Зоран Џорлев – Kurir.mk

Внукот на Џорлев го истетовира ликот на починатиот музичар: „Вујче мој, додека сум жив и ти ќе живееш секогаш со мене“ (ФОТО)

Ивана Ефремовски — Wed, 17 Feb 2021 14:36:36 +0000

Младиот пејач Огнен Здравковски е внук на Зоран Џорлев, македонскиот музичар кој почина на почетокот на годинава. Тој го истетовира неговиот лик на раката и тетоважата ја покажа на социјалните мрежи. Испрати и моќна порака: „Вујче мој, додека сум жив и ти ќе живееш секогаш со мене“.

Синот на Џорлев: Славете го неговото име, плачете го вчерашниот ден – Се што ќе продолжам да правам е за татко ми

Ивона Петрова — Sat, 02 Jan 2021 11:33:06 +0000

Наско Џорлев, син на познатиот виолинист Зоран Џорлев, кој вчера на 53-годишна возраст почина од компликации од коронавирусот, денеска преку статус на Фејсбук се прости од својот татко. -Вчерашниот ден, беше најтажниот ден што се има случено на мене и на моето семејство. На вчерашниот ден сфатив дека животот е толку суров и до крај ќе остане исполнет со тага, на местото каде што ми се откина дел од душата. Моето семејство и светов изгуби еден од најдобрите луѓе кои постоеле и ќе постојат. Полн со живот, позитива и безрезервна љубов за сите во неговиот живот. Имаше многу планови за што понатаму, никогаш не се откажуваше, неговиот оган гореше силно до крај. Во плановите не имаше вклучено мене и брат ми секогаш, таман дури почнавме и да свириме заедно поредовно. За секој имаше време да посвети внимание, секогаш сакаше да помогне, без разлика колку и да беше близок, се додека му треба помош. За секој имаше љубов и разбирање, и се правеше од срце и на чесен начин на кој повеќето луѓе не можат ни да замислат. Другар, искрен и добар, народен човек, мојот херој. Мојот татко, мојот прв пријател, моето се. Се што имам е од татко ми, се што сакам и правам денес е поради татко ми, се ми имаш пружено. Се што ќе продолжам да правам е ЗА ТАТКО МИ. Фала ти тато за се, тато е најдобар тато, душичке наша! За него, славете го неговото име и паметете го засекогаш, а плачете го вчерашниот ден! Оваа слика е последната наша заедничка, кога ја редевме елката. Му ја испративме заедно со еден Дедо Мраз како поклонче за Нова година. Последниот здив го има испуштено држејќи ја. Зоран Џорлев – сопруг, татко, брат, другариште, човечиште, маестро… Те сакаме, немаш појма колку ќе ни фалиш, засекогаш и повеќе! Твоите Наско, Мартин и Офелија“, напиша Наско Џорлев.

Македонската естрада се простува од Џорлев: Таму горе вечно нека свири твојата виолина

Ивона Петрова — Sat, 02 Jan 2021 09:00:53 +0000

Eден од најдобрите македонски виолинисти, вокален изведувач, и професоr Зоран Џорлев почина вчера ненадејно како последница од коронавирус. Македонската естрада во шок и неверување на прими веста за смртта на големиот виртуоз, па се огласи на социјалните мрежи каде изрази последна почит. Џорлев е роден во Струмица на 10 јануари 1967 година, каде го поминал детството, живеејќи на улицата „Пере Тошев“ во близина на киното, заедно со братот Ристо (Ице) и сестрата Софче. Тој е дете на Наско и Грозда Џорлеви, а татко му е познат композитор на народна музика и водач на оркестар. Кога бил првооделенец, со семејството се преселил во Скопје. Уште во раното детство, во Струмица, започнал да свири на труба, хармоника и гитара. Во 1977 година почнал да свири на виолина, откако претходно во музичкото училиште бил одреден да свири на пијано, зашто „немал предиспозиции за виолина“. Во 1989 дипломирал виолина на Факултетот за музичка уметност. Познат е по обработките и изведувањето на македонските народни и забавни композиции, обработки на филмски, џез, етно теми. Работел како професор по виолина, а беше и директор на ДМБУЦ Илија Николовски-Луј во Скопје. Во јануари 2011 беше назначен за директор на ансамблот за народни игри и песни „Танец“, каде остана до август 2017 година.

„Танец“ се збогува со Џорлев

Ивона Петрова — Sat, 02 Jan 2021 07:22:24 +0000

Со неизмерна тага ја примивме веста дека, на неполни 54 години, прерано замина познатиот виолинист, музички предагог, поранешен член на оркестарот на Македонската опера и балет, телевизиски шоумен и поранешен директор на НУ „Танец“, Зоран Џорлев. Раководството на „Танец“ и сите вработени изразуваат длабоко сочувство до неговото семејство и сите колеги со кои ја делеше сцената повеќе од четири децении. Вечна ти слава, напишаа од „Танец“. Зоран Џорлев е роден во Струмица на 10 јануари 1967 година, каде го поминал детството, живеејќи на улицата „Пере Тошев“ во близина на киното, заедно со братот Ристо (Ице) и сестрата Софче. Тој е дете на Наско и Грозда Џорлеви, а татко му бил познат композитор на народна музика и водач на оркестар. Кога бил првооделенец, со семејството се преселил во Скопје. Уште во раното детство, во Струмица, започнал да свири на труба, хармоника и гитара. Во 1977 година почнал да свири на виолина, откако претходно во музичкото училиште бил одреден да свири на пијано, зашто „немал предиспозиции за виолина“. Во 1989 дипломира виолина на Факултетот за музичка уметност. Познат е по обработките и изведувањето на македонските народни и забавни композиции, обработки на филмски, џез, етно теми. Работеше како професор по виолина, а беше и директор на ДМБУЦ Илија Николовски Луј во Скопје. Во јануари 2011 беше назначен за директор на ансамблот за народни игри и песни „Танец“, каде остана до август 2017 година.

Нема да го препознаете: Верувале или не, ова е маестро Зоран Џорлев (ФОТО)

Ивана Ефремовски — Mon, 16 Nov 2020 14:28:58 +0000

Нашиот маестрото на виолина, Зоран Џорлев, го смени имиџот и по долго време ги избричи брадата и мустаќите по кои беше препознатлив. Сликите, Џорлев ги објави на „Фејсбук“ и се пошегува: -Горан, брат му на Зоран. Малку освежување без брада, напиша тој во опис на фотографиите.