Што ако јадете само жолчки?

Ристе Здравков — Sun, 16 Oct 2022 08:26:02 +0000

Со конзумирање на јајца ги добивате протеините потребни за обновување на мускулите, а жолчката има неколку дополнителни предности. Нутриционистот Тоби Амидор објасни за списанието „Eat This, Not That“ дека жолчките содржат лутеин, кој е поврзан со одржување на здравјето на очите. Поточно, има способност да ја спречи макуларната дегенерација, односно губење на видот што се јавува во текот на процесот на стареење. „Жолчките содржат речиси половина од протеинот во јајцето. Тие помагаат да се изгради мускулна маса и затоа никогаш не треба да ги фрлате жолчките”, рекол тој. „Жолчките содржат и омега-3 масни киселини, кои го одржуваат срцето здраво и го намалуваат ризикот од смрт од срцеви заболувања. Некои омега-3 масни киселини дури можат да го убијат ракот и да помогнат во лекувањето на артритисот. Жолчките од јајцето исто така содржат витамин Д, кој апсорбира калциум и на тој начин ги зајакнува кршливите коски“, рече тој. Тој додава дека е важно и децата и возрасните да јадат жолчки за да го намалат ризикот од болести на коските, вклучително и рахитис (кај децата) и остеопороза (кај возрасни).

Што да направите со вишокот белки и жолчки од јајца? Еве неколку идеи

Магдалена Андонова — Tue, 25 Aug 2020 11:24:00 +0000

Кулинарските авантури, особено ако печете колачи, честопати ќе ве остават со неколку белки или жолчки вишок. Но, пред да се упатите кон кантата за ѓубре, размислете двапати. Препорачуваме да им дадете втора шанса на остатоците од јајца и да пробате некои од овие рецепти. За вишок белки од јајца: 1. Колач од белки Се чини дека нешто волшебно се случува кога ги мешате белките со шеќер. Добиениот „шлаг“ ставете го на кора за пита и печете како лесен десерт. 2. Омлет Омлет од белка од јајца е добар начин да јадете јајца во нетрадиционална, а во исто време полесна и поздрава форма. За да добиете погуста структура, додадете малку пире од домати или спанаќ. 3. Коктели Белката од јајце може да додаде кремаста текстура на многу коктели, а протеините ќе ги балансираат киселите состојки и ќе имате убава пена на врвот на коктелот. За вишок жолчки од јајца: 1. Сладолед Научете како да подготвите крем од жолчка и наскоро ќе можете да направите сладолед дома без никакви проблеми. Откако ќе научите како да направите основа, пред вас ќе се отвори свет на можности. Можете да ставите парчиња лисја од нане или мелени ореви. И ако не сте за сладолед, ќе имате крем коа ќе ви „седи“ одлично на кој било десерт. 2. Посолете ги Пробајте го овој таен рецепт од многу врвни готвачи. Посолете или едноставно маринирајте ги жолчките (на пример во соја сос) и потоа изедете ги со сè: тестенини, ориз… 3. Пудинг Можеби не верувате во тоа, но жолчката од јајца е виновникот за богатството на вкусови на најдобрите кремасти пудинзи. Секако, ако размислите за тоа, има смисла, бидејќи пудингот е само печена верзија на кремаст сладолед. 4. Холандски сос Доколку не сте за слатки, направете го овој богат сос неопходен за подготовка на јајца Бенедикт, но кој може да послужи и како сос за домашен бисквит од путер.

жолчки – Kurir.mk

Што ако јадете само жолчки?

Што да направите со вишокот белки и жолчки од јајца? Еве неколку идеи