зоран божиновски – Kurir.mk

МВР прегледува снимки од камери за нападот врз Божиновски, Спасовски очекува брзо решение

Ивона Петрова — Fri, 28 Oct 2022 07:37:40 +0000

Министерот Оливер Спасовски во емсијата „Вин-вин“ потенцираше дека за МВР е приоритет расчистување на случајот за физичкиот напад врз сопственикот на порталот „Буре Весник“ Зоран Божиновски кој деновиве се случи пред домот на неговата сопруга во Битола. Министерот силно го осуди овој напад, потенцирајќи дека не постои оправдување за таков акт, односно за насилство врз било кој човек во државата. -Во моментот интензивно се работи на случајот. Подигнати се камери од 31 место во делот на трасата каде што се движеле луѓето. Првичните сознанија се прибираат. Сега се употребуваат и други истражни мерки коишто се побарани од страна на Обвинителството да бидат спроведени, така што сметам дека брзо ќе дојдеме до одговорот на ова прашање, истакна министерот.

Запрашан за нивото на политичка комуникација и говор со кој се служат одреден дел од политичките субјекти во државата, со што се создава јаз помеѓу граѓаните, министерот предочи дека политичарите, како највлијателни во општеството, се и најодговорни за оваа ситуација, но и за можноста за нејзино отстреанување. -Бараме да бидеме обединети во општеството по многу прашања, а ако бараме обединетост, мораме да имаме минимум пристојна комуникација за тоа што го бараме. Таквата комуникација го компромитира вредносниот систем кај граѓаните, тоа се пренесува после на граѓаните, претежно кај младите луѓе“, рече Спасовски и порача дека сите политички битки, без разлика каде и да се водат, мораат да бидат водени на јазик кој е прифатлив за сите и им дава шанса на аргументите, а не на навредите.

Претепан новинарот Зоран Божиновски (ВОЗНЕМИРУВАЧКО ФОТО)

Магдалена Андонова — Wed, 26 Oct 2022 08:49:17 +0000

Синоќа бил претепан новинарот Зоран Божиновски, кој а уредник на порталот „буревесник“. Божиновски бил нападнат пред неговата куќа во Битола и со повреди бил пренесен во битолската болница, а неговата сопруга била сведок на целиот инцидент. На Божиновски му е скршен носот и има други повреди на главата. Изутринава е пуштен на домашно лекување, но попладнево повторно мора да се јави во болница, објави ПлусИнфо.мк Напаѓачите најверојатно биле вооружени со метални боксирачи на рацете. Настанот бил пријавен во полиција.

Материјалите предадени во судот: Познато е какви “бомби“ ќе одекнат за Заев

Ивана Ефремовски — Mon, 18 Jan 2021 15:24:24 +0000

Денес помина моето соочување со тужителот, ПРЕМИЕРОТ ЗОРАН ЗАЕВ, во предмет тужба за клевета и навреда против мене, на тема АД ,,ГАМА,,. ПРЕМИЕРОТ дојде, а не дојде граѓанинот ЗОРАН ЗАЕВ, пишува новинарот Зоран Божиновски. Неговиот Фејсбук статус го пренесуваме во продолжение: ИАко тужбата ја поднел граѓанинот, иако ЛИЧНО е навреден, на суд дојде со седумчлена телесна придружба и со адвокатот МИКИ ВУИЧ, дојде со службено возило, со оној МЕРЦЕДЕС купен од ЧУДОВИШТЕТО од БУДИМПЕШТА, денес довезен пред суд противзаконски... На почетокот на соочувањето судијката се обиде да ја исклучи јавноста поради некакви здравствени протоколи. Се обиде да ја исфрли од судница мојата сопруга ПАНДА СОЛУНЧЕВСКА, ЉУПЧО СТОЈАНОВСКИ ЦРНИОТ, ДЕЈАН РИСТЕСКИ (трикратно исфрлен од ТЕЛЕКОМ во режија на ЗОРАН ЗАЕВ!), имаше новинари од ТВ СИТЕЛ и РЕПУБЛИКА, а присутен беше и ИЛИЈА МАКСИМОВСКИ, слободен новинар/истражувач, дописник на медиуми од странство... На обидот да биде исклучена јавноста си станав, напуштив со сите нив, на судијката патем и објаснив дека по ЗКП е должна да обезбеди услови за присуство на сите заинетересирани и дека јас нема да присуствувам ако тоа не биде сторено бидејќи сум тужен за текст кој сум го објавил во интерес баш на јавноста. Нагласив и дека е ова суСвото кое го реформира присутниот ПРЕМИЕР па немаме услови за судење... Настана вознемирување кај судијката и сите присутни, па за кратко бевме известени дека ќе се преселиме во поголема сала на третиот кат, што и се случи... Соочувањето со ПРЕМИЕРОТ помина во обид на мојот адвокат САШКО СТАНИНОВ и мој обид да го прашаме ПРЕМИЕРОТ, ама постојано упаѓаше неговиот адвокат ВУИЧ, со приговори до судијката да не ги дозволи прашањата. Таа ги уважи неговите приговори, па СТАНИНОВ и јас бевме оневозможени од судијката да го прашаме ПРЕМИЕРОТ. Затоа на судот ги предадов сите материјали врз основ на кои е пишуван спорниот текст за кој сум тужен, околу 2.000 страници, а предадов и два УСБ стика, на кои се две аудио снимки: Едната е разговор од сетот ,,бомби,,, помеѓу МИРОСЛАВ ВУИЧ и ЉУПЧО ШВРГОВСКИ, од кој се слуша на кое ниско ниво и вулгарно разговараат за жени, меѓу кои и за ,,еден авион од 22 години, за кој вреди секој потрошен грам СПЕРМА). Оваа снимка ја предадов на судот затоа што на второто рочиште од ова судење, ВУИЧ со инсерт од наша приватна вибер комуникација се обиде на судот да ме претстави како вулгарен, некултурен и безобразен. Дадов снимка за да слушне судот колку е ВУИЧ заедно со ШВРГОВСКИ, културен, невулгарен и небезобразен... Втората снимка е онаа од ручекот на АЛЕКСАНДАР ВЕРУШЕВСКИ, син на ЗОРАН ВЕРУШЕВСКИ, со ЗОРАН ЗАЕВ во хотел ПАРК. во август 2016 година. Тема е посредништво на АЛЕКСАНДАР, за договор на САШО МИЈАЛКОВ со ЗОРАН ЗАЕВ, за до ден денес да ни се случува оваа несреќа која ја живееме. Таа снимка во 18 часот јавно ќе ја емитувам, заедно со објава на ТРАНСКРИПТ од истата, за да имате можност и да чуете и да читате КАКОВ ЧОВЕК Е ЗОРАН ЗАЕВ и КОЛКУ Е ДОСТОЕН ДА ЈА РАКОВОДИ ВЛАДАТА, па и СДСМ истовремено... Инаку, судијката ме праша: ,,Што занчи насловот на текстот за кој сте туже, ЗАЕВ КАПУТ?,, Одговорив дека ви притвор во ШУТКА е многу ладно, слабо греат, да си понесе КАПУТ како иден притвореник, затоа што договорот за ,,ГАМА,, реализиран преку предлог закон во скратена постапка сред кризна состојба е ЕКВИВАЛЕНТ НА КИНЕСКИТЕ КРЕДИТИ од кои ЧУДОВИШТЕТО наплатило провизија и кривично е гонето! Истото го чека ЗОРАН ЗАЕВ, па во ШУТКА ЌЕ МУ ТРЕБА КАПУТ! На крај се заблагодарив на судијката што и денес суди во суд во кој секаде над судиите на ѕидот стои амблем на кој пишува РЕПУБЛИКА МАКЕДОНИЈА, наместо РЕПУБЛИКА СЕВЕРНА МАКЕДОНИЈА која не е моја земја... Ако тоа е воопшто битно, денес ниту на влегување во судот, ниту на излегување, НИТУ ЕДЕН НОВИНАР, ОД НИТУ ЕДЕН МЕДИУМ - НЕ ПОБАРА ИЗЈАВА ОД МЕНЕ! Дали не смееја или све им е јасно, пак е сосема небитно.

Ослободителна пресуда за Зоран Божиновски

Ивана Ефремовски — Tue, 11 Feb 2020 12:14:28 +0000

Кривичниот суд денеска донесе ослободителна пресуда за новинарот Зоран Божиновски во случајот „Шпион“. На 21-ви минатиот месец Кривичниот суд им изрече ослободителна пресуда на петмина обвинети во случајот „Шпион“ за кој се води повторена постапка, откако Апелација делумно ја укина пресудата. Во предметот „Шпион“, со првостепената пресуда сите деветнаесет обвинети беа прогласени за виновни.

СЈО делумно се откажа од обвинението против новинарот Зоран Божиновски

Ивона Петрова — Fri, 20 Jul 2018 10:04:35 +0000

Специјалното јавно обвинителство делумно се откажа од обвинението против новинарот Зоран Божиновски, кој наместо за три кривични дела по шест точки ќе биде обвинет за три кривични дела по пет точки. СЈО, кое за случајот „Шпион“ ја презема надлежноста во март годинава, се откажа од точката 27, поради тоа што во обвинителниот акт, Основното јавно обвинителство за гонење организиран криминал и корупција, кое досега постапувало за случајот, нема наведено правна квалификација за кривичното дело. Во одговорот на СЈО на прашањата на ЗНМ во врска со случајот на Божиновски, се вели дека точката се однесува на дејствие на друго лице за кое тоа лице веќе е осудено. За тоа веќе бил известен судот, кој се очекува да донесе решение за запирање на постапката по таа точка. Основното јавно обвинителство за гонење организиран криминал и корупција никогаш не дало објаснување зошто до март годинава одбило да ја признае надлежноста на СЈО над случајот „Шпион“. МИА