зоран азманов – Kurir.mk

Азманов: Апсурд е јас да градам СДСМ-овска болница, Заеви не ги знам

Дарко Андоновски — Fri, 13 Dec 2019 20:55:48 +0000

Вице Заев не го ни познавам, еднаш само од далеку во Струмица ми кажа кој е, а премиерот Заев го имам видено неколку пати, рече бизнисменот Зоран Азманов на гостувањето на телевизија Алфа. -Не знам што се случува, но ова е нелогична ситуација. Некој понудил демек помош, па да се јави некој да и рече чекај. Ако имал купец за 4 милиони немало што да се чека, јас на пример ќе сум го продадел Документите од проектот ги донесе Киро Тошевски. Тој има дојдено да купи два стана и тој го има понудено на директорот за продажба кој ми рече да го примам зошто земал два стана од кај нас. Подоцна имавме идеја со докторите Марјан Стојовски и Влатко Цветановски и преку нив стигнав до Тошевски. Тошевски ми ја даде цела документација и мислев може да се тера, а потоа излезе дека нема шанси да се прави нешто. Во оваа фаза не може да се направи ништо, Тошевски го има земјиштето, ама не и објектот, рече Азманов. Во врска со информациите за градење на болница со лица поврзани од СДСМ, Азманов цели дека е апсурд. -Да градам сдсм-овска болница е апсурд, јас немам никаква врска со нив, вели Азманов.

Азманов: Боки 13 ме уценуваше со документи и тврдеше дека ги добил од СЈО

Предраг Кукиќ — Fri, 20 Sep 2019 14:53:36 +0000

Бизнисменот Зоран Азманов кој два часа даваше исказ во Обвинителството за гонење на организиран криминал рече дека дал дополнение на исказот и дека „многу работи се поврзани со „Инсајдер“ медиумски проект на 1тв, од кој беше емитувана само една емисија – онаа за Зоран Азманов. Азманов кажа дека Боки 13-ка се обидел да ја искористи моќта на медиумот, да уценува и изнудува пари. „Најавата на таа емисија беше безобрана, без да ти дадат право да кажеш ни еден збор во одбрана. Во телефонски разговор (со Боки 13) го прашав од каде имаш ти право да правиш таква емисија и од каде имаш сознанија дека јас сум градежната мафија, а немам ниту еден бизнис со државата, тој ми рече да не се секирам затоа што имал информации од Финансовата полиција и од СЈО, ги имал сите документи и немал потреба ништо да истражува“ рече Азманов по распитот во Обвинителството за организиран криминал и корупција каде даваше исказ за случајот „Рекет“ кој го пријави Орце Камчев. Азманов не сакаше да каже други детали. Во периодот кога се емитуваше Инсајдер, Азманов поднесе кривична пријава против Боки 13 за барање на рекет од 50 000 евра. Азманов тогаш изјави дека Боки 13 му рекол дека „целата работа може да се среди за 50.000евра или стан“.

ССК: Бизнисменот Азманов и уште една компанија пријавија дека се рекетирани

Предраг Кукиќ — Wed, 24 Jul 2019 09:42:37 +0000

Уште еден бизнисмен, член на Сојузот на стопанските комори на Македонија пријавил дека бил подложен на рекет, а претседателката на ССК Данела Арсовска бара брз разрешница на состојбата. -Има случаи кои што се пријавени. Ние не сме орган за истражување ниту некој кој треба да ги проследува или работи, меѓутоа сме луѓе кои ги штитат нашите членови. Има повеќе од еден случај кој пријавил, дали за оваа или за друга ситуација и се ќе направиме што е во наша надлежност да ги заштитеме членовите и да се потрудиме да не се повтори, бидејќи тоа е од интерес за сите нас, изјави Данела Арсовска, претседателска на ССК одговорајќи на новинарски прашања на денешната прес-конференција. Таа истакна дека станува збор за голема компанија, не прециизирајќи за која компанија станува збор и од кој сектор доаѓа. -Ова што го слушаме навистина е нешто што ја раздрма деловната заедница. Брза разрешница е нешто што ќе ни влее малку доверба дека она што го зборуваме во изминатата година континураино, дека без владеење на правото, заштита на сопственоста и без некој да се грижи за луѓето што инвестираат, креираат работни места во земјава не можеме ништо да направиме и да постигнеме па ниту и да се трудиме да кажеме дека оваа или која било година ќе биде економска година, истакна Арсовска.

Азманов му се извинува на Кирацоски, бил погрешно информиран

Дарко Андоновски — Wed, 24 Jul 2019 07:25:41 +0000

Бизнисменот Зоран Азманов му се извинува на порталот Доказ и на екс генералниот секретар на СДСМ за искажаните обвинувања во вчерашното интервју за инфомакс.мк. „Бев погрешно информиран дека Кирацовски не дозволувал да се тргнат некои наслови и затоа се извинувам за таквата изјава во врска со Кирацовски за Инфомакс”. Ова е одговорот на Азманов откако „Доказм“ му забележал што го посочил Александар Кирацовски за наводно влијание врз уредувачката политика на порталот. Како што пишува „Доказ“, бизнисменот за наводната улога на Кирацоски бил брифиран од трето лице а не од сопственикот на порталот, поради што така се изразил во интервјуто за Инфомакс. За искажаните зборови Азманов се извинува.

И бизнисменот Азманов уценуван од осомничен(и) во „Рекет“

Предраг Кукиќ — Fri, 19 Jul 2019 13:37:55 +0000

Бизнисменот Зоран Азманов пријавил во Обвинителството дека бил уценуван од лице или лица осомничени во случајот „Рекет“. Чекорот го потврди за Алсат и додаде дека знае дека и други бизнисмени го сториле истото, но оти не сака да ги открива нивните имиња. Потврда дека се зголемува бројот на жртвите во случајот стигна и од шефицата на Обвинителството за гонење организиран криминал Вилма Рускоска.

Азманов: Се потврди дека СЈО и Финансиската полиција работеле во спрега со Боки 13 за мое рекетирање

Дарко Андоновски — Wed, 17 Jul 2019 13:32:50 +0000

Азманов е еден од бизнисмените кои се одважи јавно да проговори за начинот на рекетирање. Тој обвини за директна спрега на сега протворениот Боки 13 со специјалната обвинителка, пренесува Канал 5. Во сведоштвото на еден од бизнисмените кои бил цел на рекетирање, бизнисменот Азманов тој и денес стои зад своите зборови кога обвини дека телевизиската моќ Бојан Јовановски и блискоста со моќни луѓе ја злоупотребил за да го уценува и да го елиминира од пазарот. Повеќе детали Азманов во својата денешна изјава не сакаше да открива бидејќи веќе по допрен глас бил повикан во обвинителството за организиран криминал и не сака да и наштети на истрагата. Тој смета дека целта на рекетирањето било да се дискредитира неговиот бизнис за да може некој друг ,како што тврди тој, да нема конкуренција во градежништвото. Тој од министерот за внатрешни Спасовски уште пред неколку месеци побарал да се поведе истрага за сите наводи кои биле спомнати против него но да се спроведе истрага и за работењето на Бојан Јованоски. Азманов е еден од бизнисмените кои се одважи јавно да проговори за начинот на рекетирање. Тој обвини за директна спрега на сега протворениот Боки 13 со специјалната обвинителка. Азманов сега остава на надлежните да го решат случајот и да ги расчистат сите работи до крај.

Азманов: Во рекетарството на Боки 13, беа злоупотребувани и други моќни фигури на власта

Предраг Кукиќ — Tue, 16 Jul 2019 13:07:35 +0000

Бизнисменот Зоран Азманов кој уште во февруари го обвини Бојан Јовановски за рекет за Фактор вели дека се докажало дека се што зборувал е вистина: Во продолжение целата изјава на Азманов дадена за порталот Фактор: Рекетарството на Бојан Јовановски, викан Боки 13 одеше дотаму што тој ги злоупотребуваше врските со бившиот секретар на СДСМ, а воедно исто така беа злоупотребувани и други моќни фигури на власта како Директорот на финансова полиција, Главната специјална обвинителка Катица Јанева, големиот директор за маркетинг – нејзиниот син кој вчера заврши факултет, а јас сето тоа го кажав пред 6 (шест) месеци и истото денес се потврди. Во неговата телевизија се најдени снимки со наводна компромитирачка содржина од мои приватни разговори, меѓу другото најдени се и за многу други бизнисмени со што се потврдува и моето тврдење дека институциите на државата – СЈО и Финансова полиција работеле во спрега со Боки 13 за мое рекетирањ. Самата најава на Инсајдер Досие 03, каде сум претставен како Градежна мафија на квадрат, месец и половина пред да биде објавена емисијата, пред да ми се даде шанса да дадам било каков исказ и без да има било какви докази за било каква моја вмешаност на градежен бизнис со државата, ја покажува и докажува рекетарската намера на Боки 13 и неговата телевизија, кој во тоа време уживаше многу голема поддршка од луѓе во втор и трет ешалон од власта, а сега истите се разрешени. Таквиот рекет Боки 13 не би можел никогаш да го прави сам без да има помош од овие институции кои ги погоре споменав, без да има такви конекции со специјалната јавна обвинителка Катица Јанева и со директорот на Финансова полиција. Имам сознанија дека за мојата дискредитација преку Инсајдер, Боки 13 и неговите пајташи кои преку ред го пласираа во етер Досие 03 без никакви докази, истото исклучиво базирано врз лажни приказни дадени од страна на мои должници, примале огромна сума на пари од мојата конкуренција, кои не би сакал сега јас да ги споменувам, а за кои фирми точно се знае кои се, па заради тоа директорот на Финансова полиција од петни жили се трудеше да ме притвори мене и уште еден голем бизнисмен од градежниот сектор, само за да не тргнат од пазарот на недвижности во Скопје и на наше место да дојдат нови градежни компании, кои нема да ја имаат нашата конкуренција. Тое е причината зошто Боки 13 по секоја цена сакаше да ме дискретитира на таков подмолен и безобразен начин, со најава каква што беше и со немање никакви докази за било каква вмешаност во мафијашка работа од моја страна. Тоа што Сашо Ордановски го тврдеше во своите вести заедно со Боки 13, дека Инсајдер била емисија која се емитува врз основа на највисоки критериуми во новинарството и веродостојни докази излезе дека е чиста лага, па го повикувам овој познат новинар, наводно голем поборник за правда, го повикувам на било кој медиум на дуел за да видиме кој е градежна мафија, а кој е медиумска мафија и рекетар со аргументи и докази, а не со лажни приказни бидејќи тоа што беше изнесено во Инсајдер многу лесно се докажува дека не е вистина, а истото важи и за господинот Чомовски, кој заедно со Ордановски беа познати како најголеми поддржувачи и восхитувачи на добро познатиот рекетар Боки 13, злоупотребувајќи ја нивната моќ да влијаат преку медиумот кој го владеат. Многу е лесно да си направиш емисија за било кого и да го оцрниш, на база на лажни искази и лажни обвинувања без да се соочиш со фактичката вистина и аргументите на спротивната страна што се обидуваш да ја оцрниш. Тоа е најниското ниво на новинарство, спротивно на сите етички и морални кодекси на новинарството, токму тоа е тоа што го правеа Сашо Ордановски и Боки 13 заедно со своите соработници – вели Азманов во изјавата.