зоран илиоски – Kurir.mk

Илиоски: ВМРО го поддржуваше, а не организираше движењето за заедничка Македонија како што СДСМ ја поддржуваше шарената револуција

Дарко Андоновски — Thu, 10 Sep 2020 14:02:52 +0000

ВМРО-ДПМНЕ поддржало голем број на активности и разни здруженија каде членовите на ВМРО-ДПМНЕ зеле учество, ова денеска во судот во врска со настаните од 27 април го истакна Зоран Илиоски од ВМРО-ДПМНЕ. По неговиот исказ обвинителката Вилма Русковска нервозно со повишен тон праша дали ВМРО-ДПМНЕ ја поддржал и шарената револуција која за потсетување таа ја поддржа. Илиоски кажа дека тој лично не ја поддржал. -Пратениците од Битола, Велес, Кавадарци, Кичево, Скопје, Крива Паланка и други потврдија дека воопшто немало организиран превоз на членството на 27 април. Исто така потенцираа дека никој од пратениците не знаел дека тој ден СДСМ ќе бира претседател на собранието, па нема никаква логика некој да организира превоз, вели Илиоски.

Илиоски: Во партијата на аболицираниот Заев децата на кодошите си ги амнестираат своите предци!

Дарко Андоновски — Mon, 13 Jan 2020 09:56:07 +0000

Партијата на аболицираниот Зоран Заев сега прави аболиција на кодошите. Децата на кодошите си ги амнестираат своите предци, ова денеска преку соопштение до јавноста го истакнува Зоран Илиоски од ВМРО-ДПМНЕ. -Со СДСМ, Македонија стана единствена држава во Европа во која нема лустрација на кодошите на комунистичкиот режим, кои цели кариери изградија врз база кодошење на македонските патриоти, но и недолжни граѓани. Република Македонија е единствена држава во Европа, во која кодошите на комунистичкиот режим кои местеа луѓе и уништуваа човечки судбини, наместо осуда, за тоа ќе добијат и пари од државата. СДСМ им овозможува на десетици кодоши кои зацрнија цели семејства, сега да добијат пари од буџетот, кој го полнат децата на некогашните нивни жртви. Во ЕУ не се оди со остатоците од комунизмот преобразени во демократи. Соработник на режим, не може да биде демократ, потенцира Илиоски. Тој додава дека Македонија наместо европска држава станува како Северна Кореја каде со декрет на Заев се простува тоа што го правеле соработниците на тајните служби. -Законот кој што СДСМ го предлага е во целосна спротивност на европските вредности и демократските принципи и затоа ВМРО-ДПМНЕ нема да го поддржи. Одговорност за кодошите мора да има. И морална и политичка, вели Илиоски.

Илиоски: Најодговорен за хаосот кој што се случува во економијата е Зоран Заев

Дарко Андоновски — Wed, 25 Dec 2019 12:41:08 +0000

Пратеникот од редовите на ВМРО-ДПМНЕ, Зоран Илиоски на денешната собраниска седница истакна дека заменик министерката за финансии е најмалку крива за хаосот кој што владата го предизвика во економијата. -Најодговорен за хаосот кој што се случува во економијата е Зоран Заев, тогашниот министер Драган Тевдовски, и сегашната министерка Нина Ангеловска. Целта вика на законот кога се носеше беше да се овозможи поправеден систем за оданочување на доход и намалување на социјална нееднаквост. И сега после не цела година вие сфативте дека тој закон не ја исполнува целта. Дека не овозможи поправеден систем на оданочување доходот и не овозможи намалување на социјалната нееднаквост, образложи Илиоски. Илиоски додаде дека од тој момент се гледа понатаму неискреноста на владата. -Ако сте искрени, и ако кога сте го носеле законот за прогресивен данок сте имале една цел, и ако сега последна година сфаќате дека таа цел не е исполнета, наједноставно ќе беше заменик министерке како влада да излезете и да речете дека сте погрешиле. И дека овој закон го поништувате, нагласи Илиоски.

Илиоски: Афера за поткуп на вас како Влада ви е како заштитен знак

Ивана Ефремовски — Tue, 12 Nov 2019 14:13:30 +0000

На денешната седница во Собранието на Република Македонија, се обрати и пратеникот од редовите на ВМРО-ДПМНЕ, Зоран Илиоски кој посочи дека за Клинички центар на обезбедени средства, со проект, се, власта го прекина договорот. -Бидејќи сметале дека треба да се направи Клинички во вредност од 500 милиони евра, а тој во време на оваа власт нема да се направи, со еден збор се случи замајување на јавноста. Да не заборавиме денеска дека дискутираме затоа што имаше афера излезена за заменик министерот, за поткуп. Не знам дали е точно или меѓутоа имаше афера. Афера за поткуп која што се повеќе и повеќе на вас како Влада ви е како заштитен знак, додаде Илиоски. Илиоски појасни дека како пратениците веруваат на предлогот кој што го даваат за заменик министер е добар или ќе има успешно работење во својот ресор. -Досега дававте многу, многу ветувања, толку многу ветувања што на еден начин вие сте во незгодна ситуација да исполните дел од тие ветувања за да се оправдате пред граѓаните што сте направиле. Да спомнам, број на министерства помалку од 20, директно зависи од вас. Зошто не го направивте тоа? Чист воздух, кога ќе дојдете на власт воздухот ќе биде чист во Република Македонија. Две ипол години поминаа, не само што не е чист, туку е уште полоша ситуација, истакна Илиоски.

Илиоски: Овој ребаланс е доказ за една неспособна и неефикасна влада

Катерина Бојаџиева — Mon, 07 Oct 2019 16:47:54 +0000

На денешната собраниска седница обраќање имаше пратеникот од редовите на ВМРО ДПМНЕ Зоран Илиоски. Тој кажа дека ребалансот е доказ за една неспособна и неефикасна влада. Илиоски истакна дека економијата е во многу лоша состојба заради катастрофалниот пад на странски инвестиции кои во првата половина изнесуваат помалку за 80 % , понатаму тој ја потенцираше катастрофалната реализација на капиталните расходи и неизвесната даночна политика. Додаде дека она можеби што најлошо влијае врз економијата е недовербата на економските субјекти поради големата корупција и коруптивните скандали. Меѓу другото, Илиоски кажа дека успешноста на една влада се мери по остварените проекти, а не според дадените ветувања. -Оваа влада во овие 8-9 месеци од ветрените 420 милиони капитални расходи реализирала само 120 милиони. Оваа влада успеа за две години откако е на власт да дополнително да ја задолжи Македонија за 600 милиони евра истакна Илиоски.

Илиоски до пратениците на СДСМ: Ветувавте чист воздух, а граѓаните добија само „ЌЕ“

Катерина Бојаџиева — Wed, 25 Sep 2019 11:47:00 +0000

При заседавање на собраниска Комисија за финансирање и буџетирање се обрати пратеникот од пратеничката група на ВМРО-ДПМНЕ и Коалиција „За подобра Македонија“, Зоран Илиоски кој посочи дека пратениците од СДСМ успеаја и покрај губење на избори да дојдат на власт со неколку пароли. -Една од паролите која што многу ја употребувавте и требаше да ја реализирате беше „Чист воздух за сите“. Правевте протести, па дури и кога дојдовте на власт ваши министри штрајкуваа против владата кај што се министри и со гас маски шетаа низ Скопје. Меѓутоа како и за се друго вие „ќе“ направите, „ќе“ имате студија, „ќе“ предвидите програма, „ќе“ предвидите пари. И меѓутоа за жал ништо не реализирате, појасни Илиоски. Илиоски додаде дека за да се борат пратениците и владата на СДСМ против нечистиот воздух тоа не оди преку ноќ, не оди наеднаш. -Свесни сме сите дека сите ние треба да се потрудиме со разни мерки да влијаеме на квалитетот на чистиот воздух. Меѓутоа едно од мерките или основата за да спроведеш некоја мерка треба да имаш податоци и бројки. Во вашата програма за „План за живот“ напишавте дека во првите две години ќе комплетирате мрежа на станици за следење на квалитет на воздух, заедно со дополнителна мрежа за загадување на водите и почвата и сето тоа ќе го интегрирате во еден интегриран систем и граѓаните ќе имаат информации за загаденоста на животната средина. И што се случува? Нормално ништо, потенцира Илиоски.

Илиоски: Ништо што ветивте немате направено, не сте способни, да сум на ваше место ќе си дадев оставка

Предраг Кукиќ — Thu, 19 Sep 2019 13:11:38 +0000

На денешната Комисија за финанасирање и буџет во Собранието на Република Македонија, пратеникот од редовите на ВМРО-ДПМНЕ, Зоран Илиоски истакна дека власта ниту едно предизборно ветување упатено кон гласачите не остварила. Покачени се акцизите, покачени се даноците, но притоа не е реализиран ниту еден проект коментира тој. -Се што сте рекле за време на предизборието, ништо немате направено. Освен се извинувам, покачивте акциза, покачивте данок. Тоа да. Значи арачот на граѓаните го зголемивте. Ги зголемивте даноците за персонален данок, тоа да и попатно поделивте по некој грант од фондот за иновации на ваши блиски и продуциравте афера рекет која што е позната во Европа, вели Илиоски. Секоја влада е избрана да гради и создава потенцираше Илиоски и ја посочо реализацијата на капитални инвестиции како најголем проблем на оваа влада. -Секоја Влада во било која држава, пред се зошто е избрана? За да направи нешто да изгради нешто. Што изградивте вие? Велевте дека ќе реализирате капитални инвестиции во вредност од 400 милиони евра, две третини од годината поминаа реализиравте 120 милиони. Срамота е. Јас да сум на ваша место ќе молчам, ќе си заминам низ врата и ќе кажам чао луѓе пријатно. Не сте способни. Минатата година истото ви се случи, додаде тој.

Илиоски: Оваа Влада единствено се занимава со популистички мерки и популистики начин на сеење на магла

Предраг Кукиќ — Tue, 30 Jul 2019 16:09:18 +0000

Зоран Илиоски, пратеникот од ВМРО-ДПМНЕ на денешната собраниска ја информираше македонската јавност дека Законот за измени и дополнување на Законот за возила бил предложен од страна на мнозинството во ноември месец минатата година и тоа кога актуелно било загадувањето во целата држава. Имено тој рече дека овој Закон имено бил предложен и кога парламентарното мнозинство т.е Владата не знаеле што да направи во врска со овој проблем па си зимисли да се категоризираат возилата и да им се стави налепници кој колку загадува и со тоа на некој начин ќе биде решено загадувањето во Република Македонија. -Сфати дека тоа е популистичка мерка, дека нема да даде никакво решение и го влечкаше овој закон еве веќе 8 месеци, и кога на крајот на краиштата го носиме овој закон воведуваме да лепенки за еколошка категоризација на возилата стават самите возачи по сопствено убедување и да важи поставувањето на овие еколошки лепенки една година откога овој закон ќе влезе во сила, посочи Илиоски. Тој потенцира дека ова е уште еден доказ дека оваа Влада нема намера да ги решава проблемите на граѓаните, туку оваа Влада единствено се занимава со популистички мерки и популистики начин на сеење на магла. -И што е најинтересно после оваа точка има уште една точка за измена на овој ист закон кадешто се усогласуваат овој закон со измените коишто се воведени во прекршочна постапка т.е со казните при евентуално направен некој прекршок, кажа Илиоски. Тој во своето обраќање додаде дека ова преставува тотална конфузија, тотално немање на план, тотално немање визија за решавање на проблемите на граѓаните.

Илиоски: Со измените на Законот за јавно-приватно партнерство се ставаат во нерамномерна положба сите кои сакаат да конкурираат за јавно-приватно пaртнерство

Предраг Кукиќ — Wed, 24 Jul 2019 14:13:58 +0000

Зоран Илиоски, пратеник од ВМРО-ДПМНЕ и Коалицијата „За подобра Македонија„ на денешната собраниска седница рече дека ова што се случува во Република Македонија е класичен пример на поведување рекет, законски рекет и власта сака да го прошири и во друга област. Тој во своето обраќање потенцираше дека постои Совет за јавно-приватно партнерство и проблематиката на јавно-приватно партнерство која не е воопшто едноставна.Имено таа зафаќа работи коишто се од интерес на сите граѓани на Република Македонија, зафаќа работи кои се од осетлив карактер. - Колегата Рушити кажа како со една одлука недобропромислена или пак добропромислена намерно направена е донесена штета на јавниот интерес. Значи тело кое се занимава со таа проблематика не предлага измени на овој закон, Владата не предлага измени на овој закон, иако пред неколку месеци најави дека ќе треба да се пренаменат парите за изградба на карго аеродромот во друго ствари, па се најдоа 5 пратеници кои се најстручни за оваа област да го протнат ова законско решение, посочи Илиоски Пратеникот Илиоски кажа дека власта се обидува да го протне ова законско решение затоашто документите коишто им беа доставени на пратеници пишувало дека во членот којшто сакаа да го промените постои една алинеа. -Има суштинска разлика во тоашто е дадено во предлогот за измена на законското решение т.е што е дадено како изгледа членот 41и онашто вие го предлагате.Вие предлагате да приватниот партнер има можност врз основа на извештај да изврши пренамена на средстава и а тој начин ги ставате во нерамномерна положба сите идни концесионери и сите луѓе кои сакаат да конкурираат за некое јавно-приватно пaртнерство, истакна пратеникот. Тој порача дека сетоова ќе доведе во ситуација цел систем за јавно-приватно партнерство да пропадне.

Илиоски: Повеќе од 80% од општините го немаат оформено општинскиот совет за превенција од детско престапништво

Катерина Бојаџиева — Tue, 23 Jul 2019 12:27:19 +0000

Зоран Илиоски, пратеник од ВМРО-ДПМНЕ, на денешната собраниска седница рече дека Комисијата за политички ситем пред неколку дена го разгледувала извештајот за државниот совет за детско престапништво и се констатира фрапантна бројка каде повеќе од 80% од општините го немаат оформено општинскиот совет за превенција од детско престапништво. -Ова прашање не треба да го креваме на политичко ниво, тоа е суштинско, се работи за деца и како пратеници предлагаме измени во Законот за правда на децата за на еден начин општините и градоначалниците да бидат приморани да го оформат овој Совет и бидејки се работи зза кратки измени во законот преедлагаме да оди по скратена постапка, истакна Илиоски.