зоолошка – Kurir.mk

ВИДЕО: Несовесен посетител ги малтретира животните во скопската ЗОО

Ристе Здравков — Tue, 01 Feb 2022 08:47:39 +0000

Дали со вознемирување и малтретирање на животни може да станете популарни на социјалните мрежи? Деновиве уште еден таков случај ја вознемири јавноста, а станува збор за видео на кое се гледа дека посетител ги малтретира магарињата во скопската ЗОО. Тина Мицковска, заменик-директорката на ЗОО Скопје не ја крие разочараноста од ваквите постапки. -Ваквите снимки треба да не едуцираат како не треба да се однесува еден возрасен човек, разочарано вели Мицковска. Таа додава дека иако се ретки инцидентите, тие реагираат. -Ние секогаш несовесни посетители фатени на дело ги бркаме, а кај оние каде што има и законска рамка пријавуваме во полиција заедно со снимката. Инаку ваквите видеа кога ги споделуваме често влијаат врз многу други да не се осмелат да направат глупост. Затоа се поретки и инцидентите, но и несовесното однесување е многу намалено, а свеста зголемена. За жал ова е еден од начините да се свестат некои несовесни, појаснува Мицковска.

Зоолошката градина во Љубљана повторно отворена за посетителите

Тале Кристо — Mon, 27 Apr 2020 08:50:55 +0000

Зоолошката градина во Љубљана која речиси два месеца беше затворена поради епидемијата на новиот коронавирус од утрово повторно ги отвори вратите за посетителите. Како што јави дописникот на МИА од Љубљана, таа ќе биде отворена од девет до 19 часот, а посетителите ќе треба да ги почитуваат сите препораки за да се намалат шансите за зараза со Ковид-19. Управата на Зоолошката градина соопшти дека пред билетарницата мора да има два метри растојание меѓу луѓето кои чекаат, а истото важи и за пред тоалетите и продавниците, што се во самата градина. Дополнително на повеќе места се поставени и гелови за дезинфекција на раце кои посетителите се должни да ги употребуваат. Некои делови во зоолошката градината каде е можно на мал простор да се соберат многу луѓе остануваат затворени, а како ќе бидат и тие отворени дополнително ќе се одлучи.

Лука Модриќ со семејството најде уникатен начин за празнична забава (ФОТО)

Ивана Ефремовски — Thu, 02 Jan 2020 19:31:11 +0000

Асот на Реал Мадрид, Хрватот Лука Модриќ покажа како ги користи божиќните празници со своето семејство. Имено, Лука со сопругата Вања и децата е на краток одмор во Дубаи.

View this post on Instagram

Our new friends! ???? ❤️ #FamilyTrip #Holidays #Dubai ?

A post shared by Luka Modric (@lukamodric10) on Dec 30, 2019 at 4:39am PST

Семејството Модриќ наместо по луксузни продавници и хотели одлучиле одморот да го искористат за посета на големата зоолошка градина во Дубаи.

Зоолошката во Скопје со изненадувања за посетителите по повод утрешниот роденден

Дарко Андоновски — Sat, 31 Aug 2019 07:30:36 +0000

Забава со детски песни, театарска претстава, Дизни маскоти и други изненадувања ги очекуваат посетителите што ќе дојдат во Зоолошката градина утре, на одбележувањето на нејзиниот 93-ти роденден. Големата роденденска журка ќе почне во 17 часот, а присутните ќе уживаат во настапите на „Златно Славејче“, детската театарска претстава на Неверленд- Волшебникот од ОЗ, како и со Дизни маскотите.

Десет посетители избркани од скопската зоолошка: Не ги почитувале овие правила

Ивана Ефремовски — Fri, 12 Apr 2019 12:10:19 +0000

Десет посетители биле избркани денеска од Зоолошката градина во Скопје, поради непочитување на кодексот на однесување. -Денес избркани 10 луѓе поради хранење. Пцуена, колнета ама ред мора да има, вели Тина Мицковска, задолжена за односи со јавноста. Во скопската Зоолошка градина од средата се поставени табли со кодекс на однесување, со кој на посетителите им се укажува дека доколку ги хранат, вознемируваат или фрлаат ѓубре во животинските живеалишта можат да бидат казнети и отстранети од Градината.

Сите хумани љубители на кучиња, утре треба да дојдат во зоолошка

Ивана Ефремовски — Sat, 02 Mar 2019 10:57:00 +0000

Да помогнеме на нашите бездомни крзнени пријатели! Многу кучиња чекаат да го најдат својот дом, многу од нив чекаат лекување, операции, храна, топли ќебенца, куќички. Во недела (03.03), од 12:00-15:00, во Зоо Скопје ќе бидат поставени кутии за донации, а на влезот ќе има Зоо базар, каде што ќе бидат поставени штандови со сувенири, привезоци, маички со животински принт. Сите собрани средства од штандовите, ќе бидат наменети за спасување на животот на многу крзнени пријателчиња. Во оваа благородна акција учествуваат и голем дел граѓански активисти и здруженија за заштита на животните кои несебично секојдневно помагаат на бездомните животни. Да ги научиме најмалите за љубовта кон животните, емпатијата и помагањето на послабиот, а сепак најискрен човеков пријател.

Лавица убила лав по осум години заеднички живот во Зоолошка

Предраг Кукиќ — Tue, 23 Oct 2018 13:46:06 +0000

Зоолошката градина во Индијанаполис се обидува да утврди зошто лавицата Зури го нападнала и убила лавот Нијак по осум години заеднички живот. Зоолошката градина соопшти дека 12-годишната Зури го нападнала 10-годишниот Нијак. Тие двајца живееле заедно осум години и имале три лавчиња во 2015 година. Нијак беше позајмен од зоолошката градина во Сан Диего. Персоналот на зоолошката градина наведе дека слушнале невообичаено големо рикање од просторот за лавови, по што се обиделе да ги раздвојат, но Зури го држела Нијак со заби во вратот додека не престанал да се помрднува.

Неверојатна снимка од зоолошка градина: Пајчето не можело да излезе од базенот, а потоа дошла помошта од џиновите

Александар Михаилов — Fri, 12 Jan 2018 09:07:30 +0000

Животните често знаат да изненадат со своето однесување. Многу се зборува за тоа како домашните миленици ги спасиле своите сопственици од страшни ситуации, но секогаш од почеток не изненадуваат таквите сведоштва. Можеби и поинтересни се приказните во кои животните си помагаат едни на други, посебно кога станува збор за сосема различни видови. Едно мало пајче од зоолошка градина се нашло во проблем бидејќи не можело да излезе од вода и да дојде до својата мајка. Два нилски коњи, кои биле во базенот и слушнале како пајчето испушта панични звуци, сосема неочекувано решиле да му помогнат. Тие на крајот се обиделе пајчето да го истуркаат на копното, но тоа било толку преплашено, што целото време бегало. И покрај тоа, нилските коњи не се откажувале, и на крајот нивната упорност се исплатела, а пајчето излегло од базенот.