зои 2022 – Kurir.mk

Фински скијач во неподносливи болки: Половиот орган му замрзнал за време на трка на ЗОИ

Ивона Петрова — Sun, 20 Feb 2022 21:21:33 +0000

Трката во крос-кантри скијање на 50 километри на Олимпијадата во Пекинг беше скратена на 30 километри, но тоа не помогна на Финецот Реми Линдхолм. Како што пренесува Гардија, Линдхолм за помалку од еден час и 16 минути ја мина патеката во услови на силен и многу студен ветер, што доведе до тоа што неговиот пенис да се замрзна по вторпат на скијачка трка, по сличен инцидент во Рука, Финска минатата година. -Можете да погодите кој дел од телото беше малку замрзнат кога завршив… ова беше еден од најлошите натпревари на кои сум бил, изјави тој за финските медиуми. Бидејќи организаторите беа загрижени дека ќе има смрзнатини кај скијачите на вчерашната трка, таа беше одложена за еден час и скратена за 20 километри. Тенките костуми и долните слоеви што ги носеа тркачите, како и наслагите за покривање на лицата и ушите, беа мала заштита. Линдхолм објасни дека користел топлинско пакување за да се обиде да го одмрзне пенисот откако трката заврши. -Кога деловите од телото почнаа да се загреваат по финишот, болката беше неподнослива, додаде тој.

ВО ЖИВО: Затворање на Зимските олимписки игри

Ивона Петрова — Sun, 20 Feb 2022 12:08:53 +0000

Во тек е свеченото затворање на Зимските олимписки игри кои се одржуваа од Пекинг. На 24-тата Зимска олимпијада која започна на 4 февруари настапија 2.900 спортисти од над 90 држави. Норвешка е најуспешна нација со рекорден број златни медали во конкуренција на 29. држави, кои освоија одличја. На последниот ден од Игрите, Тереза Јохаунг го освои и 16. златен медал за Норвешка, чии спортисти во Пекинг се закитија и со осум сребрени и 13 бронзени одличја.

ЗОИ: Медали освоија 29 држави, Норвешка убедливо пред сите

Ивона Петрова — Sun, 20 Feb 2022 10:42:10 +0000

Норвешка е најуспешна нација на 24. Зимски олимписки игри (ЗОИ), кои денеска завршија во Пекинг, со рекорден број златни медали во конкуренција на 29. држави, кои освоија одличја. На последниот ден од Игрите, Тереза Јохаунг го освои и 16. златен медал за Норвешка, чиј спортисти во Пекинг се закитија и со осум сребрени и 13 бронзени одличја. Конечна табела на освоени медали на Игрите во Пекинг: Норвешка 16 8 13 37 Германија 12 10 5 27 Кина 9 4 2 15 САД 8 10 7 25 Шведска 8 5 5 18 Холандија 8 5 4 17 Австрија 7 7 4 18 Швајцарија 7 2 5 14 Русија 6 12 14 32 Франција 5 7 2 14 Канада 4 8 14 26 Јапонија 3 6 9 18 Италија 2 7 8 17 Јужна Кореја 2 5 2 9 Словенија 2 3 2 7 Финска 2 2 4 8 Нов Зеланд 2 1 0 3 Австралија 1 2 1 4 Велика Британија 1 1 0 2 Унгарија 1 0 2 3 Белгија 1 0 1 2 Словачка 1 0 1 2 Чешка 1 0 1 2 Белорусија 0 2 0 2 Шпанија 0 1 0 1 Украина 0 1 0 1 Естонија 0 0 1 1 Летонија 0 0 1 1 Полска 0 0 1 1.

ВИДЕО: Златен медал за Суи и Хан во уметничко лизгање – спортски двојки

Ивона Петрова — Sat, 19 Feb 2022 14:48:16 +0000

Кинеската спортска двојка Венјинг Суи и Конг Хан го освои златниот медал на Олимписките игри во Пекинг. Ова е второ злато за Кина на зимските Олимпијада во оваа дисциплина. Суи и Хан со резултат 239,88 бодови, зад себе оставија три руски двојки. Евгенија Тарасова и Владимир Морзов го освоија среброто со 239,25 поени, додека трети беа Анастасија Мишина и Александар Галијамов со 237,71 освоен бод. За Кина ова е деветти златен медал по што изби на третата позиција во поредокот на најуспешните земји на 24. Зимски олимписки игри. До крајот на ЗОИ 2022 во уметничко лизгање останува уште Гала вечерта закажана за утре, последниот ден од натпреварувањето.

Свингс ја вброи Белгија во земјите со златен медал

Ивона Петрова — Sat, 19 Feb 2022 10:15:20 +0000

Белгиецот Барт Свингс го освои златниот медал на во брзо лизгање – масовен старт на Олимпијадата во Пекинг. За Белгија ова е второ злато во историјата на Зимските олимписки игри, првото во 1948 година го освоија Мишелин Ланој и Пјер Боние во уметничко лизгање. Среброто и бронзата отидоа кај корејските натпреварувачи Јае Вон Чунг и Хун Сеунг Ли. Во женска конкуренција победи Ирене Шутен од Холандаија, пред Иване Блондин од Канада и Франческа Лолобриџа од Италија.

Злато со олимписки рекорд за јапонската лизгачка Такаги

Ивона Петрова — Thu, 17 Feb 2022 10:19:25 +0000

Јапонката Михо Такаги го освои златото во брзо лизгање на 1.000 метри на Олимписките игри во Пекинг. Такаги постави нов олимписки рекорд – 1 минута и 13,19 секунди. Сребрениот медал го освои Холанѓанката Јута Лердам која беше 64 стотинки побавна зад победничката. Третото место и бронзата ја освои Американката Британи Боу. За Јапонија ова е трето злато на Игрите во Пекинг

Хокеарките на Канада подобри од САД во натпреварот за златниот медал

Ивона Петрова — Thu, 17 Feb 2022 07:40:53 +0000

Женската репрезентација на Канада го освои златниот медал на хокеарскиот турнир на Олимпијадата во Пекинг. Канаѓанките рано утрово ги совладаа своите ривалки од САД со 3:2 (2:0; 1:1; 0:1). Двоен стрелец за победничката репрезентација беше Мари-Филип Пулен, еднаш погоди Сара Нерс. За Американките реализираа Хилари Најт и Аманда Кесел. За Канада ова е петти златен медал на Олимпијадите. Претходно хокеарките на оваа земја победуваа на ЗОИ во 2002, 2006, 2010 и 2014 година. САД не успеаја да го одбранaт златото освоено на претходната Олимпијада, во Пјонгчанг 2018 година.

Абраменко го освои првиот медал за Украина, доби честитки од рускиот ривал

Ивона Петрова — Wed, 16 Feb 2022 13:17:26 +0000

Украинската репрезентација го освои првиот медал на Зимските олимписки игри во Пекинг. На денешните натпревари во скијање слободен стил, Александар Абраменко освои сребро во акробации и им ја донесе на Украинците првата награда на Игрите. Абраменко едена од првите честитки ги доби од Русинот Илја Буров кој стигна до бронзениот медал. Претходно, раководството на Министерството за спорт на Украина им препорача своите спортисти и тренери на Олимпијадата во Пекинг да не стојат покрај Русите кога тие во раце го држат знамето на Рускиот олимписки комитет. Сепак, денешниот гест на двајцата спортисти покажа дека во спортот и Олимпијадите нема место за политиката.

ЗОИ: Словачка по втор пат во историјата избори полуфинале во хокеј

Ивона Петрова — Wed, 16 Feb 2022 10:49:31 +0000

Словачката репрезентација во хокеј на мраз стигна до полуфиналето на Олимпијадата 2022 година во Пекинг. Во четвртфиналето Словаците рано утрово ја совладаа селекцијата на САД сo 3:2 по изведување пенали. По основните 60 минути резултатот беше изедначен 2:2, а во продолжението од 10 минути немаше погодок па се пријде кон изведување пенали. Словачка по втор пат во историјата се пласираше во полуфиналето на олимпискиот хокеј турнир. За прв пат, тимот успеа да влезе во големата четворка на Олимпијадата 2010 година во Ванкувер. Тогаш Словаците загубија во полуфиналето од Канада (2:3), а во натпреварот за третото место – од Финска (3:5). Во другите три четвртфиналиња денес се среќаваат: Русија – Данска Финска – Швајцарија Шведска – Канада

ЗОИ: Ноел најдобар во слаломот

Ивона Петрова — Wed, 16 Feb 2022 07:43:46 +0000

Французинот Клемент Ноел е победник во слаломот на Олимписките игри во Пекинг. Тој двете трки ги заврши со вкупно време 1:44.09 минута. Иако по првата трка беше на шестата позиција, Ноел со одлично второ возење успеа да дојде до златниот медал. Првопласираниот по првата трка, Јоханес Штролц од Австрија на крајот заостана за 61 стотинка и мораше да се задоволи со сребрениот медал. На победничкиот подиум место си обезбеди и Норвежанецот Себастијан Фос-Солеваг кој во вкупното време беше побавен за 70 стотинки од победникот. По денешната алпска дисциплина Франција се изедначи со Русија со по четири златни медали и во моментов е на 10.место во поредокот на земјите медалисти на ЗОИ 2022.