зоран димитровски – Kurir.mk

Димитровски: Сценариото на владата е никогаш да не се стават на гласање уставните измени

Ристе Здравков — Thu, 17 Aug 2023 17:24:54 +0000

Сценариото на владата е никогаш да не се стават на гласање уставните измени, се плашат дека и пратеници од СДСМ нема да гласаат,а доколку Бугарија прифати спроведување на пресудите од Стразбур, Демократски сојуз ќе размисли за поддршка на измените. Генералниот секретар на Демокраски сојуз Зоран Димитровски во гостувањето на „Вести плус“ во врска со неговите очекувања од утрешната пленарна седница за уставните измени посочи дека не очекува дека предлогот за отворање на Уставот воопшто ќе биде ставен на гласање, поради тоа што владеачкото мнозинство се плаши да види дека имало и пратеници од СДСМ кои нема да гласаат за отворање на Уставот. Според Димитровски првата фаза од собраниската процедура за промена на Уставот ќе се одолговлекува се до последниот ден од мандатот на оваа Влада. Еден од клучните услови Демократскиот сојуз да поддржи промена на Уставот е Бугарија да прифати да ги спроведе пресудите од судот во Стразбур и да ги прифати македонските здруженија, рече генралниот секретар на партијата, Зоран Димтровски во „Вести Плус“ на Канал 5. „Ако за Бугарија е ситница и не е голема работа промената на македонскиот Устав за внесување на Бугарите, тогаш уште поголема ситница е Бугарија да ги прифати примени пресудите од Стразбур и да ги прифати македонските здруженија. Ние уште од почетокот говориме дека тоа е еден од условите и Демократскиот сојуз да гласа за внесување на Бугарите во Уставот“, рече Димтровски.

Димитровски: Потребна е Влада која што ќе се бори за националните интереси, а не да ги предава на првата препрека како оваа што направи

Ивана Ефремовски — Tue, 13 Jun 2023 17:35:21 +0000

„Ние мораме да видиме подадена рака од Софија. Ние мораме да видиме регистрација на македонски здруженија“, истакна Зоран Димитровски во емисијата „Само вистина“ на Канал 5 телевизија говорејќи дека се потребни гаранции од Бугарија дека нема Македонија по уставни измени да се соочи со нови блокади. Димитровски додаде дека ЕУ и Европскиот Совет исто така ќе треба да дадат гаранции дека билатералните прашања и идентитетските прашања нема да смее да бидат фактички предмет на вето од страна на Бугарија во македонските евроинтеграции. „Зошто се прави театар од уставните измени? Дури и Бујар Османи кажа неколку пати дека работната група во суштина и нема што да работи, значи тие само трошат пари и купуваат време. Идејата е дека 80 пратеника од власта немаат“, рече тој. „Кој е проблемот? Зошто избори? Оваа Влада го изгуби тој патриотски политички легитимитет. Мнозинство на граѓани сметаат дека владата не се бори за заштита на македонските национални интереси“, нагласи Димитровски. Тој укажа дека е потребна Влада која што ќе се бори за македонските национални интереси, а нема да ги предава на прва препрека.

Димитровски: Не може Ковачевски со политички спин за дневно политички поени да посочува дека ВМРО-ДПМНЕ прифатило уставни измени, излез од овој ќорсокак се предвремени парламентарни избори

Ивана Ефремовски — Tue, 13 Jun 2023 17:18:25 +0000

„Понудата на премиерот не е искрена. Идејата на премиерот е фактички да посочи дека ВМРО-ДПМНЕ сака само да дојде на власт, и дека ништо друго не го интересира. И ете сега се расфрла со функции во смисла еве и премиер сум спремен да ви дадам. Позицијата премиер, фактички позицијата составување на Владата се добива на избори, а изборите се за една година можеби за помалку од една година пред нас, ако нема и предвремени избори така што нема што премиерот да се расфрла со функции“, истакна Зоран Димитровски во емисијата „Само вистина“ на Канал 5 телевизија. Димитровски додаде дека лидерската средба беше изнудена и задоцнета. „Ковачевски пред неколку месеци говореше дека нема што тој да разговара со лидерот на ВМРО-ДПМНЕ. И Ковачевски одбиваше лидерска средба со идеја дека тој знае како да обезбеди 80 пратеници за 2/3 мнозинство за изгласување на уставните измени. И кога виде не може така да функционира и кога се обиде на сите можни начини меѓудругото и со разузнавачки подземни трикови и служби да стигне до 80 пратеници виде дека тоа не функционира. И на крај премиерот се обрати до ВМРО-ДПМНЕ, она што требаше да се случи според мене пред францускиот предлог“, заклучи тој. Тој посочи дека вистинскиот дијалог помеѓу Ковачевски и Мицкоски требаше да се случи пред францускиот предлог. „Мицкоски по лидерската средба кажа кои се предлозите, детално ги образложи, и кажа дека нема договор на таа средба. Веднаш потоа беше на некој начин злоупотребен дека тој се согласил на уставни измени. Вие не можете со политички спин чисто наменето за дневно политички поени да го посочувате ВМРО-ДПМНЕ дека прифатил уставни измени“, нагласи Димитровски. Тој рече дека решение за излез од овој ќорсокак се предвремени парламентарни избори.

Зоран Димитровски поднесе оставка од функцијата заменик-министер за локална самоуправа

Тале Кристо — Wed, 08 Mar 2023 11:24:09 +0000

Претседателот на Собранието, Талат Џафери на почетокот на 107. седница информира дека Зоран Димитровски поднел оставка од функцијата заменик-министер за локална самоуправа. Џафери потенцира дека Димитровски не сакал да го користи правото да ги образложи причините за оставка и со ова му престанува функцијата. Оставката на Димитровски следува по излегувањето на неговата партија Демократски сојуз од владината коалиција.

Димитровски: Ковачевски не го испратил Османи да го види Пендиков, Османи отишол самоволно зошто тогаш бил на скиење во Бугарија

Ристе Здравков — Fri, 17 Feb 2023 10:33:44 +0000

Зоран Димитровски, од Демократски Сојуза во неговото гостување во радио Лидер зборуваше за случајот со претепаниот Пендиков каде детално објасни што се премиерот Димитар Ковачевски раскажал што се точно се случило. -Токму во тој период се погоди да имаме коалициска средба со премиерот Ковачевски, сите коалициони партнери кои имаат пратеници во парламентот. Токму тие денови се случуваше настанот со Христијан Пендиков и премиерот ни раскажа што навистина се случило во тој контекст. Ни кажа дека нашето МВР го расчистило случајот и дека станува збор за тепачка за наркодилерство, за долг од 500 евра и кој што подолго време го барале и дека во таа тепачка имаме елементот на омраза. Кога кажавме дека ЈО поднело за омраза и премиерот тогаш ни раскажа, дека кога се направила полициска истрага, министерот за внатрешни работи се јавил на министерот за внатрешни работи на Бугарија и му го кажа сето тоа и обвинителството ќе истражува понатаму дали има и други мотиви, рече Димитровски. Димитровски во текот на своето гостување потенцираше дека Ковачевски посочил дела Бујар Османи не бил испратен како владин функционер да го посети Пендиков туку дека Османи бил на скиење во Боровец и паралелно ќе го посетел Пендиков. -Во тој момент една од присутните го праша премиерот, добро зошто во тој случај го испраќате Бујар Османи во болница во Софија, да го види повредениот, да се извинува и така натаму. Премиерот тогаш ни одговори, не го испративме ние, ми се јави синоќа Бујар Османи и ми рече јас ќе одам во Софија, утре, и го прашал зошто одиш во Софија, па Османи му рекол ќе одам два дена на скијање во Боровец и ќе одам утре во Софија, да го видам Пендиков. Зошто ќе одиш да го видиш Пендиков? Настанот е малку контроверзен, го земаа со авион и така натаму. И добро зошто ќе одиш да го видиш Пендиков, сеуште не е расчистен случајот, имаме полициска истрага во која гледаме дека случајот е за дрога. Па Бујар Османи му рекол знаеш јас се слушнав со Американците, рекоа дека можеби е добро да го посетам заради тензиите да се намалат меѓу двете страни, кажа Димитровски. Димитровски во врска со ова го посочи следново: -Посетата на Пендиков од страна на Османи од аспект на дипломатија е ок, но ништо не го оправдува Османи да даде изјава во која што ќе каже таму дека верува на семејството дека дечкото е тепан заради тоа што е Бугарин, а да не се каже и оној другиот момент дека претходно дека имал кривична пријава за наркодилерство.

Димитровски за Бугарите во Уставот: Ќе биде единствено малцинство во светот на кое што ќе му биде дадено легитимното право да го негира мнозинскиот народ

Ристе Здравков — Fri, 17 Feb 2023 10:31:21 +0000

Доскорашниот заменик министер за локална самоуправа Зоран Димитровски во гостување во Радио Лидер зборувајќи за аспектите и последиците од вметнувањето на Бугарите во Уставот на Република Македонија истакна дека со таквиот потег Бугарите би станале единствено малцинство во светот кое би го имало легитимитетот да го негира македонскиот народ кој е мнозински. -Вие сакате малцинство да стане дел од Уставот во Македонија, Бугарите да станат дел од Уставот, како уставотворен народ велат они не како малцинство кое што ќе го има правото да го негира мнозинскиот народ, затоа што за тоа се работи. Се работи за нивната и реторичка, меѓутоа и политичка идеа дека македонскиот народ е коминтерноска творба. Да се даде легитимитет на малцинско право за негирање на мнозинскиот народ, тоа го немате никаде во компаративната историја или политичка наука на малцинства во светот. Ќе биде единствено малцинство во светот на кое што ќе му биде дадено легитимното право да го негира македонскиот народ, истакна Димитровски. Димитровски потенцираше и дека е загрижен за анационалните политики кои ги води Владата и дека ако се продолжи со вакви политики допрва ќе следи етнички инженеринг вештачко менување на етничката карта во Македонија. -Загрижен сум за иднината на Македонија поради анационалните политика на Владата, тек допрва следи етнички инженеринг бидејќи доколку Владата на Македонија продолжи вака Бугарската држава ќе продолжи да создава Бугари во Македонија. Позиционирањето на бугарското малцинство во Македонија не е само тие да ги добијат основните културни права и тука да заврши целата приказна, заклучи Димитровски.

Димитровски поднесе оставка од функцијата заменик-министер за локална самоуправа

Тале Кристо — Tue, 14 Feb 2023 10:29:58 +0000

Заменик-министерот за локална самоуправа Зоран Димитровски, кој е од редовите на Демократскиот сојуз, денеска поднесе оставка од функцијата, потврди за МИА претседателот на Демократски сојуз Павле Трајанов. Повлекувањето од функцијата следува откако Демократскиот сојуз вчера ја напушти владината коалиција. Премиерот Димитар Ковачевски претходно изјави дека очекува функционерите на ДС да поднесат оставки, оценувајќи дека одлуката на Демократскиот сојуз не претставува никакво нарушување на стабилноста на владиното мнозинство.

Се поочигледно: Паѓа и владата на СДСМ и ДУИ

Ристе Здравков — Wed, 22 Jun 2022 17:51:20 +0000

По Горан Милевски од ЛДП, пред малку и партијата на Павле Трајонов се изјасни околу францускиот предлог. Имено во „Топ Тема“ на ТВ Телма Зоран Димитровски од ДС изјави дека доколку Ковачевски го прифати францускиот предлог тие ќе излезат од владата. Се поочигледно е дека доколку македонската влада го прифати овој предлог, истата ќе се распадне, а Македонија ќе влезе во нови предвремени избори

Димитровски: Најголем мајмун излегов кога ја поддржував Катица и СЈО, а корупцијата се чувствува насекаде во државата

Ивона Петрова — Fri, 12 Feb 2021 09:17:03 +0000

Заменик министерот за локална управа Зоран Димитровски во гостувањето во „Радио Лидер“ истакна дека клучниот проблем во Македонија е корупцијата и организираниот криминал. -Вие не можете да се вадите на релативизации, да кажете дека станува збор за перцепција. Корупцијата пред се се мери како перцепција. Или пак да кажете дека перцепција е на луѓе од онаа, или оваа фела. Не може против параметрите, зар вие не ја чувствувате корупцијата во општеството? Вие сметате дека сте завршиле со правдата во Македонија“, праша Димитровски во однос на рангирањето на Македонија во Транспаренси Интернешнл и оправдувањата на власта. Димитровски додаде дека најголем мајмун излегол кога се обзнани криминалот на Катица Јанева. Тој верувал во Јанева и во институцијата, но жал правда немало, единствено сите граѓани кои ја поддржуваа излегоа мајмуни, вели тој. Кога правда во Македонија нема, како граѓаните ќе веруваат дека во државата нема корупција. -Доживеавме да станеме сите ние мајмуни кои што одевме со маичките на СЈО, вие можеби не сте биле дел меѓу нив, но јас сум бил. Успеаја да не направат мајмуни. И сега кога најголемата надеж во правда во Македонија ќе ја изгубите, нормално како очекувате борбата против корупцијата да биде на некакво високо рамниште на скалата, истакна Димитровски.

Скандал: Димитровски призна дека во документи Бугарија сака да пишува ФИРОМ наместо новото име

Магдалена Андонова — Mon, 26 Oct 2020 19:39:29 +0000

Зоран Димитровски вечерва во емисијата „Само вистина“ од позиција на заменик за локална самоуправа посочи во одредени проекти со Бугарија се употребува се уште името ФИРОМ, бидејќи Бугарите не сакаат да пишува никаде Северна Македонија. - Во министерство за локална самоуправа каде што имаме одредени прекугранични проекти со Република Бугарија дека секаде се става забелешки на терминот Северна Македонија, особено ако се употреби бидејќи ЕУ има стандарди да го употребува скратеното име во одредени документи, не целото име. И поради забелешките на Бугарите има одредено соломонско решение повторно е вратено старото уставно име во игра ФИРОМ, нагласи Димитровски. Димитровски додаде дека во одредени проекти и документи со Бугарија се употребува се уште името ФИРОМ.