Зоран Башановиќ – Kurir.mk

Вучиќ: Советникот на Заев, Зоран Башановиќ е газда на пола Македонија

Тале Кристо — Wed, 10 Feb 2021 08:29:28 +0000

Еден од најблиските луѓе на претседателот на Србија, Александар Вучиќ, неговиот кум Никола Петровиќ, ја купил авиокомпанијата „Ер Пош“ од контроверзниот бизнисмен Станко Суботиќ, откриваат КРИК и ОЦЦРП. Според КРИК, оваа зделка е направена далеку од очите на јавноста – Петровиќ ја скрил зад оф-шор компанија регистрирана во Луксембург. Кумот на претседателот ја купил компанијата која е сопственик на авионот вреден повеќе од половина милион евра, судејќи според договорот, доста евтино, за само 100.000 евра, според КРИК. Запрашан за коментар, Вучиќ рече дека нема идеја што купува и што прави неговиот кум … -Тој е во приватниот сектор, тој отсекогаш бил богат човек. Имам и друг кум, Зоран Бажановиќ, кој купува телевизии со Џилас и заедно со Џилас денес ме уништува, имам многу кумови, но не знам што има тоа со мене. Човекот цел живот бил во приватниот сектор, немам ништо со тоа… Никогаш не сум имал приватен бизнис, никогаш не сум возел со неговите автобуси, авиони или што било друго… Ова е човек кој бил богат многу пред политиката, и единствената врска што ја имаше со државата е кога режимот на ДС му даваше дозволи за некои хидроцентрали: Во наше време, тој не доби ништо од тоа. „Она што го работи приватно е негова лична работа, рече тој. А го споменав другиот мој кум. И мојот кум (Зоран) Башановиќ – Гледам дека сите сили се обидува да ме сруши, а ја поседува половина од Грција и Македонија, да се каже метафорички. Верувајте ми – тој не доби ништо од мене, ниту може. Горд сум на фактот дека сега ќе се формира оваа комисија за испитување на имот, и ќе побарам да бидам барем во првите десет чиј имт ќе биде проверен, бидејќи сакам да им покажам на граѓаните колку многу ги почитувам – имотот не ми е зголемен во последните девет години, ниту имотот на моите блиски роднини … Немам сметки во ниту една странска банка, не ме интересира богатството, имам едно хоби, сакам да се напијам добро вино, но сега сум повеќе ориентиран кон „домашна“,рече тој. Вучиќ, исто така, истакна дека тој сè уште вози Шкода, -Кога ќе се обидам да избегам од безбедносните луѓе, најмногу сакам да возам со Синиша Мали“ и дека е регистриран кај неговиот брат, дека станува збор за автомобил од 2006 година.

Башановиќ ургирал кај Заев за Мандиќ да не оди во притвор – „Ќе видам што ќе направам“ рекол Заев

Магдалена Андонова — Thu, 10 Dec 2020 11:23:58 +0000

Обвинетата во случајот „Меѓународен сојуз” Јасна Мандиќ на денешното судско рочиште на кое обвинителството читаше вибер-комуникација од нејзиниот телефон, за една од нив кажа дека не е нејзина, туку препратена комуникација од премиерот Зоран Заев и од поранешниот негов советник Зоран Башановиќ, кој наводно брка врски за неа да не оди во притвор, пренесува СДК. Обвинителката Милица Гаврилова немаше коментар. Откако според вибер-комуникацијата, едното лице (според Мандиќ, Башановиќ) му вика на другото (според неа, Заев) да види ако може Јасна да не оди во притвор, наводниот Заев му вели: „Знаеш дека тоа зависи од обвинителството и од судот. Ќе видам што можам да направам”. Тогаш, за разлика од првообвинетиот во „Меѓународен сојуз” Бојан Јовановски-Боки 13, Мандиќ доби куќен притвор. Обвинителката Вилма Русковска тогаш појасни дека ваквата мерка за Мандиќ е поради тоа дека има дете со здравствени проблеми, пушува СДК. За случајот со невладината организација Меѓународниот сојуз, основана од Бојан Јовановски-Боки 13, преку која според обвинението биле измамени бизнисмени за наводни центри за возрасни лица, обвинети се и Фросина Ременски, Миле Јовановски, таткото на Боки 13 и Јасна Мандиќ-Ерцеговиќ. Јовановски е обвинет за измама и перење пари. Ременски е обвинета за помагање во делото измама, Мандиќ за помагање во измамата и перењето пари, Миле Јовановски се терети за помагање во перењето пари и за неовластено изработување, држење, посредување и тргување со оружје. Како правно лице обвинета е и невладината организација „Меѓународен сојуз”.

Башановиќ уште една година ќе го советува Заев

Предраг Кукиќ — Thu, 15 Aug 2019 09:20:01 +0000

Премиерот Зоран Заев летово ги продолжил договорите на четворица соработници од Србија на период од уште една година, објави БИРН, повикувајќи се на потврда од владината прес-служба. Поранешниот естраден менаџер Зоран Башановиќ и ексдиректорот на државната компанија за производство и за дистрибуција на струја во Србија ЕПС, Александар Обрадовиќ се надворешни соработници за економски прашања, човекот што ја водеше српската Агенција за приватизација, Љубомир Шубара му помага на премиерот околу финансиите, банкарството и околу инвестициите, додека како ИТ-експерт е ангажиран Владимир Цветковиќ. Месечниот надоместок на Башановиќ е од 1.500 евра, додека Обрадовиќ, Цветковиќ и Шубара земаат по 1.200.

Вучиќ: Советникот на Заев, кој го протеравме од Белград, крадеше гаќи во Америка

Предраг Кукиќ — Mon, 18 Mar 2019 14:46:31 +0000

Српскиот претседател Александар Вучиќ вчера обвини дека Зоран Башановиќ, специјалниот советник на македонскиот премиер Зоран Заев, крадел гаќи кога бил во Америка. Вучиќ на прес-конференција по синоќешниот упад во РТС, додаде и дека група криминалци кои Србија ги протерала, сега работи во Скопје. Инаку, Башановиќ е надворешен соработник за економски прашања на премиерот Заев. – Па има група криминалци од тука, од Белград, која сака да работи во Скопје. Бандити кои ние ги протеравме од тука. Од Саша Мирковиќ, Башановиќ. Сите докажани криминалци. Овој крадеше гаќи во трговски центар во Америка и така натаму. Сега е голем советник и е многу важен а за другиот не сакам ниту да зборувам – изјави Вучиќ.

Николоски: Советникот на Заев директно преговарал со грчката страна за промена на името

Ивана Ефремовски — Wed, 04 Jul 2018 21:55:28 +0000

Александар Николоски, потпретседателот на најголемата опозициска партија ВМРО-ДПМНЕ во емисијата 60 минути на телевизија Алфа, изјави дека најплатениот советник на Заев, Зоран Башановиќ директно преговарал со Грција за промената на уставното име на Република Македонија.

Николоски го спомена фамозното славење на Нова Година на Заев во Солун каде требаше да присуствува и грчкиот премиер Ципрас, но сепак на крајот Заев ја помина вечерта со солунскиот градоначалник Бутарис.

Потпретседателот на ВМРО-ДПМНЕ истакна дека додека Заев бил во Солун, Ципрас славел Нова Година во Белград заедно со Зоран Башановиќ и го склопувал договорот со Грција. Според него дилот за промена на името е направен многу порано, а за возврат на Заев му се ветени многу работи.

Само пред неколку дена во своето гостување на телевизија Пинк 3 Инфо во емисијата „Правац“, потпретседателот на ВМРО-ДПМНЕ објави ексклузивна информација дека впрочем Зоран Башановиќ е главниот покровител на договорот за промена на уставното име на Република Македонија и врската помеѓу Заев и Ципрас.

-Сега имаме состојба каде, господинот Башановиќ е најплатениот советник во македонската Влада, тој наводно е најголемиот експерт кој ја советува Македонија. Според некои неофицијални информации, тој ја организира промената на името на Македонија. Според некои неофицијални информации, тој беше главната врска, посредник и контакт помеѓу Заев и господинот Ципрас, бидејќи е пријател и со двајцата и тој е оној кој го направи овој договор кој сега го имаме со Грција кој е тотална национална катастрофа за нас,изјави Николоски во емисијата „Правац“ .

Николоски: Башановиќ беше врската помеѓу Заев и Ципрас за промена на името

Ивона Петрова — Thu, 28 Jun 2018 22:05:49 +0000

Во своето гостување на телевизија Пинк 3 Инфо во емиисијата ,,Правац’’, потпретседателот на ВМРО-ДПМНЕ, Александар Николоски објави ексклузивна информација дека впрочем Зоран Башановиќ е главниот покровител на договорот за промена на уставното име на Република Македонија. Николоски истакна дека договорот со Грција претставува национална катастрофа, чиј посредник е најплатениот советник во владата на Заев, Зоран Башановиќ. Според Николовски, српскиот советник во владата е личен пријател со Заев и Ципрас и бил одговорен за контакт помеѓу двата премиера. -Сега имаме состојба каде, господинот Башановиќ е најплатениот советник во македонската Влада, тој наводно е најголемиот експерт кој ја советува Македонија. Според некои неофицијални информации, тој ја организира промената на името на Македонија. Според некои неофицијални информации, тој беше главната врска, посредник и контакт помеѓу Заев и господинот Ципрас, бидејќи е пријател и со двајцата и тој е оној кој го направи овој договор кој сега го имаме со Грција кој е тотална национална катастрофа за нас, вели тој. Башановиќ, инаку, е познат како естраден менаџер во Србија, каде што токму естрадните ѕвезди го опишуваат како манипулатор и измамник. Зоран Башановиќ во 2012 година, заедно со сопругата Бојана беа во фокусот на српските медиуми кога во Мајами беа уапсени за кражба на долна облека и постелнина во износ од 5.000 долари од трговски центар. Двајцата се пуштени ден подоцна со кауција од 1.000 долари. Интересен е и фактот дека Башановиќ и Заев, како што пишуваат белградските медиуми, се запознале во Грција, каде што и двајцата имаат вили на море.