зоолошка градина скопје – Kurir.mk

Тешко повреден работник во Зоолошката градина во Скопје – итно бил пренесен во болница

Дарко Андоновски — Sat, 01 Apr 2023 14:50:02 +0000

На 31.03.2023 околу 11.20 часот во Полициска станица Карпош е пријавено дека во Комплекс клиники „Мајка Тереза“ со тешки телесни повреди е донесен повреден В.Г.(46) од Скопје. Според пријавеното, тој се повредил околу 10.30 часот, додека бил на работното место во Зоолошка градина Скопје. Полициски службеници излегле на местото, а за случајот е известен трудов инспектор.

ФОТО: По четири години во скопската Зоолошка градина се роди бебе белоглав мршојадец

Магдалена Андонова — Thu, 09 Jun 2022 10:54:27 +0000

После четири години имаме и бебе белоглав мршојадец што особено не радува бидејќи овој вид е загрозен, информираше преку Фејсбук објава на официјалната страница на скопската Зоолошка градина. Белите мршојадци се најголеми екологисти, тие се чистачи кои се хранат од трупови на мртви животни кои ги наоѓаат со надгледување на отворени простори честопати движејќи се во јата. Воспоставуваат гнездачки колонии на карпи каде не можат да бидат вознемирувани од луѓето. Женките најчесто се гнездат на карпи и несат по едно јајце. Го лежат двата родитела, а инкубацијата трае 48-53 дена. Младенчето го напушта гнездото на возраст од 3 месеца. - Мило ни е што и во минатато и сега придонесуваме за продолжување на овој вид кој за жал е пред истребување, велат од скопската Зоолошка градина.

ДРАМА ВО СКОПСКАТА ЗООЛОШКА – на камера фатен човек како ги сече катанците од кафезите и пушта животни на слобода (ВИДЕО)

Дарко Андоновски — Tue, 10 May 2022 12:06:33 +0000

Денеска сакаме да ја известиме јавноста за неколку немили настани кои во изминатиов период се случуваа во ЈУ „Зоолошка градина Скопје“. Најпрво на 10.04.2022 поединци направиле неовластен влез на група од дванаесетина луѓе, петнаесет минути пред затворање на градината. Истото е уредно пријавено и се повикани претставници од Министерството за внатрешни работи за увид во неовластениот влез на групата луѓе, ова денеска преку изјава за медиумите го истакна директорот на ЗОО Скопје, Кристијан Стаменов. -На 28.04.2022 од службите во Зооолошката градина е направен увид во живеалишатта на животните и е констатирано дека се пресечени неколку катанци, по што биле пуштени неколку животни, во рамки на просторот во зоолошката градина. Истото е пријавено и констатирано рано утрото од страна на зоо негувателите кои дошле на работа дека се работи за видливо и намерно пуштање на неколку животни од нивните живеалишта. По рекордната посетеност во Зоолошката градина со над 14.000 посетители, на 09.05.2022 во 00:30 часот имаше обид да се обие влезната врата од благајната. Сторителот е фатен од безбедносните камери на Зоолошката градина како во два наврати се обидува да го обие влезот на благајната, претпоставуваме со цел да направи финансиска штета. Но, снимениот поединец останал само на обидот, затоа што како што се гледа на снимката не можел да го обие влезот на билетарата и благајната по што настаната е незначителна материјална штета. Истиот настан веднаш по случувањето уште вечерта е пријавен во полициска станица Карпош. Покрај тоа што сите овие настани се пријавени до надлежните органи за постапување, односно до Министерството за внатрешни работи, зголемена е будноста кај персоналот, а дополнително е зголемено и обезбедувањето во ноќната смена, вели Стаменов. Тој додава дека цениме дека сите овие обиди наликуваат на намерна саботажа на работата и функционирањето на самата Зоолошка градина, треба да се прашаме на кого му пречи успешноста на Зоолошката градина. -Остро ги осудуваме сите овие обиди да се наштети на нашата работа, но и на безбедноста на животните, се надеваме дека службите од Министерството за внатрешни работи ќе работат интензивно на откривање на сторителите, со цел да се спречат и понатамошни вакви обиди. Сакам да потенцирам исто така дека и покрај овие обиди доколку вистина станува збор за саботажа на нашето работење и функционирање нема да не обесхрабрат туку напротив ни даваат мотив плус да работиме уште повеќе за поубава и попосетена Зоолошка градина Скопје- изјави Кристијан Стаменов, директор на ЈУ Зоолошка градина Скопје, потенцираше тој.

БЕЈБИ БУМ ВО ЗОО СКОПЈЕ: Се роди уште едно бебе, овој пат од видот хималајски тар (ФОТО)

Дарко Андоновски — Mon, 04 Apr 2022 10:25:06 +0000

Во Зоолошката градинка во Скопје овие денови се роди ново бебе од видот хималајски тар. -Овие денови нашата страница повеќе личи како профил на некоја јасли група во градинка , но навистина имаме „Бејби Бум” во Скопје ЗОО. Ова е нашето ново бебе од видот хималајски тар, објавија денеска од Зоолошката градинка на својата фејсбук страница.

На убавите вести од Зоолошката градина во Скопје им нема крај: Се роди бебе камила (ФОТО)

Магдалена Андонова — Sun, 03 Apr 2022 12:25:12 +0000

Изминатиот период убави и радосни вести ни пристигнуваа од Зоолошката градина во Скопје. По повеќе од 20 години се родија мали лавчиња, потоа Зоолошката градина се збогати за уште една лама, па на крајот и лемурите нè израдуваа со нов подмладок. Всушност, тука не е крајот на убавите вести. Имено, од пред една недела новости има и кај камилите - се роди бебе камила. Од Зоолошката градина Скопје за Курир беа ексклузивно испратени фотографии од малата камила за кои добивме дозвола да ги објавиме. Камилата ќе биде уште една недела во изолација со нејзината мајка, а потоа посетителите ќе можат да ја видат.

Зоолошката градина доби нов жител (ФОТО)

Предраг Кукиќ — Fri, 14 Jun 2019 10:04:25 +0000

- Ни се роди Лаки. Првото бебе елен лопатар годинава. Лаки е малечок дечко кој сака да ја истражува околината и да трча со останатите елени, а кога ќе се измори, може да го видите во оваа поза, вака Зоолошката на својот Фејсбук профил ја соопшти веста за раѓањето на новиот член. Зоолошката градина постојано се збогатува со нови животни. Едни се раѓаат таму, друг доѓаат од страна. Бројот на животни постојано се зголемува, а тоа придонесува и за зголемување на посетителите, особено сега во летниот период.

Поскапува влезот во скопска Зоолошка, наместо 50 ќе биде 80 денари

Предраг Кукиќ — Mon, 20 May 2019 18:34:05 +0000

Билетот за влез во скопската Зоолошка градина ќе поскапи и наместо 50 денари ќе биде 80. Влезот за деца до 3 години и натаму останува бесплатен. Оваа одлука за промена на цената за влез во Зоолошката ќе се најде на дневен ред на утрешната седница на Советот на Град Скопје и доколку биде усвоена треба да стапи на сила на почетокот на јуни, пишува СДК.МК. Во образложението на градоначалникот Петре Шилегов се вели дека поскапувањето се должи на зголемениот број содржини и нови животни во градината. Според новиот ценовник се воведуваат и нови цени за содржините кои летово треба да бидат отворени и за кои ќе се плаќа плус дополнителна влезница. Влезот во паркот на диносауруси ќе чини 50 денари, а во мини зоолошката каде ќе има бебиња животни посетителите ќе треба да платат плус 20 денари.

Зоолошка ќе работи за Велигден и Први мај

Предраг Кукиќ — Fri, 26 Apr 2019 09:37:51 +0000

По повод Велигденските и Првомајските празници, од Зоолошката градина во Скопје информираат дека ќе работат во нормлано работно време. Билетарата ќе работи вообичаено како и секој ден до 18 часот. Зоолошката градиина инаку работи 365 година. Искористете го убавото време и неработните, слободни денови, поминете незаборавни моменти со своите најмили, посетувајќи го оваа мало царство, притоа придржувајќи се до кодексот на однесување.