Олександер Зинченко, а ова лето со купувањето на Каи Хаверц од Челси и најавениот трансфер на Деклан Рајс од Вест хем, тимот на Микел Артета мора да се смета за еден од фаворитите за премиерлигашката титула. Кансело е „непожелен“ во тимот на Пеп Гвардиола, откако во јануари беше пратен на позајмица во Баерн Минхен, кои решија да не ја искористат опцијата за откуп на договорот од 70 милиони евра. Кансело пристигна во Сити од Јувентус во 2019 и имаше 154 настапи и три титули од Премиерлигата со Сити.

Жоао Кансело понуден на Реал Мадрид

Бошко Тасиќ — Sun, 14 May 2023 04:26:21 +0000

Според пишувањето на некои медиуми во Шпанија, претседателот на Реал Мадрид, Флорентино Перез неочекувано добил понуда да го ангажира Жоао Кансело. Португалскиот репрезентативец во моментов е позајмен во Баерн, а Манчестер Сити нема намера да го врати во своите редови. Патем Жоао Кансело не е задоволен од статусот кај Баварците и откако дојде во Минхен во текот на јануарскиот преоден рок тој има само 13 настапи, а еднаш успеа и да се запише во листата на стрелците. Дваесет и осум годишниот Кансело со првакот на Англија има договор до 2026 година, а најголем проблем околу реализација на неговиот трансфер е висината на обештетувањето кое изнесува 70 милиони евра.

Не одигра ниту еден натпревар на ЕУРО 2020, Кансело позитивен на Ковид-19

Ивона Петрова — Mon, 14 Jun 2021 10:40:58 +0000

Жоао Кансело денес ги дозна непријатните вести. Дефанзивецот на португалската репрезентација и член на Манчестер Сити е позитивен на коронавирусот и за него Европското првенство заврши пред првиот натпревар, потврди Фудбалскиот сојуз на Португалците. Замената е исто така позната. На местото на Кансело ќе се најде Диого Далот, фудбалер на Манчестер Јунајтед, кој сезоната ја помина на позајмица во Милан, а десното крило веќе играше на Европскиот младински национален шампионат. Младиот дефанзивец со португалската репрезентација „У21“ освои сребро. Првиот натпревар Португалија го игра во групата Ф на Европското првенство во вторник од 18 часот против Унгарија.